ԳՈՐԾՔ ԱՌԱՔԵԼՈՑ 13:2 - Western Armenian New Translation - Armenian Catholicosate of Cilicia - New Testament

² Օրմը, երբ ասոնք Տիրոջ պաշտամունք կը մատուցանէին ծոմ վիճակով, Սուրբ Հոգին ըսաւ. –Տրամադրեցէ՛ք Բառնաբասն ու Սօղոսը այն գործին՝ որուն կոչած եմ զիրենք։

Արեւմտահայերէն Նոր Կտակարան հարմարցուած․ 2017

² Երբ ասնոք Տէրոջը պաշտօնին մէջ էին եւ ծոմ կը պահէին, Սուրբ Հոգին ըսաւ. «Զատեցէ՛ք ինծի Բառնաբասը եւ Սօղոսը այն գործին համար, որուն ես կանչեր եմ անոնք»։

Western Armenian Bible 1853

² Երբ ասնոք Տէրոջը պաշտօնին մէջ էին եւ ծոմ կը պահէին, Սուրբ Հոգին ըսաւ. «Զատեցէ՛ք ինծի Բառնաբասը եւ Սօղոսը այն գործին համար, որուն ես կանչեր եմ անոնք»։

ԳՈՐԾՔ ԱՌԱՔԵԼՈՑ 13:2 Iomraidhean Croise

ՄԱՏԹԷՈՍ 17:21

Բայց այս տեսակ չար ոգին միայն աղօթքով եւ ծոմապահութեամբ կարելի է դուրս հանել։

ՄԱՏԹԷՈՍ 9:38

Հետեւաբար խնդրեցէք հունձքի Տիրոջմէն, որ իր հունձքին համար մշակներ ղրկէ։

ՂՈԻԿԱՍ 10:1

Այսդէպքէնետք՝Յիսուս եօթանասուներկու աշակերտներ եւս նշանակեց եւ զանոնք զոյգ–զոյգ իրմէ առաջ ղրկեցիր երթալիք բոլոր քաղաքներն ու շրջանները։

ՂՈԻԿԱՍ 2:37

եւ այժմ ութսուն չորս տարեկան այրի մըն էր։ Տաճարէն չէր հեռանար, այլ գիշեր ու ցերեկ ծոմապահութեամբ եւ աղօթքով անցնելով՝ զԱստուած կը պաշտէր։

ԳՈՐԾՔ ԱՌԱՔԵԼՈՑ 10:19

Մինչ Պետրոս տակաւին տեսիլքին մասին կը խորհէր, Սուրբ Հոգին ըսաւ իրեն. –Երեք հոգիներ եկած՝ քեզ կը փնտռեն։

ԳՈՐԾՔ ԱՌԱՔԵԼՈՑ 10:30

Կոռնելիոս պատասխանեց. –Չորս օր առաջ, մօտաւորապէս այս ժամուն, մինչ ժամը երեքի աղօթքը կ՚ընէի տունիս մէջ, ահա փայլուն զգեստներով մարդ մը կեցաւ դիմացս

ԳՈՐԾՔ ԱՌԱՔԵԼՈՑ 13:3

Այն ատեն ծոմապահութեամբ եւ աղօթքով ձեռք դրին անոնց վրայ եւ ղրկեցին։

ԳՈՐԾՔ ԱՌԱՔԵԼՈՑ 13:4

Հետեւաբար, Բառնաբասն ու Սօղոսը Սուրբ Հոգիէն ղրկուած՝ իջան Սելեւկիա, եւ հոնկէ դէպի Կիպրոս նաւեցին։

ԳՈՐԾՔ ԱՌԱՔԵԼՈՑ 14:26

Հոնկէ նաւելով գացին Անտիոք, ուրկէ Աստուծոյ շնորհքին յանձնուած էին՝ ա՛յն գործին համար, որ աւարտեցին։

ԳՈՐԾՔ ԱՌԱՔԵԼՈՑ 20:28

Հսկեցէ՛ք ձեր անձերուն եւ ձեր ամբողջ հօտին, որուն տեսուչ կարգեց ձեզ Սուրբ Հոգին։ Հովուեցէ՛ք Տիրոջ եկեղեցին, որ ան իր արիւնով գնեց։

ԳՈՐԾՔ ԱՌԱՔԵԼՈՑ 22:21

Բայց Տէրը ինծի ըսաւ. «Գնա՛, որովհետեւ ես քեզ հեռաւոր ազգերուն պիտի ղրկեմ»։

ԳՈՐԾՔ ԱՌԱՔԵԼՈՑ 4:36

Այդպիսիներէն մէկն էր, օրինակ, այն Յովսէփը որ առաքեալներուն կողմէ կոչուեցաւ Բառնաբաս, որ կը նշանակէ՝ մէկը որ կը քաջալերէ։ Ասիկա Կիպրոս ծնած Ղեւտացի մըն էր,

ԳՈՐԾՔ ԱՌԱՔԵԼՈՑ 6:4

իսկ մենք աղօթքի եւ Աստուծոյ խօսքին մատակարարման նուիրուինք։

ԳՈՐԾՔ ԱՌԱՔԵԼՈՑ 8:29

Սուրբ Հոգին ըսաւ Փիլիպպոսի. –Մօտեցի՛ր եւ այդ կառքին քովէն քալէ։

ԳՈՐԾՔ ԱՌԱՔԵԼՈՑ 9:15

Տէրը ըսաւ անոր. –Դուն գնա՛, որովհետեւ ես զայն իբրեւ գործիք ընտրեր եմ, որպէսզի իմ անունս ճանչցնէ հեթանոսներուն, թագաւորներու եւ Իսրայէլի զաւակներուն։

