ԵՐԿՐՈՐԴ ՏԻՄՈԹԷՈՍ 2:25 - Western Armenian New Translation - Armenian Catholicosate of Cilicia - New Testament

²⁵ որպէսզի քաղցրութեամբ խրատէ հակառակողները, որովհետեւ Աստուած միշտ ալ առիթ կու տայ որ անոնք դառնան իրենց սխալէն եւ ճշմարտութիւնը ճանչնան,

Արեւմտահայերէն Նոր Կտակարան հարմարցուած․ 2017

²⁵ քաղցրութեամբ խրատէ հակառակ կեցողները, որ թերեւս Աստուած ապաշխարութիւն տայ անոնց՝ ճշմարտութիւնը ճանչնալու համար

Western Armenian Bible 1853

²⁵ Քաղցրութեամբ խրատէ հակառակ կեցողները, որ թերեւս Աստուած ապաշխարութիւն տայ անոնց՝ ճշմարտութիւնը ճանչնալու համար

ԵՐԿՐՈՐԴ ՏԻՄՈԹԷՈՍ 2:25 Iomraidhean Croise

ՄԱՏԹԷՈՍ 11:29

Ձեր վրայ առէք իմ լուծս եւ ինձմէ սորվեցէք, որովհետեւ հեզ եմ եւ սրտով խոնարհ, եւ դուք ձեր հոգեկան հանգստութիւնը պիտի գտնէք։

ՄԱՏԹԷՈՍ 21:32

Որովհետեւ Յովհաննէս եկաւ եւ ձեզի արդար կեանքի մը ճամբան ցոյց տուաւ, բայց դուք չհաւատացիք անոր, մինչ մաքսաւորներն ու պոռնիկները հաւատացին։ Նոյնիսկ ասիկա տեսնելէ ետք չզղջացիք ու չհաւատացիք իրեն։ –

ՄԱՐԿՈՍ 1:15

ըսելով. – Փրկութեան ժամանակը հասած է եւ եկած՝ Աստուծոյ արքայութիւնը. ապաշխարեցէք եւ հաւատացէ՛ք Աւետարանին։

ՅՈՎՀԱՆՆՈԻ 5:34

Բայց ես պէտք չունիմ մարդու մը կողմէ տրուած վկայութեան։ Ասիկա կ՚ըսեմ, որպէսզի դուք փրկուիք։

ԳՈՐԾՔ ԱՌԱՔԵԼՈՑ 11:18

Այս բացատրութիւնը լսելով՝ անոնք դադրեցան զինք մեղադրելէ, եւ զԱստուած փառաւորեցին, ըսելով. –Ուրեմն Աստուած հեթանոսներուն ալ առիթ տուաւ, որ ապաշխարեն եւ կեանք ունենան։

ԳՈՐԾՔ ԱՌԱՔԵԼՈՑ 2:38

Պետրոս պատասխանեց. –Ձեր ընթացքը փոխեցէք եւ իւրաքանչիւրդ մկրտուեցէք Տէր Յիսուս Քրիստոսի անունով, որպէսզի ձեր մեղքերը ներուին։ Եւ երբ մկրտուիք, խոստացուած պարգեւը՝ Սուրբ Հոգին պիտի ընդունիք։

ԳՈՐԾՔ ԱՌԱՔԵԼՈՑ 20:21

Թէ՛ Հրեաներուն եւ թէ՛՛ հեթանոսներուն տուի նոյն վկայութիւնը եւ պատգամը՝ ապաշխարութեամբ Աստուծոյ դառնալու եւ մեր Տիրոջ Յիսուս Քրիստոսի հաւատալու։

ԳՈՐԾՔ ԱՌԱՔԵԼՈՑ 5:21

Հրեշտակին խօսքին հնազանդելով, առաքեալները առաւօտ կանուխ տաճար մտան եւ սկսան ուսուցանել։ Միւս կողմէ, քահանայապետն ու իր մարդիկը իրարու քով գալով՝ ժողովի հրաւիրեցին Ատեանը եւ Իսրայէլի ժողովուրդին բոլոր ծերերը։ Ապա մարդ ղրկեցին բանտ, որպէսզի առաքեալները Ատեան բերեն։

