ԵՐԿՐՈՐԴ ՏԻՄՈԹԷՈՍ 2:24 - Western Armenian New Translation - Armenian Catholicosate of Cilicia - New Testament

²⁴ Աստուծոյ ծառան պէտք չէ կռուի, այլ պէտք է հեզ ըլլայ բոլորին հանդէպ, կարող ըլլայ Աւետարանը սորվեցնելու, ներողամիտ ըլլայ՝

Արեւմտահայերէն Նոր Կտակարան հարմարցուած․ 2017

²⁴ Տէրոջը ծառան պէտք չէ կռուի, հապա հեզահոգի ըլլայ ամենուն, սորվեցնող, ոխ չպահող.

Western Armenian Bible 1853

²⁴ Տէրոջը ծառան պէտք չէ կռուի, հապա հեզահոգի ըլլայ ամենուն, սորվեցնող, ոխ չպահող.

ԵՐԿՐՈՐԴ ՏԻՄՈԹԷՈՍ 2:24 Iomraidhean Croise

ՄԱՏԹԷՈՍ 12:19

Անիկա ո՛չ պիտի հակառակի եւ ո՛չ ալ պիտի աղաղակէ, ո՛չ ալ հրապարակներու վրայ անոր ձայնը պիտի լսուի։

ՅՈՎՀԱՆՆՈԻ 6:52

Այս խօսքին վրայ Հրեաները սկսան իրարու հետ բուռն կերպով վիճաբանիլ, ըսելով. – Ի՞նչպէս կրնայ այս մարդը իր մարմինը մեզի տալ ուտելու համար։

ԳՈՐԾՔ ԱՌԱՔԵԼՈՑ 15:2

Բայց երբ բաւական հակառակութիւն եւ խնդիր եղաւ Պօղոսի ու Բառնաբասի եւ անոնց միջեւ, որոշուեցաւ որ Պօղոս եւ Բառնաբաս եւ անոնցմէ ոմանք այդ խնդրին համար երթան Երուսաղէմ, առաքեալներուն ու երէցներուն քով։

ԳՈՐԾՔ ԱՌԱՔԵԼՈՑ 23:9

Մեծ աղմուկ բարձրացաւ։ Փարիսեցիներու կողմէն կարգ մը Օրէնքի ուսուցիչներ ոտքի ելան եւ ընդդիմախօսելով՝ կ՚ըսէին. –Մենք այս մարդուն վրայ յանցանք մը չենք գտներ։ Հա՞պա եթէ հոգի մը կամ հրեշտակ մը իրեն խօսած ըլլայ…։

ԳՈՐԾՔ ԱՌԱՔԵԼՈՑ 7:26

Յաջորդ օրը հանդիպեցաւ երկու ազգակիցներու, որոնք կը կռուէին, եւ փորձեց զանոնք հաշտեցնել, ըսելով. «Ո՛վ մարդիկ, իրարու եղբայրներ էք, ինչո՞ւ զիրար կ՚անիրաւէք»։

ԵՐԿՐՈՐԴ ԿՈՐՆԹԱՑԻՍ 10:1

Ես, Պօղոս, Քրիստոսիհեզութեամբեւքաղցրութեամբ կը խնդրեմ ձեզմէ.– Կան մարդիկ, որոնք կ՚ըսեն՝ թէ երբ ձեր դիմաց եւ ձեր մէջ կը գտնուիմ՝ կը խեղճանամ, մինչդեռ երբ հեռու եմ՝ խիստ եմ ձեզի հանդէպ։

ԵՐԿՐՈՐԴ ԿՈՐՆԹԱՑԻՍ 10:4

Պատերազմի մեր զէնքերը աշխարհային չեն, այլ՝ Աստուծոյ զօրաւոր զէնքերն են՝ ամրոցները խորտակելու համար։

ԵՐԿՐՈՐԴ ԿՈՐՆԹԱՑԻՍ 6:4

այլ՝ բոլոր պարագաներուն ալ դուք ձեզ ցոյց տուէք որպէս Աստուծոյ պաշտօնեաներ, մեծ համբերութեամբ յանձն առնելով նեղութիւնը, վիշտը, չարչարանքը,

ԳԱՂԱՏԱՑԻՍ 5:22

Իսկ Սուրբ Հոգիին արդիւնքներն են՝ սէր, ուրախութիւն, խաղաղութիւն, համբերատարութիւն, ազնուութիւն, բարութիւն, հաւատարմութիւն,

ԵՓԵՍԱՑԻՍ 4:2

Միշտ խոնարհ ու հեզ եղէք եւ համբերատար, եւ ձեր սէրը ցոյց տուէք՝ հանդուրժելով իրարու։

