ԳՈՐԾՔ ԱՌԱՔԵԼՈՑ 10:2 - Western Armenian New Translation - Armenian Catholicosate of Cilicia - New Testament

² Ասիկա իր ամբողջ ընտանիքով բարեպաշտ էր եւ աստուածավախ. մեծապէս կ՚օգնէր Հրեայ ժողովուրդի աղքատներուն եւ տեւաբար կ՚աղօթէր Աստուծոյ։

Արեւմտահայերէն Նոր Կտակարան հարմարցուած․ 2017

² բարեպաշտ ու աստուածավախ իր բոլոր տունովը, որ ժողովուրդին շատ ողորմութիւններ կու տար եւ ամէն ատեն Աստուծոյ աղօթք կ’ընէր։

Western Armenian Bible 1853

² Բարեպաշտ ու աստուածավախ իր բոլոր տունովը, որ ժողովուրդին շատ ողորմութիւններ կու տար եւ ամէն ատեն Աստուծոյ աղօթք կ’ընէր։

ԳՈՐԾՔ ԱՌԱՔԵԼՈՑ 10:2 Iomraidhean Croise

ՄԱՏԹԷՈՍ 25:17

Նոյն ձեւով, ան որ երկու հարիւր ոսկի դրամ ստացած էր, երկու հարիւր ալ շահեցաւ։

ՂՈԻԿԱՍ 18:1

Յիսուս առակ մը պատմեց իր աշակերտներուն, ցոյց տալու համար թէ պէտք է միշտ աղօթել՝ առանց վհատելու։

ՂՈԻԿԱՍ 2:25

Այդ ժամանակ Երուսաղէմի մէջ Սիմոն անունով մարդ մը կ՚ապրէր։ Սիմոն արդար եւ աստուածավախ էր եւ Իսրայէլի փրկութեան կը սպասէր։ Սուրբ Հոգին իրեն հետ էր

ԳՈՐԾՔ ԱՌԱՔԵԼՈՑ 10:22

Անոնք պատասխանեցին. –Մեզ ղրկողը Կոռնելիոս հարիւրապետն է, արդար եւ աստուածավախ մարդ մը, որուն մասին ամբողջ Հրեայ ժողովուրդը կը վկայէ։ Անիկա սուրբ հրեշտակէն հրաման ստացաւ՝ քեզ իր տունը կանչելու եւ քեզմէ լսելու ինչ որ պիտի ըսես։

ԳՈՐԾՔ ԱՌԱՔԵԼՈՑ 10:31

եւ ըսաւ. «Կոռնելիո՛ս, Աստուած լսեց աղօթքներդ եւ տեսաւ կատարած ողորմութիւններդ։

ԳՈՐԾՔ ԱՌԱՔԵԼՈՑ 10:35

այլ բոլոր ազգերէն ալ կ՚ընդունի ոեւէ մէկը որ իրմէ կը վախնայ եւ արդար գործեր կը կատարէ։

ԳՈՐԾՔ ԱՌԱՔԵԼՈՑ 10:4

Կոռնելիոս զարհուրանքով նայեցաւ անոր եւ հարցուց. –Ի՞նչ կայ, Տէ՛ր։ Եւ հրեշտակը ըսաւ. –Աստուած ընդունեց քու աղօթքներդ ու կատարած ողորմութիւններդ։

ԳՈՐԾՔ ԱՌԱՔԵԼՈՑ 10:7

Երբ իր հետ խօսող հրեշտակը մեկնեցաւ, Կոռնելիոս կանչեց իր ծառաներէն երկու հոգի եւ իրեն սպասաւորող զինուորներէն մէկը, որ բարեպաշտ մարդ մըն էր,

ԳՈՐԾՔ ԱՌԱՔԵԼՈՑ 11:14

անիկա Աստուծոյ կողմէ պատգամ մը պիտի բերէ քեզի, որով դուն եւ ամբողջ տունդ պիտի փրկուիք»։

ԳՈՐԾՔ ԱՌԱՔԵԼՈՑ 13:16

Պօղոս ոտքի ելաւ, ձեռքով նշան ըրաւ որպէսզի լռեն, եւ ըսաւ. –Ո՜վ Իսրայէլացիներ եւ աստուածավախ մարդիկ, մտի՛կ ըրէք։

