ԵՐԿՐՈՐԴ ՏԻՄՈԹԷՈՍ 2:9 - Western Armenian New Translation - Armenian Catholicosate of Cilicia - New Testament

⁹ Այդ Աւետարանին համար է որ կը չարչարուիմ ահա եւ նոյնիսկ բանտարկուած ալ եմ, չարագործի մը պէս։ Սակայն Աստուծոյ խօսքը կարելի չէ բանտարկել։

Արեւմտահայերէն Նոր Կտակարան հարմարցուած․ 2017

⁹ որուն մէջ չարագործի մը պէս կը չարչարուիմ մինչեւ անգամ կապերով. բայց Աստուծոյ խօսքը կապուած չէ։

Western Armenian Bible 1853

⁹ Որուն մէջ չարագործի մը պէս կը չարչարուիմ մինչեւ անգամ կապերով. բայց Աստուծոյ խօսքը կապուած չէ։

ԵՐԿՐՈՐԴ ՏԻՄՈԹԷՈՍ 2:9 Iomraidhean Croise

ՂՈԻԿԱՍ 23:32

Երկու այլ չարագործներ ալ բերին, որպէսզի Յիսուսի հետ սպաննուին

ԳՈՐԾՔ ԱՌԱՔԵԼՈՑ 21:33

Այն ատեն հազարապետը մօտեցաւ, բռնեց զայն եւ հրամայեց որ զոյգ շղթաներով կապեն։ Ապա սկսաւ հարցնել թէ ո՞վ է եւ ի՞նչ ըրած է։

ԳՈՐԾՔ ԱՌԱՔԵԼՈՑ 28:31

Առանց ոեւէ արգելքի, ամենայն համարձակութեամբ Աստուծոյ արքայութիւնը կը քարոզէր եւ կը սովեցնէր Տէր Յիսուս Քրիստոսի մասին։

ԳՈՐԾՔ ԱՌԱՔԵԼՈՑ 9:16

Ես ինքս իրեն ցոյց պիտի տամ, թէ ո՛րքան չարչարանք պիտի կրէ իմ անունիս համար։

ԵՓԵՍԱՑԻՍ 3:1

Այս պատճառով ալ, ես՝ Պօղոս, բանտը կը գտնուիմ Յիսուս Քրիստոսի սիրոյն եւ ձեզի՝ հեթանոսներուդ համար։

ՓԻԼԻՊՊԵՑԻՍ 1:17

Իսկ անոնք որ հակառակասիրութենէ մղուած Քրիստոսը կը քարոզեն՝ անշուշտ բարի նպատակով չէ որ կ՚ընեն, այլ կը կարծեն թէ այդ ձեւով բանտարկութեանս մէջ առաւել վիշտ կը պատճառեն ինծի։

ՓԻԼԻՊՊԵՑԻՍ 1:7

Իրաւունք կը համարեմ այսպէս խորհիլ ձեր բոլորին մասին, եւ ձեզ սրտիս մէջ ունիմ, որովհետեւ բոլորդ ալ մասնակից եղաք ինծի վիճակուած շնորհքին, ըլլա՛յ բանտարկութեանս ընթացքին, ըլլա՛յ երբ ազատ վիճակով Աւետարանը կը պաշտպանէի ու կը հաստատէի։

ԿՈՂՈՍԱՑԻՍ 4:18

Ես՝ Պօղոս, այս բարեւը իմ ձեռքովս կը գրեմ։ Յիշեցէ՛ք կապանքներս։ Աստուծոյ շնորհքը ձեզի հետ ըլլայ։

ԿՈՂՈՍԱՑԻՍ 4:3

Միեւնոյն ատեն աղօթեցէք նաեւ մեզի համար, որպէսզի Աստուած իր խօսքը քարոզե— լու լայն պատեհութիւն տայ մեզի, եւ կարենանք պարզել Քրիստոսի ծածուկ ծրագիրը, որուն համար բանտը կը գտնուիմ։

