ԳՈՐԾՔ ԱՌԱՔԵԼՈՑ 2:5 - Western Armenian New Translation - Armenian Catholicosate of Cilicia - New Testament

⁵ Այն օրը Երուսաղէմ քաղաքը լեցուն էր բարեպաշտ Հրեաներով, որոնք աշխարհի բոլոր երկիրներէն եկած էին։

Արեւմտահայերէն Նոր Կտակարան հարմարցուած․ 2017

⁵ Երուսաղէմի մէջ բնակող Հրեաներ կային՝ աստուածավախ մարդիկ՝ երկնքի տակ եղած բոլոր ազգերէն ժողվուած,

Western Armenian Bible 1853

⁵ Երուսաղէմի մէջ բնակող Հրեաներ կային՝ աստուածավախ մարդիկ՝ երկնքի տակ եղած բոլոր ազգերէն ժողվուած,

ԳՈՐԾՔ ԱՌԱՔԵԼՈՑ 2:5 Iomraidhean Croise

ՄԱՏԹԷՈՍ 24:14

Արքայութեան Աւետարանը պիտի քարոզուի ամբողջ աշխարհի մէջ՝ իբրեւ վկայութիւն բոլոր ժողովուրդներուն. եւ ապա պիտի գայ վախճանը։

ՂՈԻԿԱՍ 17:24

Որովհետեւ՝ ինչպէս կայծակը փայլատակելով կը լուսաւորէ երկնակամարին մէկ կողմէն մինչեւ միւսը, նոյնպէս պիտի ըլլայ Մարդու Որդին իր գալստեան օրը։

ՂՈԻԿԱՍ 2:25

Այդ ժամանակ Երուսաղէմի մէջ Սիմոն անունով մարդ մը կ՚ապրէր։ Սիմոն արդար եւ աստուածավախ էր եւ Իսրայէլի փրկութեան կը սպասէր։ Սուրբ Հոգին իրեն հետ էր

ՂՈԻԿԱՍ 24:18

Անոնցմէ մէկը, որ Կղէոպաս կը կոչուէր, ըսաւ. – Երուսաղէմի մէջ միայն դո՞ւն կաս, որ չես գիտեր թէ այս օրերուն ինչ պատահեցաւ։

ՅՈՎՀԱՆՆՈԻ 12:20

Տօնին առիթով կարգ մը Յոյներ ալ եկած էին Երուսաղէմ՝ Աստուծոյ երկրպագելու։

ԳՈՐԾՔ ԱՌԱՔԵԼՈՑ 10:2

Ասիկա իր ամբողջ ընտանիքով բարեպաշտ էր եւ աստուածավախ. մեծապէս կ՚օգնէր Հրեայ ժողովուրդի աղքատներուն եւ տեւաբար կ՚աղօթէր Աստուծոյ։

ԳՈՐԾՔ ԱՌԱՔԵԼՈՑ 10:7

Երբ իր հետ խօսող հրեշտակը մեկնեցաւ, Կոռնելիոս կանչեց իր ծառաներէն երկու հոգի եւ իրեն սպասաւորող զինուորներէն մէկը, որ բարեպաշտ մարդ մըն էր,

ԳՈՐԾՔ ԱՌԱՔԵԼՈՑ 13:50

Բայց Հրեաներ գրգռեցին կարգ մը ազնուատոհմիկ, բարեպաշտ կիներ, ինչպէս նաեւ քաղաքին մեծամեծները, եւ Պօղոսի ու Բառնաբասի դէմ հալածանք հանելով՝ զանոնք իրենց սահմաններէն դուրս դրին։

ԳՈՐԾՔ ԱՌԱՔԵԼՈՑ 2:1

Երբ Պենտէկոստէի օրըհասաւ, բոլոր հաւատացեալները միասնաբար մէկտեղուած էին։

ԳՈՐԾՔ ԱՌԱՔԵԼՈՑ 22:12

Այնտեղ Օրէնքը պահող բարեպաշտ մարդ մը կար, Անանիա անունով, որուն մասին հոն բնակող բոլոր Հրեաներն ալ լաւ կը վկայէին։

ԳՈՐԾՔ ԱՌԱՔԵԼՈՑ 8:2

Իսկ քանի մը բարեպաշտներ Ստեփանոսի մարմինը տարին թաղեցին, մեծ կոծ ընելով անոր վրայ։

ԳՈՐԾՔ ԱՌԱՔԵԼՈՑ 8:27

Փիլիպպոս ելաւ գնաց։ Եւ ահաւասիկ Եթովպիացի ներքինի մը, որ Եթովպիացիներու Կանդակին, այսինքն՝ թագուհիին բարձրաստիճան մէկ պաշտօնեան էր, անոր ընդհանուր գանձապետը, եւ Երուսաղէմ եկած էր Աստուծոյ երկրպագելու,

ԿՈՂՈՍԱՑԻՍ 1:23

Ուստի յարատեւեցէ՛ք ձեր հաւատքին մէջ, զայն ամուր հիմերու վրայ հաստատելով, անխախտ պահելով այն յոյսը՝ որ ունեցաք Աւետարանի քարոզութիւնը լսելով։ Ես՝Պօղոսս, ինքս ալ ծառայ մըն եմ այդ Աւետարանին, որ երկինքի տակ գտնուող բոլոր արարածներուն կը քարոզուի։