ԳՈՐԾՔ ԱՌԱՔԵԼՈՑ 13:26

Եղբայրնե՛ր, Աբրահամեան տոհմի զաւակներ եւ ձեր մէջ գտնուող աստուածավախ մարդիկ. փրկութեան այս պատգամը Աստուած ձեզի ղրկեց։

ԳՈՐԾՔ ԱՌԱՔԵԼՈՑ 13:50

Բայց Հրեաներ գրգռեցին կարգ մը ազնուատոհմիկ, բարեպաշտ կիներ, ինչպէս նաեւ քաղաքին մեծամեծները, եւ Պօղոսի ու Բառնաբասի դէմ հալածանք հանելով՝ զանոնք իրենց սահմաններէն դուրս դրին։

ԳՈՐԾՔ ԱՌԱՔԵԼՈՑ 18:8

Ժողովրդապետը՝ Կրիսպոս, իր ամբողջ ընտանիքով հաւատաց Տիրոջ։ Շատ մը Կորնթացիներ լսելով Պօղոսը, հաւատացին եւ մկրտուեցան։

ԳՈՐԾՔ ԱՌԱՔԵԼՈՑ 2:5

Այն օրը Երուսաղէմ քաղաքը լեցուն էր բարեպաշտ Հրեաներով, որոնք աշխարհի բոլոր երկիրներէն եկած էին։

ԳՈՐԾՔ ԱՌԱՔԵԼՈՑ 22:12

Այնտեղ Օրէնքը պահող բարեպաշտ մարդ մը կար, Անանիա անունով, որուն մասին հոն բնակող բոլոր Հրեաներն ալ լաւ կը վկայէին։

ԳՈՐԾՔ ԱՌԱՔԵԼՈՑ 8:2

Իսկ քանի մը բարեպաշտներ Ստեփանոսի մարմինը տարին թաղեցին, մեծ կոծ ընելով անոր վրայ։

ԳՈՐԾՔ ԱՌԱՔԵԼՈՑ 9:11

Եւ Տէրը ըսաւ իրեն. –Ոտքի՛ ել, գնա՛ Ուղիղ կոչուած փողոցը, Յուդայի տունը, եւ հարցուր Սօղոս անունով Տարսոնցիի մը մասին, որ այս պահուն աղօթքի կանգնած է։

ԳՈՐԾՔ ԱՌԱՔԵԼՈՑ 9:31

Եկեղեցին ամբողջ Հրէաստանի, Գալիլեայի եւ Սամարիայի մէջ խաղաղութիւն կը վայելէր եւ կը զօրանար։ Սուրբ Հոգիին օգնութեամբ հաւատացեալները կը բազմանային եւ Տիրոջ երկիւղովը կ՚ապրէին։

ԳՈՐԾՔ ԱՌԱՔԵԼՈՑ 9:36

Յոպպէի մէջ Յիսուսի հետեւորդ կին մը կար Տաբիթա անունով, որուն Հայերէն թարգմանութիւնն է՝ Այծեմնիկ։ Անիկա իր կեանքը կը լեցնէր բարի գործերով եւ աղքատներուն օգնելով։

ԿՈՂՈՍԱՑԻՍ 4:2

Շարունակ աղօթեցէք՝ արթուն հսկելով, միշտ գոհութիւն յայտնելով Աստուծոյ։

ԱՌԱՋԻՆ ԹԵՍԱՂՈՆԻԿԵՑԻՍ 5:17

անդադար աղօթեցէք։

ՅԱԿՈԲՈՒ 1:5

Եթէ ձեզմէ մէկը կը զգայ թէ անհրաժեշտ իմաստութիւնը չունի, թող խնդրէ Աստուծմէ, որ բոլորին կու տայ առատօրէն եւ սիրայօժար կերպով, եւ Աստուած պիտի տայ իրեն։

ՅԱՅՏՆՈՒԹԻՒՆ 15:4

Ո՞վ պիտի չվախնայ քեզմէ, Տէ՛ր, եւ չփառաւորէ քու սուրբ անունդ. քանի դո՛ւն միայն սուրբ ես։ Բոլոր ազգերը պիտի գան եւ երկրպագեն քեզի, որովհետեւ յայտնուեցան արդար գործերդ»։