ԳՈՐԾՔ ԱՌԱՔԵԼՈՑ 22:3 - Western Armenian New Translation - Armenian Catholicosate of Cilicia - New Testament

³ Ես Հրեայ մարդ մըն եմ՝ Կիլիկիայի Տարսոն քաղաքը ծնած, բայց սնած այս քաղաքին մէջ, Գամաղիէլի ձեռքին տակ եւ մեր հայրենի ճշգրիտ Օրէնքով դաստիարակուած։ Ես նոյնքան նախանձախնդրութեամբ նուիրուած էի Աստուծոյ՝ որքան դուք բոլորդ այսօր։

Արեւմտահայերէն Նոր Կտակարան հարմարցուած․ 2017

³ եւ անիկա ըսաւ. «Ես Հրեայ մարդ մըն եմ Կիլիկիոյ Տարսոնի մէջ ծնած եւ այս քաղաքին մէջ Գամաղիէլի ոտքը մեծցած ու մեր հայրենի օրէնքին ճշդութեանը մէջ կրթուած, նախանձաւոր էի Աստուծոյ, ինչպէս այսօր դուք ամէնքդ էք։

Western Armenian Bible 1853

³ Եւ անիկա ըսաւ. «Ես Հրեայ մարդ մըն եմ Կիլիկիոյ Տարսոնի մէջ ծնած եւ այս քաղաքին մէջ Գամաղիէլի ոտքը մեծցած ու մեր հայրենի օրէնքին ճշդութեանը մէջ կրթուած, նախանձաւոր էի Աստուծոյ, ինչպէս այսօր դուք ամէնքդ էք։

ԳՈՐԾՔ ԱՌԱՔԵԼՈՑ 22:3 Iomraidhean Croise

ՂՈԻԿԱՍ 10:39

Ասիկա քոյր մը ունէր, Մարիամ անունով, որ եկաւ եւ Տիրոջ ոտքերուն քով նստելով՝ սկսաւ անոր խօսքերը մտիկ ընել,

ՂՈԻԿԱՍ 2:46

Երեք օր ետք զինք գտան տաճարին մէջ։ Անիկա տաճարին ուսուցիչներուն հետ նստած՝ անոնց մտիկ կ՚ընէր եւ հարցումներ կ՚ուղղէր։

ՂՈԻԿԱՍ 8:35

Ժողովուրդը գնաց տեսնելու թէ ի՛նչ պատահած էր։ Եկան Յիսուսի մօտ, եւ երբ տեսան որ մարդը, որմէ չար ոգիները դուրս ելած էին, նստած էր Յիսուսի ոտքերուն մօտ՝ հագուստներ հագած եւ զգաստացած, վախցան։

ԳՈՐԾՔ ԱՌԱՔԵԼՈՑ 11:25

Ապա Բառնաբաս Տարսոն գնաց Սօղոսը փնտռելու, եւ երբ գտաւ՝ զայն բերաւ Անտիոք,

ԳՈՐԾՔ ԱՌԱՔԵԼՈՑ 15:23

Անոնց ձեռքով նաեւ հետեւեալ նամակը ղրկեցին Անտիոքի եղբայրներուն.– «Առաքեալներէն, երէցներէն ու եղբայրներէն՝ ողջոյն ձեզի, հեթանոսութենէ դարձի եկած եղբայրներուդ, որ Անտիոքի, Սուրիայի եւ Կիլիկիայի մէջ կը գտնուիք»։

ԳՈՐԾՔ ԱՌԱՔԵԼՈՑ 15:41

Սուրիայի եւ Կիլիկիայի կողմերը կը պտըտէր եւ եկեղեցիները կը զօրացնէր։

ԳՈՐԾՔ ԱՌԱՔԵԼՈՑ 21:20

Իսկ անոնք լսելով՝ Աստուծոյ փառք կու տային։ Ապա ըսին իրեն. –Կը տեսնե՞ս, եղբայր, տասնեակ հազարաւոր Հրեայ հաւատացեալներ կան, եւ բոլորն ալ Օրէնքը պահելու նախանձախնդիր են։

ԳՈՐԾՔ ԱՌԱՔԵԼՈՑ 21:39

Պօղոս պատասխանեց. –Ես Հրեայ մարդ մըն եմ, Տարսոնցի, Կիլիկիայէն. այսինքն՝ աննշան քաղաքի մը քաղաքացի չեմ։ Խնդրեմ, արտօնէ որ խօսիմ ժողովուրդին։