ՀՌՈՎՄԱՅԵՑԻՍ 1:1

Ես, Պօղոս, ծառան եմ Քրիստոս Յիսուսի, որ զիս կանչեց իր առաքեալը ըլլալու եւ պաշտօն տուաւ Աստուծոյ Աւետարանը քարոզելու։

ՀՌՈՎՄԱՅԵՑԻՍ 10:15

եւ կամ՝ ի՞նչպէս պիտի քարոզէին զայն, առանց Աստուծմէ ղրկուած ըլլալու։ Այդ քարոզութեան կ՚ակնարկէ մարգարէն, երբ կը գրէ. «Ի՜նչ գեղեցիկ է տեսնել աւետիս բերողները, որոնք կու գան խաղաղութեան լուրը տալու եւ գալիք բարօրութիւնը աւետելու»։

ՀՌՈՎՄԱՅԵՑԻՍ 15:16

որպէսզի Քրիստոս Յիսուսի սպասաւորը ըլլամ հեթանոսներուն համար եւ Աստուծոյ Աւետարանին մատակարարման նուիրուիմ, որպէսզի հեթանոսները Աստուծոյ ընծայուին իբրեւ Սուրբ Հոգիով սրբուած ընդունելի պատարագ։

ԱՌԱՋԻՆ ԿՈՐՆԹԱՑԻՍ 12:11

Միեւնոյն Հոգին է որ այս բոլորը կը կատարէ՝ իւրաքանչիւրին յատուկ շնորհք մը տալով, ինչպէս որ ինք կ՚ուզէ։

ԱՌԱՋԻՆ ԿՈՐՆԹԱՑԻՍ 7:5

Երկար ատեն հեռու մի՛ մնաք իրարմէ։ Եթէ կ՚ուզէք աղօթքի նուիրուիլ, կրնաք փոխադարձ համաձայնութեամբ ժամանակ մը իրարմէ հեռու մնալ. բայց յետոյ վերադարձէ՛ք ձեր կենակցութեան, որպէսզի չըլլայ որ Սատանան ձեզ փորձութեան մղէ՝ ձեր անժուժկալութենէն օգտուելով։

ԵՐԿՐՈՐԴ ԿՈՐՆԹԱՑԻՍ 11:27

Միշտ ջանքի եւ ծանր աշխատանքի մէջ եղայ, յաճախ անքուն գիշերներ անցընելով, քաղց ու ծարաւ կրելով, յաճախ առանց պատառ մը հացի, ցրտահար ու մերկ։

ԵՐԿՐՈՐԴ ԿՈՐՆԹԱՑԻՍ 6:5

ծեծը, բանտը, խռովարարներու վայրագութիւնները, յոգնութիւնը, անքնութիւնը, անօթութիւնը։

ԳԱՂԱՏԱՑԻՍ 1:15

Բայց Աստուած, որ ծնելէս իսկ առաջ զիս ընտրած եւ իր շնորհքովը զիս այս պաշտօնին կոչած էր,

ԵՓԵՍԱՑԻՍ 3:7

Եւ այդ Աւետարանին սպասաւոր եղայ Աստուծոյ ձրի շնորհքովը, որ Աստուած իր ներգործող զօրութեամբը ինծի տուաւ։

ԿՈՂՈՍԱՑԻՍ 4:17

Եւ Արքիպպոսին ըսէք. «Նայէ որ իր կատարումին հասցնես պաշտօնդ, որ Տէրը տուաւ քեզի»։

ԱՌԱՋԻՆ ՏԻՄՈԹԷՈՍ 2:7

եւ նոյն այդ վկայութիւնը տալու համար է որ ես ալ քարոզիչ եւ առաքեալ կարգուեցայ, քրիստոնէական հաւատքը եւ ճշմարտութիւնը սորվեցնելու համար բոլոր հեթանոսներուն։ Եւ Քրիստոս ինք վկայ է՝ թէ ճշմարտութիւնը կ՚ըսեմ, առանց ստելու։

ԵՐԿՐՈՐԴ ՏԻՄՈԹԷՈՍ 1:11

Աստուած զիս առաքեալ եւ հեթանոսներուն ուսուցիչ կարգեց, որպէսզի այդ աւետիսը տամ անոնց.

ԵՐԿՐՈՐԴ ՏԻՄՈԹԷՈՍ 2:2

եւ այն՝ ինչ որ ես սորվեցուցի բազմաթիւ վկաներու ներկայութեան, նոյն բաները աւանդէ այնպիսի վստահելի մարդոց, որոնք կարող ըլլան ուրիշներուն ալ սորվեցնելու։

ԵՐԿՐՈՐԴ ՏԻՄՈԹԷՈՍ 4:11

Միայն Ղուկասը կայ քովս։ Մարկոսը ա՛ռ հետդ բեր, որովհետեւ ինծի օգտակար է Աստուծոյ ծառայութեան մէջ։

ԵՐԿՐՈՐԴ ՏԻՄՈԹԷՈՍ 4:5

Բայց դուն միշտ արթուն եղիր, նեղութիւններու համբերէ, աւետարանիչի քու գործդ ըրէ եւ ծառայութիւնդ իր աւարտին հասցուր։

ԵԲՐԱՅԵՑԻՍ 5:4

Գիտէք նաեւ, թէ ոեւէ մէկը չի՛ կրնար ինքն իրեն քահանայապետութեան պատիւը առնել, այլ՝ Աստուած է որ զայն այդ պաշտօնին կը կանչէ, ճիշդ ինչպէս Ահարոն կոչուեցաւ։