ԱՌԱՋԻՆ ԹԵՍԱՂՈՆԻԿԵՑԻՍ 1:8

Արդարեւ, դուք ձեր օրինակով Տիրոջ խօսքը հռչակեցիք ո՛չ միայն Մակեդոնիայի եւ Աքայիայի մէջ, այլեւ ամէն տեղ ուր Աստուծոյ վրայ ունեցած ձեր հաւատքին համբաւը տարածուեցաւ։ Այնպէս որ, այլեւս ո՛չ պէտքը կը զգանք բան մը աւելցնելու, ո՛չ ալ մենք մեզ ներկայացնելու,

ԵՐԿՐՈՐԴ ԹԵՍԱՂՈՆԻԿԵՑԻՍ 3:1

Ի վերջոյ, եղբայրներ, աղօթեցէ՛ք մեզի համար, որպէսզի Տիրոջ խօսքին տարածման գործը արագ ընթանայ եւ ամէն տեղ փառաւոր արդիւնքի հասնի, ինչպէս ձեր մօտ եղաւ։

ԵՐԿՐՈՐԴ ՏԻՄՈԹԷՈՍ 1:12

եւ ա՛յդ է պատճառը որ այս չարչարանքները կը կրեմ։ Բայց այդ չարչարանքները բնաւ զիս չեն վախցներ, որովհետեւ կը ճանչնամ Փրկիչս, որուն վստահած եմ, եւ համոզուած եմ՝ թէ ինք ինծի վստահուած այդ աւանդը պիտի պահէ մինչեւ դատաստանի օրը։

ԵՐԿՐՈՐԴ ՏԻՄՈԹԷՈՍ 1:16

Գալով Ոնեսիֆորոսին, թող Աստուած ի՛նք վարձատրէ անոր ընտանիքը, որովհետեւ բազմաթիւ անգամներ զիս ուրախացուց։ Չվախցաւ բանտ գալու,

ԵՐԿՐՈՐԴ ՏԻՄՈԹԷՈՍ 1:8

Հետեւաբար մի՛ վախնար մեր Տիրոջ մասին վկայութիւն տալու. մի՛ վախնար նաեւ խօսելու իմ մասիս, որ Տիրոջ համար բանտարկուած եմ։ Այլ՝ ինծի պէս յանձն առ Աւետարանին սիրոյն չարչարուիլ, որքան որ կարողութիւն տայ Աստուած,

ԵՐԿՐՈՐԴ ՏԻՄՈԹԷՈՍ 2:3

Իբրեւ Քրիստոս Յիսուսի հաւատարիմ մէկ զինուորը, պատրաստ եղիր իրեն պէս չարչարուելու։

ԵՐԿՐՈՐԴ ՏԻՄՈԹԷՈՍ 4:17

Բայց Տէրը օգնեց ինծի եւ զօրացուց զիս, որպէսզի ինձմով իր խօսքին քարոզութիւնը կատարուի եւ բոլոր հեթանոսները լսեն զայն։ Աստուած զիս ազատեց ստոյգ մահուընէ,

ԱՌԱՋԻՆ ՊԵՏՐՈՍԻ 2:12

Նայեցէք որ պարկեշտ կենցաղ ունենաք հեթանոսներուն մէջ, որպէսզի իրենք, որ ձեզ կը բամբասեն իբրեւ չարագործ, ձեր բարի գործերը տեսնելով՝ փառաւորեն զԱստուած, իր Գալստեան Օրը։

ԱՌԱՋԻՆ ՊԵՏՐՈՍԻ 2:14

ըլլա՛յ կառավարիչներուն, որոնք իր կողմէ նշանակուած են՝ չարագործները պատժելու եւ բարեգործները գովելու համար։

ԱՌԱՋԻՆ ՊԵՏՐՈՍԻ 3:16

Թող ձեր խղճմտանքը մաքուր ըլլայ, որպէսզի ամօթով մնան անոնք՝ որ ձեր մասին կը չարախօսեն, ձեր քրիստոնէական բարի կենցաղը բամբասելով։

ԱՌԱՋԻՆ ՊԵՏՐՈՍԻ 4:15

Խօսքս անոնց մասին չէ, որոնք կը չարչարուին իբրեւ մարդասպան կամ գող, իբրեւ չարագործ կամ խառնակիչ։