ԳՈՐԾՔ ԱՌԱՔԵԼՈՑ 15:1 - Western Armenian New Translation - Armenian Catholicosate of Cilicia - New Testament

¹ Կարգ մը մարդիկ, որոնք Հրէաստանէն Անտիոք եկած էին, հաւատացեալ եղբայրներուն կ՚ուսուցանէին, ըսելով. –Եթէ Մովսէսի Օրէնքին տրամադրութեան համաձայն չթլփատուիք՝ չէք կրնար փրկուիլ։

Արեւմտահայերէն Նոր Կտակարան հարմարցուած․ 2017

¹ Մէկ քանիներ, Հրէաստանէն եկած, եղբայրներուն կը սորվեցնէին թէ՝ եթէ Մովսէսին աւանդած սովորութեանը համեմատ չթլփատուիք, չէք կրնար փրկուիլ։

Western Armenian Bible 1853

¹ Մէկ քանիներ, Հրէաստանէն եկած, եղբայրներուն կը սորվեցնէին թէ՝ եթէ Մովսէսին աւանդած սովորութեանը համեմատ չթլփատուիք, չէք կրնար փրկուիլ։

ԳՈՐԾՔ ԱՌԱՔԵԼՈՑ 15:1 Iomraidhean Croise

ՅՈՎՀԱՆՆՈԻ 7:22

Մովսէս հրահանգեց թլփատել ձեր զաւակները — թէեւ Մովսէս չէր սկսողը, այլ ձեր նախահայրերը — եւ դուք ձեր զաւակները կը թլփատէք Շաբաթ օրով։

ԳՈՐԾՔ ԱՌԱՔԵԼՈՑ 1:15

Համբարձումէն քանի մը օրեր ետք, երբ շուրջ հարիւր քսանհաւատացեալներ մէկտեղուած էին, Պետրոս ոտքի ելլելով ըսաւ. –

ԳՈՐԾՔ ԱՌԱՔԵԼՈՑ 15:22

Այն ատեն առաքեալներն ու երէցները ամբողջ եկեղեցիին հետ միասին յարմար դատեցին՝ Պօղոսի եւ Բառնաբասի հետ Անտիոք ղրկել իրենց մէջէն ընտրուած քանի մը հոգի, եւընտրեցին Բարսաբա կոչուած Յուդան եւ Շիղան, որոնք հաւատացեալներուն մէջ հեղինակութիւն վայելող անձեր էին։

ԳՈՐԾՔ ԱՌԱՔԵԼՈՑ 15:23

Անոնց ձեռքով նաեւ հետեւեալ նամակը ղրկեցին Անտիոքի եղբայրներուն.– «Առաքեալներէն, երէցներէն ու եղբայրներէն՝ ողջոյն ձեզի, հեթանոսութենէ դարձի եկած եղբայրներուդ, որ Անտիոքի, Սուրիայի եւ Կիլիկիայի մէջ կը գտնուիք»։

ԳՈՐԾՔ ԱՌԱՔԵԼՈՑ 15:24

«Լսեցինք, թէ ոմանք որպէս թէ մեր կողմէ եկած՝ իրենց արտայայտութիւններով խռովեցուցած են ձեզ եւ շփոթի մատնած, ըսելով՝ թէ պէտք է թլփատուիք եւ Օրէնքը գործադրէք. մինչդեռ մենք այդպիսի բան չենք պատուիրած իրենց։

ԳՈՐԾՔ ԱՌԱՔԵԼՈՑ 15:3

Ուստի եկեղեցիին կողմէ ղրկուած՝ անոնք հրաժեշտ առնելէ ետք անցան Փիւնիկէէն ու Սամարիայէն, տեղւոյն բոլոր հաւատացեալ եղբայրներուն պատմելով հեթանոսներու դարձին մասին եւ մեծապէս ուրախացնելով զանոնք։

ԳՈՐԾՔ ԱՌԱՔԵԼՈՑ 15:32

Յուդա եւ Շիղա, որովհետեւ իրենք ալ մարգարէներ էին, երկարօրէն խօսելով՝ քաջալերեցին եւ զօրացուցին եղբայրները։

ԳՈՐԾՔ ԱՌԱՔԵԼՈՑ 15:5

Փարիսեցիներու աղանդէն եկող հաւատացեալներէն ոմանք ելան եւ ըսին. –Պէտք է թլփատել զանոնք, եւ պատուիրել՝ որ Մովսէսի Օրէնքը գործադրեն։

ԳՈՐԾՔ ԱՌԱՔԵԼՈՑ 21:20

Իսկ անոնք լսելով՝ Աստուծոյ փառք կու տային։ Ապա ըսին իրեն. –Կը տեսնե՞ս, եղբայր, տասնեակ հազարաւոր Հրեայ հաւատացեալներ կան, եւ բոլորն ալ Օրէնքը պահելու նախանձախնդիր են։

ԳՈՐԾՔ ԱՌԱՔԵԼՈՑ 6:14

Անձամբ լսեցինք որ կ՚ըսէր՝ թէ Նազովրեցի Յիսուսը պիտի քանդէ այս տաճարը եւ պիտի փոխէ այն աւանդութիւնները որ Մովսէս մեզի տուաւ։

ԳԱՂԱՏԱՑԻՍ 2:1

Այնուհետեւ, տասնըչորս տարիետքկրկին Երուսաղէմ գացի Բառնաբասին հետ, Տիտոսն ալ միասին առնելով։

ԳԱՂԱՏԱՑԻՍ 5:6

Որովհետեւ Քրիստոս Յիսուսի միանալէ ետք՝ ո՛չ թլփատուած ըլլալը արժէք մը ունի, ո՛չ ալ թլփատուած չըլլալը, այլ՝ սիրով գործի դրուած հաւատքը։

ԳԱՂԱՏԱՑԻՍ 6:12

Անոնք որ մարդկային նկատումներով ուրիշներու աչքին լաւ երեւիլ կ՚ուզեն՝ անոնք է որ ձեզ կը ստիպեն որ թլփատուիք, պարզապէս որպէսզի Քրիստոսի խաչին համար չհալածուին։

ԿՈՂՈՍԱՑԻՍ 2:16

Կարեւորութիւն մի՛ տաք անոնց՝ որոնք ձեզ կը քննադատեն, թէ ինչո՛ւ չէք պահեր ուտելու եւ խմելու, տօնակատարութեանց, ամսամուտերու եւ Շաբաթ օրերու վերաբերող կանոնները.

ԿՈՂՈՍԱՑԻՍ 2:8

Զգոյշ եղէք, որ ոեւէ մէկը ձեր միտքը չգրաւէ իմաստասիրական տեսութիւններով եւ խաբեբայական սին խօսքերով, որոնք մարդկային աւանդութիւններու եւ բնութեան ոյժերուն վրայ կը հիմնուին եւ ո՛չ թէ Յիսուս Քրիստոսի ճշմարիտ վարդապետութեան վրայ։