ԵՐԿՐՈՐԴ ՏԻՄՈԹԷՈՍ 3:16 - Western Armenian New Translation - Armenian Catholicosate of Cilicia - New Testament

¹⁶ Աստուծոյ ներշնչումով գրուած բոլոր Սուրբ գիրքերը օգտակար են՝ թէ՛ ճշմարտութիւնը ուսուցանելու եւ թէ՛ սխալը հերքելու, մարդս ճիշդ ճամբու մէջ դնելու եւ արդար կեանքի մը դաստիարակութիւնը տալու համար.

Արեւմտահայերէն Նոր Կտակարան հարմարցուած․ 2017

¹⁶ Բոլոր գիրքը Աստուծոյ շունչն է եւ օգտակար է սորվեցնելու, յանդիմանելու, շտկելու եւ արդարութեան մէջ խրատելու համար,

Western Armenian Bible 1853

¹⁶ Բոլոր գիրքը Աստուծոյ շունչն է եւ օգտակար՝ ՝ է սորվեցնելու, յանդիմանելու, շտկելու եւ արդարութեան մէջ խրատելու համար,

ԵՐԿՐՈՐԴ ՏԻՄՈԹԷՈՍ 3:16 Iomraidhean Croise

ՄԱՏԹԷՈՍ 13:52

Յիսուս ըսաւ անոնց. – Այսպէս, ահա, ոեւէ Օրէնքի ուսուցիչ որ երկինքի արքայութեան աշակերտ կը դառնայ՝ կը նմանի տանտիրոջ մը, որ իր գանձէն դուրս կը բերէ նորն ու հինը։

ՄԱՏԹԷՈՍ 21:42

Ապա Յիսուս ըսաւ. – Սուրբ գիրքերուն մէջ չէ՞ք կարդացած.– «Այն քարը որ շինողները մերժեցին գործածել, ինք անկիւնաքարը եղաւ։ Ասիկա Տէրը կատարեց, ու մեր աչքերուն սքանչելի է»։

ՄԱՏԹԷՈՍ 22:43

Յիսուս ըսաւ անոնց. – Ուրեմն ինչպէ՞ս Դաւիթ Սուրբ Հոգիէն ներշնչուած՝ զայն Տէր կը կոչէ ու կ՚ըսէ.–

ՄԱՏԹԷՈՍ 26:54

Սակայն ինչպէ՞ս պիտի իրականանան Սուրբ գիրքերուն մէջ գրուածները, թէ այսպէս պէտք է ըլլայ։

ՄԱՏԹԷՈՍ 26:56

Բայց այս բոլորը կը պատահին, որպէսզի Սուրբ գիրքերուն մէջ մարգարէներուն ըսածները իրականանան։ Այն ատեն աշակերտները բոլորն ալ ձգեցին զինք ու փախան։

ՄԱՐԿՈՍ 12:24

Յիսուս պատասխանեց. – Գիտէ՞ք ինչու դուք մոլորած էք։ Մոլորած էք՝ որովհետեւ չէք հասկնար ո՛չ Սուրբ գիրքերը եւ ո՛չ ալ Աստուծոյ զօրութիւնը։

ՄԱՐԿՈՍ 12:36

երբ Դաւիթ ինք Սուրբ Հոգիէն ներշնչուած՝ կ՚ըսէ.– «Տէրը ըսաւ իմ Տիրոջս.– Աջ կողմս նստէ, մինչեւ թշնամիներդ ոտքերուդ տակ դնեմ որպէս պատուանդան»։

ՅՈՎՀԱՆՆՈԻ 10:35

Ահաւասիկ Աստուած ինք «աստուածներ» կ՚անուանէ այն մարդիկը, որոնց իր խօսքը կ՚ուղղէ։ Եւ Սուրբ գիրքին ըսածը կարելի չէ ջնջել։

ՅՈՎՀԱՆՆՈԻ 3:20

Ով որ չար գործ կը կատարէ՝ կ՚ատէ լոյսը եւ լոյսին չի գար, որպէսզի իր գործերը չյայտնուին։

ԳՈՐԾՔ ԱՌԱՔԵԼՈՑ 1:16

Եղբայրնե՛ր, պէտք էր կատարուէր Սուրբ գիրքին մէջ գրուածը, այն՝ ինչ որ նախօրօք Սուրբ Հոգին ըսած էր Դաւիթի բերնով՝ Յուդայի մասին, որ Յիսուսը ձերբակալողներուն առաջնորդը եղաւ։

