ԳՈՐԾՔ ԱՌԱՔԵԼՈՑ 1:13 - Western Armenian New Translation - Armenian Catholicosate of Cilicia - New Testament

¹³ Եկան քաղաք եւ գացին այն վերնատունը ուր կը մնային։ Ասոնք էին՝ Պետրոս եւ Յակոբոս, Յովհաննէս եւ Անդրէաս, Փիլիպպոս եւ Թովմաս, Բարթողոմէոս եւ Մատթէոս, Ալփէոսի որդին՝ Յակոբոս եւ Շմաւոն Նախանձայոյզ, եւ Յակոբոսի որդին՝ Յուդա։

Արեւմտահայերէն Նոր Կտակարան հարմարցուած․ 2017

¹³ Երբ քաղաքը մտան ելան վերնատունը, ուր կը բնակէին Պետրոսը եւ Յակոբոսը, Յովհաննէսը եւ Անդրէասը, Փիլիպպոսը եւ Թովմասը, Բարթողիմէոսը եւ Մատթէոսը, Յակոբոս Ալփէոսեանն ու Սիմոն Նախանձայոյզը եւ Յուդա Յակոբեան։

Western Armenian Bible 1853

¹³ Երբ քաղաքը մտան ելան վերնատունը, ուր կը բնակէին Պետրոսը եւ Յակոբոսը, Յովհաննէսը եւ Անդրէասը, Փիլիպպոսը եւ Թովմասը, Բարթողիմէոսը եւ Մատթէոսը, Յակոբոս Ալփէոսեանն ու Սիմոն Նախանձայոյզը եւ Յուդա Յակոբեան։

ԳՈՐԾՔ ԱՌԱՔԵԼՈՑ 1:13 Iomraidhean Croise

ՄԱՏԹԷՈՍ 9:9

Յիսուս այդտեղէն քիչ մը առաջ երթալով՝ տեսաւ մաքսաւոր մը, Մատթէոս անունով, որ մաքս գանձելու նստած էր, եւ ըսաւ անոր. – Հետեւէ՛ ինծի։ Մատթէոս ոտքի ելաւ եւ հետեւեցաւ Յիսուսի։

ՄԱՐԿՈՍ 14:15

Անիկա վերնայարկը մեծ եւ կահաւորուած սենեակ մը ցոյց պիտի տայ ձեզի։ Հո՛ն պատրաստեցէք ընթրիքը մեզի համար։

ՄԱՐԿՈՍ 14:33

Եւ իր հետ առաւ Պետրոսը, Յակոբոսն ու Յովհաննէսը։ Խռոված էր ու կը տագնապէր։

ՄԱՐԿՈՍ 2:14

Մինչ կ՚երթար, տեսաւ Ալփէոսի որդին՝ Ղեւին, որ մաքս գանձելու նստած էր, եւ ըսաւ անոր. – Հետեւէ՛ ինծի։ Ղեւի ելաւ եւ անոր հետեւեցաւ։

ՄԱՐԿՈՍ 5:37

Յետոյ չձգեց որ ոեւէ մէկը իրեն հետ երթայ, բացի Պետրոսէն, Յակոբոսէն եւ անոր եղբօրմէն՝ Յովհաննէսէն։

ՄԱՐԿՈՍ 9:2

Վեց օր ետք՝ Յիսուս իր հետ առաւ Պետրոսը, Յակոբոսը եւ Յովհաննէսը եւ զանոնք բարձր լեռ մը հանեց, ուր առանձին էին։ Հոն այլակերպեցաւ անոնց առջեւ.

ՂՈԻԿԱՍ 22:12

Անիկա վերնայարկը մեծ եւ կահաւորուած սենեակ մը ցոյց պիտի տայ ձեզի։ Հոն պատրաստեցէք ընթրիքը։

ՅՈՎՀԱՆՆՈԻ 11:16

Թովմաս, որ Երկուորեակ կը կոչուէր, ընկերներուն ըսաւ. – Օ՛ն, եկէք մենք ալ երթանք իրեն հետ մեռնելու։

ՅՈՎՀԱՆՆՈԻ 14:22

Յուդան, ոչ Իսկարիոտացին, ըսաւ իրեն. – Տէ՛ր, ի՞նչպէս կ՚ըլլայ որ ինքզինքդ մեզի պիտի յայտնես եւ ոչ թէ աշխարհին։

ՅՈՎՀԱՆՆՈԻ 18:17

Դռնապան աղախինը հարցուց Պետրոսի. – Արդեօք դուն ալ այդ մարդուն աշակերտներէն չե՞ս։ – Ո՛չ,– պատասխանեց Պետրոս։

ՅՈՎՀԱՆՆՈԻ 21:2

Սիմոն Պետրոս, Թովմաս՝ Երկուորեակ կոչուածը, Նաթանայէլ, որ Գալիլեայի Կանա քաղաքէն էր, Զեբեդէոսի որդիները եւ Յիսուսի աշակերտներէն երկու ուրիշներ միասին էին։

