ԵՐԿՐՈՐԴ ՏԻՄՈԹԷՈՍ 3:10 - Western Armenian New Translation - Armenian Catholicosate of Cilicia - New Testament

¹⁰ Բայց դուն կառչած մնա իմ ուսուցումիս, կեանքի օրինակիս, յօժարութեանս, հաւատքիս, համբերատարութեանս, սիրոյս եւ յարատեւութեանս, որոնք ցուցաբերեցի՝ նոյնիսկ հալածանքներուս եւ չարչարանքներուս մէջ։

Արեւմտահայերէն Նոր Կտակարան հարմարցուած․ 2017

¹⁰ Իսկ դուն ծանօթացար իմ վարդապետութեանս, վարմունքիս, դիտաւորութեանս, հաւատքիս, երկայնմտութեանս, սիրոյս, համբերութեանս,

Western Armenian Bible 1853

¹⁰ Իսկ դուն ծանօթացար իմ վարդապետութեանս, վարմունքիս, դիտաւորութեանս, հաւատքիս, երկայնմտութեանս, սիրոյս, համբերութեանս,

ԵՐԿՐՈՐԴ ՏԻՄՈԹԷՈՍ 3:10 Iomraidhean Croise

ՂՈԻԿԱՍ 1:3

Նոյնպէս ալ ես, սկիզբէն բծախնդրութեամբ հետազօտած ըլլալով այս դէպքերը՝ քեզի կը գրեմ դասաւորելով զանոնք,

ԳՈՐԾՔ ԱՌԱՔԵԼՈՑ 11:23

Սա երբ որ եկաւ եւ տեսաւ Աստուծոյ շնորհքը՝ ուրախացաւ, եւ կը յորդորէր բոլորը, որ ամբողջանուէր սրտով կապուած մնան Տիրոջ։

ԳՈՐԾՔ ԱՌԱՔԵԼՈՑ 2:42

Յարատեւ կերպով անոնք Քրիստոսի վարդապետութիւնը կը սորվէին առաքեալներէն եւ կը մասնակցէին հաւաքական ճաշերուն, հաց բեկանելու արարողութեան եւ աղօթքներուն։

ԳՈՐԾՔ ԱՌԱՔԵԼՈՑ 20:18

Երբ անոնք եկան, ըսաւ անոնց. –Դուք անձամբ գիտէք, թէ Ասիա գալուս առաջին օրէն ի վեր ի՛նչպէս վարուեցայ ձեզի հետ, ամբողջ այս ժամանակամիջոցին։

ԳՈՐԾՔ ԱՌԱՔԵԼՈՑ 26:4

Բոլոր Հրեաները գիտեն կենսագրութիւնս, մանկութենէս ի վեր։ Գիտեն թէ սկիզբէնի վեր ի՛նչպէս ապրած եմ, թէ՛ ծննդավայրիս մէջ եւ թէ՛ Երուսաղէմի։

ՀՌՈՎՄԱՅԵՑԻՍ 16:17

Կը խնդրեմ, եղբայրնե՛ր, որ զգուշանաք անոնցմէ՝ որոնք երկպառակութեանց եւ գայթակղութեանց պատճառ կ՚ըլլան՝ շեղելով այն վարդապետութենէն որ դուք սորվեցաք։ Հեռո՛ւ փախէք անոնցմէ,

ԵՐԿՐՈՐԴ ԿՈՐՆԹԱՑԻՍ 1:17

Բայց եթէ չիրականացաւ ինչ որ ծրագրած էի, կը կարծէ՞ք որ թեթեւութեամբ շարժեցայ. կամ կը խորհիք թէ անսկզբունք մարդու մը պէ՞ս որոշումներ կ՚առնեմ, որուն ո՛չ Այոն Այո է եւ ոչ ալ Ոչը՝ Ոչ։

ԵՓԵՍԱՑԻՍ 4:14

Որպէսզի ասկէ ետք չնմանինք երեխաներու, որոնք ալիքներու հետ կը տարուբերին եւ զանազան վարդապետութեանց հովերէն կը քշուին խաբեբայ մարդոց կողմէ, որոնք խորամանկ հնարքներով կը խաբեն ու կը մոլորեցնեն։

ՓԻԼԻՊՊԵՑԻՍ 2:20

որովհետեւ միակ սրտակիցս է, որ հարազատի պէս կը մտահոգուի ձեզմով։

ՓԻԼԻՊՊԵՑԻՍ 2:22

Դո՛ւք ալ գիտէք իր հաւատարմութիւնը, որովհետեւ ինչպէս զաւակ մը պիտի օգնէր իր հօր՝ այնպէս հետս աշխատեցաւ Աւետարանին համար։