ՓԻԼԻՊՊԵՑԻՍ 2:14

Ինչ որ կ՚ընէք՝ առանց տրտունջքի կամ առարկութեան ըրէք,

ՓԻԼԻՊՊԵՑԻՍ 2:3

Մի՛ ընէք ոեւէ բան որ հակառակասիրութենէ կամ փառասիրութենէ մղուած ըլլայ. այլ՝ խոնարհ ոգիով՝ ձեր ընկերները աւելի լաւ համարեցէք քան դուք ձեզ։

ԿՈՂՈՍԱՑԻՍ 3:13

Իրարու հանդէպ հանդուրժող եղէք, եւ ներեցէք իրարու՝ երբ մէկդ միւսին դէմ տրտունջ մը ունենաք։ Ինչպէս Աստուած Քրիստոսի միջոցաւ ներեց ձեզի, այնպէս ալ դուք իրարու ներեցէք։

ԱՌԱՋԻՆ ԹԵՍԱՂՈՆԻԿԵՑԻՍ 2:7

Իբրեւ Քրիստոսի առաքեալներ՝ կրնայինք ծանրանալ ձեր վրայ, բայց հեզութեամբ վարուեցանք։ Ճիշդ ինչպէս մայր մը իր զաւակները կը սնուցանէ,

ԱՌԱՋԻՆ ՏԻՄՈԹԷՈՍ 6:11

Սակայն դո՛ւն, ո՜վ մարդ Աստուծոյ, այդպիսի բաներէ հեռու փախիր, եւ հետամուտ եղիր՝ արդարութեան, աստուածպաշտութեան, հաւատքի, սիրոյ, համբերութեան եւ հեզութեան։

ՏԻՏՈՍԻՆ 1:1

Ես, Պօղոս, Աստուծոյ ծառան եւ Յիսուս Քրիստոսի առաքեալը, կոչուած եմ Աստուծոյ ընտրեալները բերելու հաւատքի եւ ճշմարտութեան ճանաչումին, այն ճշմարտութեան՝ որ աստուածպաշտութեամբ կը գտնուի,

ՏԻՏՈՍԻՆ 1:7

Արդարեւ, եպիսկոպոսը՝ որպէս Աստուծոյ տնտես՝ պէտք է անմեղադրելի ըլլայ։ Պէտք չէ յանդուգն, բարկացող, գինեմոլ, կռուազան կամ շահամոլ ըլլայ,

ՏԻՏՈՍԻՆ 1:9

Պէտք է ամրօրէն պահէ իր սորված վստահելի վարդապետութիւնը, որպէսզի կարենայ ուղիղ ուսուցումով յորդորել ուրիշները եւ յանդիմանել հակառակորդները։

ՏԻՏՈՍԻՆ 3:2

Թելադրէ՝ ոեւէ մէկը չանարգել, մարդու հետ չկռուիլ, այլ՝ փափկանկատ ըլլալ եւ կատարեալ ազնուութիւն ցուցաբերել բոլոր մարդոց հանդէպ։

ՅԱԿՈԲՈՒ 1:1

Ես, Յակոբոս, Աստուծոյ եւ Տէր Յիսուս Քրիստոսի ծառան, կ՚ողջունեմ ձեզ՝ Աստուծոյ ժողովուրդին անդամներդ, որ համայն աշխարհի մէջ ցրուած էք։

ՅԱԿՈԲՈՒ 3:17

Մինչդեռ երկնային իմաստութիւնը ունեցող մարդը նախ որ մաքուր կ՚ըլլայ, ապա նաեւ՝ խաղաղարար, ազնիւ, բարեացակամ, ողորմած եւ բարի գործերով արդիւնաւոր, անկողմնակալ եւ անկեղծ։

ՅԱԿՈԲՈՒ 4:2

Շատ մը բաներու կը ցանկաք, բայց չէք կրնար ունենալ, ուստի կը սպաննէք։ Կը նախանձիք, բայց չէք կրնար ձեռք անցընել, եւ ահա կը կռուիք ու կը պայքարիք։ Ձեր ուզածը չէք ունենար, որովհետեւ Աստուծմէ չէք խնդրեր.

ԱՌԱՋԻՆ ՊԵՏՐՈՍԻ 3:8

Ի վերջոյ, ամէնքդ ալ իրարու համախոհ եղէք, ուրախակից եւ ցաւակից իրարու, եղբայրասէր, բարեգութ, խոնարհամիտ։

ՅՈՒԴԱՅԻ 1:3

Սիրելինե՛ր, միշտ ալ կը փափաքէի ձեզի գրել մեր հասարակաց փրկութեան մասին։ Բայց հիմա անհրաժեշտ նկատեցի գրել եւ խնդրել ձեզմէ՝ որ պայքարիք հաւատքին համար, որ ձեզի՝ Աստուծոյ ընտրեալներուդ աւանդուեցաւ միանգամընդմիշտ։