ԳՈՐԾՔ ԱՌԱՔԵԼՈՑ 12:17

Պետրոս ձեռքով նշան ըրաւ որ լռեն, եւ անոնց պատմեց թէ ի՛նչպէս Տէրը զինք բանտէն հանեց։ Ապա ըսաւ. –Ասիկա Յակոբոսին եւ միւս հաւատացեալ եղբայրներուն պատմեցէք։ Եւ ինք ելաւ ուրիշ տեղ մը գնաց։

ԳՈՐԾՔ ԱՌԱՔԵԼՈՑ 15:13

Երբ անոնք լռեցին, Յակոբոս խօսք առնելով, ըսաւ. –Եղբայրնե՛ր, ինծի՛ մտիկ ըրէք։

ԳՈՐԾՔ ԱՌԱՔԵԼՈՑ 2:14

Այն ատեն Պետրոս տասնըմէկ առաքեալներուն հետ ոտքի ելաւ եւ բարձրաձայն սկսաւ անոնց խօսիլ. –Ո՜վ Հրէաստանցիներ եւ դուք բոլորդ որ հիմա Երուսաղէմ կը գտնուիք. իրականութիւնը գիտնալու համար՝ լսեցէք ինչ որ պիտի ըսեմ։

ԳՈՐԾՔ ԱՌԱՔԵԼՈՑ 2:38

Պետրոս պատասխանեց. –Ձեր ընթացքը փոխեցէք եւ իւրաքանչիւրդ մկրտուեցէք Տէր Յիսուս Քրիստոսի անունով, որպէսզի ձեր մեղքերը ներուին։ Եւ երբ մկրտուիք, խոստացուած պարգեւը՝ Սուրբ Հոգին պիտի ընդունիք։

ԳՈՐԾՔ ԱՌԱՔԵԼՈՑ 20:8

Բազմաթիւ լապտերներ կը լուսաւորէին այն վերնատունը, ուր հաւաքուած էինք։

ԳՈՐԾՔ ԱՌԱՔԵԼՈՑ 4:13

Ատեանի անդամները Պետրոսի եւ Յովհաննէսի համարձակութիւնը տեսնելով, եւ հասկնալով՝ թէ պարզ եւ անուս մարդիկ են, կը զարմանային։ Եւ համոզուեցան թէ Յիսուսի ընկերակիցներէն էին։

ԳՈՐԾՔ ԱՌԱՔԵԼՈՑ 4:19

Իսկ Պետրոս եւ Յովհաննէս պատասխանեցին. –Դո՛ւք դատեցէք, թէ Աստուծոյ աչքին ո՛րն է ուղիղը. ձեզի՞ հնազանդիլ, թէ՝ Աստուծոյ։

ԱՌԱՋԻՆ ԿՈՐՆԹԱՑԻՍ 15:7

Այնուհետեւ երեւցաւ Յակոբոսին եւ ապա բոլոր առաքեալներուն։

ԳԱՂԱՏԱՑԻՍ 1:19

Առաքեալներէն ուրիշ մէկը չտեսայ, բացի Տիրոջ եղբայրը եղող Յակոբոսէն։

ԳԱՂԱՏԱՑԻՍ 2:9

այն ատեն՝ Յակոբոս, Կեփաս եւ Յովհաննէս, որոնք եկեղեցւոյ սիւները կը համարուէին, ճանչցան Աստուծմէ ինծի տրուած շնորհքը, իմ եւ Բառնաբասի ձեռքը թօթուելով հաւանութիւն տուին որ մենք հեթանոսներուն մէջ աշխատինք, իսկ իրենք՝ Հրեաներուն։

ՅԱԿՈԲՈՒ 1:1

Ես, Յակոբոս, Աստուծոյ եւ Տէր Յիսուս Քրիստոսի ծառան, կ՚ողջունեմ ձեզ՝ Աստուծոյ ժողովուրդին անդամներդ, որ համայն աշխարհի մէջ ցրուած էք։

ԵՐԿՐՈՐԴ ՅՈՎՀԱՆՆՈՒ 1:1

Ես՝ Երէցս, քեզի՛ կը գրեմ, ո՜վ Աստուծմէ ընտրեալ Տիրուհի, եւ կը գրեմ որդեակներուդ, որոնք ճշմարտապէս կը սիրեմ։ Ո՛չ միայն ես, այլ՝ ճշմարտութիւնը ճանչցողները բոլորը կը սիրեն ձեզ,

ՅՈՒԴԱՅԻ 1:1

Ես՝ Յուդա, Յիսուս Քրիստոսի ծառան եւ Յակոբոսի եղբայրը, կը գրեմ ձեզի՝ բոլոր ազգերուդ, որ Հայրն Աստուած սիրեց եւ ընտրեց, եւ Յիսուս Քրիստոս պահպանեց։