ԵՐԿՐՈՐԴ ՏԻՄՈԹԷՈՍ 2:2 - Western Armenian New Translation - Armenian Catholicosate of Cilicia - New Testament

² եւ այն՝ ինչ որ ես սորվեցուցի բազմաթիւ վկաներու ներկայութեան, նոյն բաները աւանդէ այնպիսի վստահելի մարդոց, որոնք կարող ըլլան ուրիշներուն ալ սորվեցնելու։

Արեւմտահայերէն Նոր Կտակարան հարմարցուած․ 2017

² Եւ այն բաները որոնք ինծմէ լսեցիր շատ վկաներով՝ հաւատարիմ մարդոց յանձնէ, որպէս զի անոնք ալ կարող ըլլան ուրիշներուն սորվեցնել։

Western Armenian Bible 1853

² Եւ այն բաները որոնք ինծմէ լսեցիր շատ վկաներով՝ հաւատարիմ մարդոց յանձնէ, որպէս զի անոնք ալ կարող ըլլան ուրիշներուն սորվեցնել։

ԵՐԿՐՈՐԴ ՏԻՄՈԹԷՈՍ 2:2 Iomraidhean Croise

ՄԱՏԹԷՈՍ 13:52

Յիսուս ըսաւ անոնց. – Այսպէս, ահա, ոեւէ Օրէնքի ուսուցիչ որ երկինքի արքայութեան աշակերտ կը դառնայ՝ կը նմանի տանտիրոջ մը, որ իր գանձէն դուրս կը բերէ նորն ու հինը։

ՄԱՏԹԷՈՍ 24:25

Ահաւասիկ ամէն ինչ սկիզբէն ըսի ձեզի։

ՂՈԻԿԱՍ 12:42

Տէրը ըսաւ. – Ո՞վ է հաւատարիմ եւ իմաստուն տնտեսը։ Անիկա է, որ տէրը իր ծառաներուն վրայ վերակացու կը կարգէ, որպէսզի ճիշդ ատենին անոնցկերակուրի բաժինը տայ։

ԱՌԱՋԻՆ ԿՈՐՆԹԱՑԻՍ 4:2

Արդ, վերակացութիւն ընող մարդէ մը կը պահանջուի՝ հաւատարիմ ըլլալ։

ԵՐԿՐՈՐԴ ԿՈՐՆԹԱՑԻՍ 2:14

Արդ, գոհութիւն Աստուծոյ, որ Յիսուս Քրիստոսի յաղթական երթին մասնակից կը դարձնէ մեզ, եւ մեր միջոցաւ իր գիտութեան բոյրը կը տարածէ ամենուրեք։

ԵՐԿՐՈՐԴ ԿՈՐՆԹԱՑԻՍ 3:5

Որովհետեւ բնաւ չենք խորհիր որ մենք մեր ոյժերով այդպիսի գործ մը կրնանք ընել. այլ՝ Աստուած է որ այդ կարողութիւնը կու տայ մեզի։

ԿՈՂՈՍԱՑԻՍ 1:7

Ատիկա ձեզի սորվեցնողը Եպաֆրասը եղաւ, մեր սիրելի ծառայակիցը, որ հաւատարմօրէն Յիսուսի կը ծառայէ՝ ձեզի համար։

ԱՌԱՋԻՆ ՏԻՄՈԹԷՈՍ 1:12

Երախտապարտ եմ մեր Տիրոջ՝ Քրիստոս Յիսուսի, որ զօրացուց զիս եւ արժանի համարեց իրեն սպասաւոր կարգելու.

ԱՌԱՋԻՆ ՏԻՄՈԹԷՈՍ 1:18

Որդեա՛կս, Տիմոթէոս, հետեւեալ պատուէրը կ՚աւանդեմ քեզի, որ սկիզբէն քեզի համար եղած մարգարէական պատգամները միտքէդ չհանես, այլ անոնցմով զինուիս եւ բարի զինուորութիւն ընես,

ԱՌԱՋԻՆ ՏԻՄՈԹԷՈՍ 4:14

Անփոյթ մի՛ գտնուիր այն շնորհքին նկատմամբ, որ մարգարէական հոգիով քեզի տրուեցաւ, երբ երէցները ձեռք դրին քու վրադ։

ԱՌԱՋԻՆ ՏԻՄՈԹԷՈՍ 4:6

Դուն, սակայն, Քրիստոս Յիսուսի իսկական ծառան կ՚ըլլաս՝ եթէ այս խրատները հաւատացեալ եղբայրներուն տաս, եւ ինքզինքդ սնուցանես այն հաւատքով ու ճշմարիտ ուսուցումներով, որոնց հետեւող եղար։

ԱՌԱՋԻՆ ՏԻՄՈԹԷՈՍ 5:22

Մի՛ աճապարեր ոեւէ մէկուն վրայ ձեռք դնելու, որպէսզի ուրիշներու մեղքերուն բաժնեկից չդառնաս։ Ինքզինքդ անարա՛տ պահէ։

ԱՌԱՋԻՆ ՏԻՄՈԹԷՈՍ 6:12

Հաւատքի բարի պատերազմը մղէ, ամուր կառչէ յաւիտենական կեանքին, որուն քեզ հրաւիրեց Աստուած, եւ որ դուն դաւանեցար գեղեցիկ դաւանութեամբ մը, բազմաթիւ վկաներու ներկայութեան։

ԵՐԿՐՈՐԴ ՏԻՄՈԹԷՈՍ 3:10

Բայց դուն կառչած մնա իմ ուսուցումիս, կեանքի օրինակիս, յօժարութեանս, հաւատքիս, համբերատարութեանս, սիրոյս եւ յարատեւութեանս, որոնք ցուցաբերեցի՝ նոյնիսկ հալածանքներուս եւ չարչարանքներուս մէջ։

ԵՐԿՐՈՐԴ ՏԻՄՈԹԷՈՍ 3:14

Բայց դուն հաստա՛տ կեցիր քու սորված բաներուդ վրայ, որոնց ճշմարտութեան վստահ ես, որովհետեւ գիտես թէ որոնցմէ սորվեցար։

ԵԲՐԱՅԵՑԻՍ 2:17

Ահա թէ ինչու՝ նաեւ Քրիստոս ամէն ինչով պէտք էր իր «եղբայր» ներուն նման ըլլար, որպէսզի կարենար ողորմած եւ վստահելի քահանայապետ մը ըլլալ Աստուծոյ քով, Աստուծոյ ժողովուրդին մեղքերը քաւելու համար։