ԵՐԿՐՈՐԴ ՏԻՄՈԹԷՈՍ 3:6 - Western Armenian New Translation - Armenian Catholicosate of Cilicia - New Testament

⁶ Անոնց մէջ կան նաեւ այնպիսիներ, որոնք տունէ տուն կը մտնեն եւ իրենցմով կը հրապուրեն մեղքերով ծանրաբեռնուած եւ զանազան ցանկութիւններէ բռնուած թեթեւաբարոյ կիները,

Արեւմտահայերէն Նոր Կտակարան հարմարցուած․ 2017

⁶ Վասն զի ասոնցմէ ոմանք տուներէն ներս կը մտնեն ու գերի կ’ընեն մեղքով բեռնաւորուած տկարամիտ կիները՝ զանազան ցանկութիւններէ վարուած,

Western Armenian Bible 1853

⁶ Վասն զի ասոնցմէ ոմանք տուներէն ներս կը մտնեն ու գերի կ’ընեն մեղքով բեռնաւորուած տկարամիտ կիները՝ զանազան ցանկութիւններէ վարուած,

ԵՐԿՐՈՐԴ ՏԻՄՈԹԷՈՍ 3:6 Iomraidhean Croise

ՄԱՏԹԷՈՍ 11:28

Ինծի՛ եկէք դուք բոլորդ, յոգնածներ եւ բեռնաւորուածներ, եւ ես հանգիստ պիտի տամ ձեզի։

ՄԱՏԹԷՈՍ 23:13

Վա՜յ ձեզի, կեղծաւորնե՛ր, Օրէնքի ուսուցիչներ եւ Փարիսեցիներ, որ երկինքի արքայութիւնը կը փակէք մարդոց առջեւ. դուք չէք մտներ եւ թոյլ չէք տար նաեւ անոնց՝ որ կ՚ուզեն մտնել։

ՄԱՏԹԷՈՍ 23:14

Վա՜յ ձեզի, կեղծաւորնե՛ր, Օրէնքի ուսուցիչներ եւ Փարիսեցիներ, որ մէկ կողմէ այրիներուն տուները իրենց ձեռքէն կը յափշտակէք, միւս կողմէ կեղծաւորութեամբ ձեր աղօթքը կ՚երկարէք. ասոր համար աւելի խիստ դատապարտութիւն պիտի ընդունիք։

ՄԱՏԹԷՈՍ 4:24

Իր համբաւը ամբողջ Սուրիայի մէջ տարածուեցաւ։ Մարդիկ իրեն բերին բոլոր այն հիւանդները, որոնք կը տառապէին զանազան ցաւերէ եւ բարդութիւններէ, ինչպէս նաեւ դիւահարներ, լուսնոտներ, անդամալոյծներ, եւ Յիսուս բժշկեց զանոնք։

ՄԱՐԿՈՍ 4:19

սակայն երկրաւոր կեանքի հոգերը, հարստութեան հրապոյրը եւ ուրիշ տեսակի ցանկութիւններ զիրենք կը գրաւեն ու կը խեղդեն իրենց մէջ ինկած սերմերը, եւ անպտուղ կը դառնան։

ԱՌԱՋԻՆ ԿՈՐՆԹԱՑԻՍ 12:2

Գիտէք հարկաւ, թէ մինչ հեթանոս էիք՝ ի՛նչպէս անշունչ կուռքերէն մէկէն միւսը կը քաշկռտուէիք։

ԱՌԱՋԻՆ ՏԻՄՈԹԷՈՍ 5:6

Իսկ հանգստութիւն ու վայելք փնտռող այրին կենդանի մեռած մըն է արդէն։

ԱՌԱՋԻՆ ՏԻՄՈԹԷՈՍ 6:9

Իսկ անոնք որ հարստանալ կ՚ուզեն՝ փորձութեան եւ թակարդի մէջ կ՚իյնան։ Կը բռնուին շատ մը անմիտ ու վնասակար ցանկութիւններով, որոնք մարդիկը մահուան եւ կորուստի անդունդը կը գլորեն։

ՏԻՏՈՍԻՆ 1:11

որոնց բերանը պէտք է փակել, որովհետեւ անոնք ամբողջ տուներ կը քանդեն, շահամոլութենէ տարուած ուսուցանելով բաներ, որ պէտք չէ ուսուցանել։

ՏԻՏՈՍԻՆ 3:3

Որովհետեւ ժամանակին մենք ալ անմիտ էինք, Աստուծոյ անհնազանդ, եւ մոլորած։ Պէս–պէս ցանկութեանց եւ անառակ հաճոյքներու գերին դարձած՝ կ՚ապրէինք չարութեամբ ու նախանձով, ատելի էինք ուրիշներուն եւ կ՚ատէինք իրար։

ԵՐԿՐՈՐԴ ՊԵՏՐՈՍԻ 2:18

Որովհետեւ իմաստէ զուրկ մեծ–մեծ խօսքերով եւ մարմնական անառակ ցանկութիւններ գրգռելով՝ կը մոլորեցնեն անոնք, որոնք հազիւ փախած էին ուրիշ մոլորութեանց մէջ ապրող մարդոցմէ։

ԵՐԿՐՈՐԴ ՊԵՏՐՈՍԻ 3:17

Ուստի դուք, սիրելինե՛ր, սկիզբէն այս բաները գիտնալով՝ զգոյշ եղէք, որ չըլլայ թէ անբարոյ մարդոց մոլորութեան հետեւիք եւ ձեր վստահութիւնը կորսնցնէք։

ՅՈՒԴԱՅԻ 1:16

Միշտ տրտնջացող եւ քննադատող այդ մարդիկը իրենց սեփական ցանկութիւններուն ետեւէն կը վազեն, պոռոտախօսութիւն կ՚ընեն եւ ասոր–անոր գովասանք կը շռայլեն՝ իրենց սեփական շահուն համար։

ՅՈՒԴԱՅԻ 1:18

ըսելով՝ թէ «Վերջին ժամանակներուն ամէն ինչ արհամարհող մարդիկ պիտի գան, որոնք իրենց ամբարիշտ ցանկութիւններով պիտի առաջնորդուին»։

ՅՈՒԴԱՅԻ 1:4

Որովհետեւ կարգ մը անձեր սպրդեցան եւ հաւատացեալներու շարքերուն մէջ մտան։ Անհաւատ այդ մարդիկը մեր Աստուծոյ շնորհքը պատմող Աւետարանը չարափոխելով՝ իրենց անբարոյ ընթացքին պատշաճեցուցին, մերժելով իբրեւ միակ եւ ամենիշխան Տէր ճանչնալ Յիսուս Քրիստոսը։ Այդպիսիներուն ստանալիք դատապարտութիւնը կանուխէն գրուած է Սուրբ գիրքերուն մէջ։