ԱՌԱՋԻՆ ԹԵՍԱՂՈՆԻԿԵՑԻՍ 1:5

որովհետեւ մեր քարոզութեամբ Աստուած իր Աւետարանը յայտնեց ձեզի՝ ո՛չ միայն խօսքով, այլ նաեւ զօրութեամբ, այսինքն՝ Սուրբ Հոգիին ներգործութեամբ, եւ կատարեալ վստահութիւն ներշնչեց ձեզի։ Դուք լաւ գիտէք, թէ ձեր մէջ ի՛նչպէս ապրեցանք, ձեզի օրինակ ըլլալու համար։

ԱՌԱՋԻՆ ՏԻՄՈԹԷՈՍ 1:3

Երբ Մակեդոնիա կ՚երթայի, խնդրեցի որ Եփեսոս մնաս եւ խօսիս քանի մը հոգիներու, որպէսզի դադրին օտար վարդապետութիւններ ուսուցանելէ

ԱՌԱՋԻՆ ՏԻՄՈԹԷՈՍ 4:6

Դուն, սակայն, Քրիստոս Յիսուսի իսկական ծառան կ՚ըլլաս՝ եթէ այս խրատները հաւատացեալ եղբայրներուն տաս, եւ ինքզինքդ սնուցանես այն հաւատքով ու ճշմարիտ ուսուցումներով, որոնց հետեւող եղար։

ԱՌԱՋԻՆ ՏԻՄՈԹԷՈՍ 6:11

Սակայն դո՛ւն, ո՜վ մարդ Աստուծոյ, այդպիսի բաներէ հեռու փախիր, եւ հետամուտ եղիր՝ արդարութեան, աստուածպաշտութեան, հաւատքի, սիրոյ, համբերութեան եւ հեզութեան։

ԵՐԿՐՈՐԴ ՏԻՄՈԹԷՈՍ 2:22

Երիտասարդական ցանկութիւններէն փախի՛ր, եւ արդարութեան, հաւատքի, սիրոյ, խաղաղութեան ու սրբութեան հետամուտ եղիր, անոնց պէս՝ որոնք մաքուր սրտով կ՚աղօթեն Աստուծոյ։

ԵՐԿՐՈՐԴ ՏԻՄՈԹԷՈՍ 4:2

Աստուծոյ խօսքը քարոզէ եւ զայն յայտարարէ ամէն առիթով, առանց պատեհութիւնը կամ անպատեհութիւնը խորհելու, սխալները ուղղէ, եւ սաստէ կամ յորդորէ՝ մեծ համբերատարութեամբ ուսուցանելով։

ԵՐԿՐՈՐԴ ՏԻՄՈԹԷՈՍ 4:3

Որովհետեւ ժամանակ պիտի գայ, երբ մարդիկ ականջ պիտի չկախեն առողջ վարդապետութեան, այլ՝ իրենց սեփական ցանկութիւններուն համապատասխանող եւ զիրենք հաճոյացնող բաներու մասին խօսող ուսուցիչներ պիտի փնտռեն։

ԵՐԿՐՈՐԴ ՏԻՄՈԹԷՈՍ 4:7

Բարի պատերազմը մղեցի, կեանքիս ընթացքը աւարտեցի, հաւատքը պահեցի։

ՏԻՏՈՍԻՆ 2:7

Քու անձովդ բարի գործերու օրինակ եղիր բոլորին, իսկ ուսուցումներովդ օրինակը տուր անկեղծութեան, մաքրութեան եւ պարկեշտութեան։

ԵԲՐԱՅԵՑԻՍ 13:9

Տեսակ–տեսակ օտարոտի ուսուցումներէ մի՛ տարուիք։ Լաւ է որ սիրտը Աստուծոյ շնորհքով ամրապնդուի, քան՝ ուտելիքներու եւ չուտելիքներու վերաբերող կանոններով, որոնց հետեւողները ոեւէ բանով չօգտուեցան։

ԵՐԿՐՈՐԴ ՊԵՏՐՈՍԻ 3:11

Արդ, քանի այս բոլորը այսպէս պիտի չքանան, ի՜նչպիսի անձեր պէտք է ըլլաք դուք։ Մաքուր եւ աստուածապաշտ կեանք մը պէտք է ապրիք,