ԳՈՐԾՔ ԱՌԱՔԵԼՈՑ 23:34

Կառավարիչը նամակը կարդաց եւ Պօղոսին հարցուց թէ կայսրութեան ո՛ր նահանգէն է. եւ հասկնալէ ետք թէ Կիլիկիայէն է,

ԳՈՐԾՔ ԱՌԱՔԵԼՈՑ 23:6

Երբ Պօղոս գիտցաւ, որ Ատեանին մէկ կողմը Սադուկեցիներն են, իսկ միւս կողմը՝ Փարիսեցիները, սկսաւ աղաղակել. –Եղբայրնե՛ր, ես Փարիսեցի եմ եւ Փարիսեցիներու զաւակ. եւ եթէ կը դատուիմ ահա՝ մեռելներու յարութեան յոյսը ունենալուս համար է։

ԳՈՐԾՔ ԱՌԱՔԵԼՈՑ 26:5

Դարձեալ հինէն ի վեր գիտեն, եթէ ուզեն այդ մասին վկայել, թէ շատ կանուխէն պատկանած եմ մեր կրօնքին խստագոյն գործադրութիւնը պահանջող խմբակցութեան, Փարիսեցի մը ըլլալով։

ԳՈՐԾՔ ԱՌԱՔԵԼՈՑ 26:9

Ես ինքս ալ, օրինակ, ես ինծի կը խորհէի՝ թէ ամէն ձեւով պէտք է Յիսուս Նազովրեցիի անունին դէմ պայքարիմ։

ԳՈՐԾՔ ԱՌԱՔԵԼՈՑ 5:34

Այն ատեն Ատեանին մէջ ոտքի ելաւ Գամաղիէլ անունով մէկը, որ Փարիսեցիներէն էր եւ ամբողջ ժողովուրդին կողմէ յարգուած Օրէնքի ուսուցիչ մը, եւ հրամայեց որ նախ առաքեալները դուրս տանին,

ԳՈՐԾՔ ԱՌԱՔԵԼՈՑ 6:9

Այդ իսկ պատճառով, Լիպիացիներու, Կիրենացիներու, Աղեքսանդրացիներու, Կիլիկեցիներու եւ Ասիացիներու ժողովարանէն կարգ մը Հրեաներ եկան Ստեփանոսի հետ վիճաբանելու։

ԳՈՐԾՔ ԱՌԱՔԵԼՈՑ 9:1

Մինչ այդ, Սօղոս կը շարունակէր սպառնալիք ու մահ թափել Տիրոջ աշակերտներուն վրայ։ Քահանայապետին քով երթալով,

ԳՈՐԾՔ ԱՌԱՔԵԼՈՑ 9:11

Եւ Տէրը ըսաւ իրեն. –Ոտքի՛ ել, գնա՛ Ուղիղ կոչուած փողոցը, Յուդայի տունը, եւ հարցուր Սօղոս անունով Տարսոնցիի մը մասին, որ այս պահուն աղօթքի կանգնած է։

ԳՈՐԾՔ ԱՌԱՔԵԼՈՑ 9:30

Հաւատացեալ եղբայրները երբ իմացան, Կեսարիա փախցուցին Սօղոսը, եւ հոնկէ ալ Տարսոն ղրկեցին։

ՀՌՈՎՄԱՅԵՑԻՍ 11:1

Արդ, կը հարցնեմ.–Արդեօք Աստուած մերժե՞ց իր ժողովուրդը։ Բնա՛ւ երբեք։ Որովհետեւ ես ինքս ալ Իսրայէլացի եմ, Աբրահամի սերունդ, Բենիամինիցեղէն։

ԵՐԿՐՈՐԴ ԿՈՐՆԹԱՑԻՍ 11:22

Եբրայեցի՞ են. ես ալ Եբրայեցի եմ։ Իսրայէլացի՞ են. ես ալ։ Աբրահամի սերո՞ւնդ են. ես ալ եմ։

ԳԱՂԱՏԱՑԻՍ 1:14

Ինծի տարեկից շատ մը ազգակիցներէ աւելի տեղեակ էի հրեայ կրօնական սովորութեանց, եւ շատ աւելի նախանձախնդիր էի մեր հայրենի աւանդութիւններուն:

ԳԱՂԱՏԱՑԻՍ 1:21

Յետոյ անմիջապէս Սուրիայի եւ Կիլիկիայի կողմերը եկայ,