ԳՈՐԾՔ ԱՌԱՔԵԼՈՑ 18:25

Անիկա Տիրոջ վարդապետութեամբ դաստիարակուած էր, հոգիով կ՚եռար, կը քարոզէր եւ ճշգրտութեամբ կ՚ուսուցանէր Յիսուսի մասին։ Գալով մկրտութեան, միայն Յովհաննէսի քարոզած մկրտութեան ծանօթ էր։

ԳՈՐԾՔ ԱՌԱՔԵԼՈՑ 20:20

Գիտէք, թէ բնաւ չքաշուեցայ ձեզմէ, օգտակար բաներու մասին խօսեցայ եւ սորվեցուցի ձեզի, հրապարակաւ ըլլայ թէ տուներու մէջ։

ԳՈՐԾՔ ԱՌԱՔԵԼՈՑ 20:27

որովհետեւ առանց քաշուելու յայտնեցի ձեզի Աստուծոյ կամքը։

ԳՈՐԾՔ ԱՌԱՔԵԼՈՑ 28:25

Եւ մինչ այդպէս ալ կը հեռանային, առանց իրարու հետ համաձայնելու, Պօղոս այս մէկ բանն ալ աւելցուց. –Սուրբ Հոգին շատ շիտակ խօսեցաւմեր հայրերուն,

ՀՌՈՎՄԱՅԵՑԻՍ 15:4

Բայց ինչ որ սկիզբէն Սուրբ գիրքին մէջ գրուեցաւ՝ մեր դաստիարակութեան համար գրուեցաւ, որպէսզի համբերութեամբ եւ Սուրբ գիրքերուն մեզի պարգեւած քաջալերանքով՝ յոյս ունենանք։

ՀՌՈՎՄԱՅԵՑԻՍ 2:20

խրատիչ՝ անմիտներուն, ուսուցիչ՝ մանուկներուն, եւ համոզուած ես թէ Օրէնքը իր մէջ ունի իսկական գիտութիւնն ու ճշմարտութիւնը,

ՀՌՈՎՄԱՅԵՑԻՍ 3:2

Առաւելութիւնները շատ են եւ ամէն տեսակի։ Եւ առաջին հերթին այն՝ որ Աստուծոյ պատգամները իրենց վստահուեցան։

ՀՌՈՎՄԱՅԵՑԻՍ 4:23

Բայց միայն Աբրահամի համար չէր գրուածը, թէ «Աստուած զինք արդար համարեց»,

ԱՌԱՋԻՆ ԿՈՐՆԹԱՑԻՍ 12:7

Սուրբ Հոգին ամէն մէկուն մէջ կը յայտնուի տարբեր ձեւով մը, հասարակաց օգուտին համար։

ԳԱՂԱՏԱՑԻՍ 3:8

Սուրբ գիրքին մէջ նախատեսուած էր, որ Աստուած հաւատքով պիտի արդարացնէր բոլոր ազգերը. ուստի կանուխէն խոստում տրուած էր Աբրահամի, թէ՝ «Քեզմով պիտի օրհնուին բոլոր ազգերը»։

ԵՐԿՐՈՐԴ ՏԻՄՈԹԷՈՍ 2:25

որպէսզի քաղցրութեամբ խրատէ հակառակողները, որովհետեւ Աստուած միշտ ալ առիթ կու տայ որ անոնք դառնան իրենց սխալէն եւ ճշմարտութիւնը ճանչնան,

ԵՐԿՐՈՐԴ ՏԻՄՈԹԷՈՍ 4:2

Աստուծոյ խօսքը քարոզէ եւ զայն յայտարարէ ամէն առիթով, առանց պատեհութիւնը կամ անպատեհութիւնը խորհելու, սխալները ուղղէ, եւ սաստէ կամ յորդորէ՝ մեծ համբերատարութեամբ ուսուցանելով։

ԵԲՐԱՅԵՑԻՍ 11:1

Ի՞նչ է հաւատքը։ Հաւատք՝ կը նշանակէվստահ ըլլալ այն բաներուն՝ որոնց կը յուսանք, եւ համոզուած ըլլալ այն բաներուն՝ որոնք չեն երեւիր։

ԵԲՐԱՅԵՑԻՍ 3:7

Ահա թէ ինչու, ինչպէս որ կ՚ըսէ Սուրբ Հոգին.– «Այսօր երբ կը լսէք Աստուծոյ ձայնը,

ԵԲՐԱՅԵՑԻՍ 4:12

Որովհետեւ Աստուծոյ խօսքը կենդանի է եւ ազդու, աւելի հատու՝ քան ոեւէ երկսայրի սուր, եւ կը թափանցէ մարդուս շունչին ու հոգիին մէջ, մինչեւ ողն ու ծուծը, եւ կը քննէ մտածումներն ու սրտին խորհուրդները։