ԳՈՐԾՔ ԱՌԱՔԵԼՈՑ 5:31

Աստուած իր աջով զայն բարձրացուց, որպէսզի մեր Առաջնորդն ու Փրկիչը ըլլայ, եւ Իսրայէլին ապաշխարութեան առիթ եւ մեղքերուն թողութիւն տայ։

ԳՈՐԾՔ ԱՌԱՔԵԼՈՑ 8:22

Հետեւաբար դարձի՛ր այդ չար խորհուրդէդ եւ աղաչէ՝ որ Տէրը ներէ քու մտքիդ այս նենգ խորհուրդը։

ԳԱՂԱՏԱՑԻՍ 6:1

Եղբայրնե՛ր, եթէ պատահի որ մէկը ոեւէ յանցանքիվրայ բռնուի, դուք՝ որ Սուրբ Հոգիով կ՚առաջնորդուիք՝ պէտք է հեզութեամբ զայն ուղիղ ճամբու բերէք։ Նաեւ զգոյշ եղէք դուք ձեզի, որպէսզի չըլլայ որ դուք ալ փորձութեան մէջ իյնաք։

ԱՌԱՋԻՆ ՏԻՄՈԹԷՈՍ 2:4

որ կ՚ուզէ որ բոլոր մարդիկը փրկուին եւ հասնին ճշմարտութեան ճանաչումին,

ԱՌԱՋԻՆ ՏԻՄՈԹԷՈՍ 6:11

Սակայն դո՛ւն, ո՜վ մարդ Աստուծոյ, այդպիսի բաներէ հեռու փախիր, եւ հետամուտ եղիր՝ արդարութեան, աստուածպաշտութեան, հաւատքի, սիրոյ, համբերութեան եւ հեզութեան։

ԵՐԿՐՈՐԴ ՏԻՄՈԹԷՈՍ 3:7

որոնք միշտ կ՚ուզեն գիտնալ, բայց երբեք ճշմարիտ գիտութեան չեն հասնիր։

ՏԻՏՈՍԻՆ 1:1

Ես, Պօղոս, Աստուծոյ ծառան եւ Յիսուս Քրիստոսի առաքեալը, կոչուած եմ Աստուծոյ ընտրեալները բերելու հաւատքի եւ ճշմարտութեան ճանաչումին, այն ճշմարտութեան՝ որ աստուածպաշտութեամբ կը գտնուի,

ՏԻՏՈՍԻՆ 3:2

Թելադրէ՝ ոեւէ մէկը չանարգել, մարդու հետ չկռուիլ, այլ՝ փափկանկատ ըլլալ եւ կատարեալ ազնուութիւն ցուցաբերել բոլոր մարդոց հանդէպ։

ՅԱԿՈԲՈՒ 1:17

Միայն բարի նուէրները եւ կատարեալ պարգեւներն են որ կու գան երկինքէն, Հօր Աստուծմէ, որ լոյսի արարիչն է, որուն կամքը անփոփոխ է, անդառնալի եւ անստուեր։

ԱՌԱՋԻՆ ՊԵՏՐՈՍԻ 3:15

այլ Տէրը — նոյնինքն՝ Քրիստոսը — փառաւորեցէք» ձեր սիրտերուն մէջ, եւ միշտ պատրաստ եղէք հեզութեամբ եւ երկիւղածութեամբ պատասխան տալու բոլոր անոնց՝ որոնք բացատրութիւն կ՚ուզեն ձեր ունեցած յոյսին մասին։

ԱՌԱՋԻՆ ՅՈՎՀԱՆՆՈՒ 5:16

Երբ մէկը տեսնէ, թէ իր հաւատացեալ եղբայրներէն մէկը գործեց մեղք մը որ մահացու չէ, թող աղօթէ՛ Աստուծոյ՝ որ կեանք տայ անոր։ Ասիկա կ՚ըսեմ միայն անոնց համար՝ որոնց մեղքերը մահացու չեն, որովհետեւ մահացու մեղքեր ալ կան, որոնց համար չեմ ըսեր որ աղօթէ։