ԳՈՐԾՔ ԱՌԱՔԵԼՈՑ 22:4 - Western Armenian New Translation - Armenian Catholicosate of Cilicia - New Testament

⁴ Ա՛յնքան նախանձախնդիր էի, որ այս վարդապետութեան հետեւողները հալածեցի մինչեւ մահ, ձերբակալելով եւ բանտ նետել տալով այր թէ կին,

Արեւմտահայերէն Նոր Կտակարան հարմարցուած․ 2017

⁴ Որ այրեր ու կիներ կապելով ու բանտերու մատնելով հալածեցի մինչեւ մահ։

Western Armenian Bible 1853

⁴ Որ այրեր ու կիներ կապելով ու բանտերու մատնելով հալածեցի մինչեւ մահ։

ԳՈՐԾՔ ԱՌԱՔԵԼՈՑ 22:4 Iomraidhean Croise

ԳՈՐԾՔ ԱՌԱՔԵԼՈՑ 16:17

Այս կինը Պօղոսի եւ մեր ետեւէն գալով՝ կ՚աղաղակէր եւ կ՚ըսէր. –Այս մարդիկը Բարձրեալ Աստուծոյ ծառաներն են, որոնք փրկութեան ճամբան կը քարոզեն ձեզի։

ԳՈՐԾՔ ԱՌԱՔԵԼՈՑ 18:26

Անիկա սկսաւ համարձակ կերպով խօսիլ ժողովարանին մէջ։ Երբ Ակիլաս եւ Պրիսկիլա լսեցին իր քարոզութիւնը, զայն իրենց քով առին եւ աւելի ճիշդ ձեւով իրեն պարզեցին Աստուծոյ ճամբան։

ԳՈՐԾՔ ԱՌԱՔԵԼՈՑ 19:23

Այդ օրերուն էր, որ Եփեսոսի մէջ մեծ խռովութիւն մը եղաւ Տիրոջ վարդապետութեան համար։

ԳՈՐԾՔ ԱՌԱՔԵԼՈՑ 19:9

Սակայն երբ անոնցմէ ոմանք սկսան յամառօրէն հակաճառել եւ բազմութեան դիմաց վարկաբեկել Տիրոջ վարդապետութիւնը, Պօղոս ժողովարանէն քաշուեցաւ եւ Տիրոջ աշակերտածներն ալ միասին տարաւ, եւ ամէն օր կը խօսէր անոնց, Տիրան անունով մէկու մը դպրոցին մէջ։

ԳՈՐԾՔ ԱՌԱՔԵԼՈՑ 24:14

Կը վստահեցնեմ քեզ, որ ես ալ մեր հայրենի Աստուածը կը պաշտեմ, բայց նոր ուղղութեամբ մը՝ որ իրենք «աղանդ» կը կոչեն։ Կը հաւատամ այն բոլորին որ գրուած են Օրէնքին եւ մարգարէութեանց մէջ,

ԳՈՐԾՔ ԱՌԱՔԵԼՈՑ 7:58

Յետոյ զայն քաղաքէն դուրս հանելով՝ սկսան քարկոծել։ Վկաները իրենց թիկնոցները կը յանձնէին երիտասարդի մը, որ Սօղոս կը կոչուէր։

ԳՈՐԾՔ ԱՌԱՔԵԼՈՑ 9:21

Լսողները բոլորն ալ զարմացած՝ կ՚ըսէին. –Ասիկա այն մարդը չէ՞ր, որ Երուսաղէմի մէջ կատաղօրէն կը հալածէր անոնք՝ որոնք Յիսուսը կը պաշտէին։ Եւ նոյն նպատակով չէ՞ր որ եկաւ հոս, որպէսզի զանոնք ձերբակալելով աւագ քահանաներուն տանի։

ԱՌԱՋԻՆ ԿՈՐՆԹԱՑԻՍ 15:9

Արդարեւ, առաքեալներուն մէջ յետինն եմ ես եւ արժանի իսկ չեմ առաքեալ կոչուելու, քանի Աստուծոյ եկեղեցին հալածեցի։

ԳԱՂԱՏԱՑԻՍ 1:13

Անշուշտ լսած էք թէ ինչ կ՚ընէի, երբ տակաւին հրէութեան կապուած էի. ի՜նչ սաստկութեամբ կը հալածէի Աստուծոյ եկեղեցին, փորձելով զայն արմատախիլ ընել։

ՓԻԼԻՊՊԵՑԻՍ 3:6

Ա՛յնքան նախանձախնդիր էի, որ Քրիստոսի եկեղեցին կը հալածէի. եւ արդար էի այնքան՝ որքան Օրէնքին անթերի գործադրութիւնը կրնար տալ։

ԵՐԿՐՈՐԴ ՊԵՏՐՈՍԻ 2:2

Շատեր պիտի հետեւին անոնց անառակութիւններուն, որով պատճառ պիտի դառնան որ ճշմարտութեան ճամբան անարգուի։