ԵՐԿՐՈՐԴ ՏԻՄՈԹԷՈՍ 2:12 - Western Armenian New Translation - Armenian Catholicosate of Cilicia - New Testament

¹² Եթէ համբերենք՝ իրեն հետ ալ պիտի թագաւորենք։ Եթէ զինք ուրանանք՝ ինքն ալ մեզ պիտի ուրանայ։

Արեւմտահայերէն Նոր Կտակարան հարմարցուած․ 2017

¹² եթէ համբերենք, անոր հետ պիտի թագաւորենք ալ. եթէ զինք ուրանանք, ինքն ալ մեզ պիտի ուրանայ.

Western Armenian Bible 1853

¹² Եթէ համբերենք, անոր հետ պիտի թագաւորենք ալ. եթէ զինք ուրանանք, ինքն ալ մեզ պիտի ուրանայ.

ԵՐԿՐՈՐԴ ՏԻՄՈԹԷՈՍ 2:12 Iomraidhean Croise

ՄԱՏԹԷՈՍ 10:33

Իսկ ով որ զիս ուրանայ մարդոց առջեւ, նոյնպէս ալ ես զինք պիտի ուրանամ Հօրս դիմաց, որ երկինքի մէջ է։ –

ՄԱՏԹԷՈՍ 26:35

Պետրոս ըսաւ. – Նոյնիսկ եթէ մեռնիլ պէտք ըլլայ քեզի համար, քեզ պիտի չուրանա՛մ։ Նոյնը կ՚ըսէին բոլոր աշակերտներն ալ։

ՄԱՏԹԷՈՍ 26:75

Պետրոս յիշեց Յիսուսի խօսքը, թէ «Տակաւին աքաղաղը չկանչած՝ երեք անգամ պիտի ուրանաս զիս»։ Եւ դուրս ելլելով՝ լացաւ դառնագին։

ՄԱՐԿՈՍ 10:33

Ահա Երուսաղէմ կ՚երթանք,– ըսաւ,– ուր Մարդու Որդին պիտի մատնուի աւագ քահանաներուն եւ Օրէնքի ուսուցիչներուն ձեռքը, որոնք զինք մահուան պիտի դատապարտեն եւ ապա հեթանոսներուն ձեռքը յանձնեն։

ՄԱՐԿՈՍ 8:38

Ով որ զիս կամ խօսքերս ընդունիլը ամօթ նկատէ, Աստուծոյ անհաւատարիմ եւ մեղաւոր այս սերունդին մէջ, Մարդու Որդին ալ զայն ընդունիլը ամօթ պիտի նկատէ՝ երբ գայ իր Հօրը փառքով, սուրբ հրեշտակներուն հետ։

ՂՈԻԿԱՍ 12:9

Իսկ ով որ զիս ուրանայ մարդոց առջեւ, նոյնպէս ալ Մարդու Որդին պիտի ուրանայ զինք Աստուծոյ հրեշտակներուն դիմաց։

ՂՈԻԿԱՍ 22:29

եւ ես ահա կը խոստանամ թագաւորութիւն տալ ձեզի, ինչպէս Հայրս ինծի տալ խոստացաւ։

ՂՈԻԿԱՍ 22:30

Իմ թագաւորութեանս մէջ իմ սեղանէս պիտի ուտէք ու խմէք եւ պիտի բազմիք գահերու վրայ՝ դատելու համար Իսրայէլի տասներկու ցեղերը։

ՂՈԻԿԱՍ 9:26

Ով որ զիս եւ կամ խօսքերս ընդունիլը ամօթ նկատէ՝ Մարդու Որդին ալ զայն ընդունիլը ամօթ պիտի նկատէ, երբ գայ իր փառքով, ինչպէս նաեւ իր Հօր եւ սուրբ հրեշտակներուն փառքով։

ԳՈՐԾՔ ԱՌԱՔԵԼՈՑ 14:22

Տիրոջ աշակերտները զօրացնելու համար եւ զանոնք յորդորելու՝ որ հաւատքին մէջ հաստատուն մնան։ Անոնց կ՚ըսէին.– –Բազմաթիւ նեղութիւններ պէտք է կրենք՝ Աստուծոյ արքայութիւնը մտնելու համար։

ՀՌՈՎՄԱՅԵՑԻՍ 5:17

Որովհետեւ, եթէ ճշմարիտ է որ միակ մարդու մը պատճառով, մէկ հոգիին յանցանքով մահը թագաւորեց, ո՛րքան աւելի ճշմարիտ է՝ որ Աստուծոյ առատ շնորհքն ու արդարութեան պարգեւը ստացողները պիտի թագաւորեն կեանքի մէջ, միակ անձի մը՝ Յիսուս Քրիստոսի միջոցաւ։

ՀՌՈՎՄԱՅԵՑԻՍ 8:17

Իսկ եթէ որդի ենք, կը նշանակէ թէ նաեւ ժառանգորդներ ենք։ Այո՛, ժառանգորդներն ենք Աստուծոյ եւ ժառանգակից՝ Քրիստոսի. եւ իր չարչարանքներուն մասնակից կ՚ըլլանք՝ որպէսզի իր փառքին եւս մասնակից ըլլանք։

ՓԻԼԻՊՊԵՑԻՍ 1:28

Երբեք մի՛ վախնաք հակառակորդներէն. այդ հակառակութիւնը անոնց կորուստին եւ ձեր փրկութեան ապացոյցն է։

ԱՌԱՋԻՆ ՏԻՄՈԹԷՈՍ 5:8

Իսկ մէկը՝ որ իրեններուն եւ մանաւանդ իր ընտանիքի անդամներուն հոգ չի տանիր, այնպիսին իր հաւատքը ուրացած մըն է, շատ աւելի գէշ՝ քան անհաւատ մը։

ՅՈՒԴԱՅԻ 1:4

Որովհետեւ կարգ մը անձեր սպրդեցան եւ հաւատացեալներու շարքերուն մէջ մտան։ Անհաւատ այդ մարդիկը մեր Աստուծոյ շնորհքը պատմող Աւետարանը չարափոխելով՝ իրենց անբարոյ ընթացքին պատշաճեցուցին, մերժելով իբրեւ միակ եւ ամենիշխան Տէր ճանչնալ Յիսուս Քրիստոսը։ Այդպիսիներուն ստանալիք դատապարտութիւնը կանուխէն գրուած է Սուրբ գիրքերուն մէջ։

ՅԱՅՏՆՈՒԹԻՒՆ 1:6

ու մեզ ըրաւ քահանաներու թագաւորութիւն մը, ծառայելու Աստուծոյ՝ իր Հօր։ Փառք ու զօրութի՜ւն իրեն յաւիտեանս յաւիտենից. ամէն։

ՅԱՅՏՆՈՒԹԻՒՆ 1:9

Ես, Յովհաննէս, ձեր եղբայրն եմ եւ Յիսուս Քրիստոսի միացած ըլլալով՝ մասնակից եմ ձեր նեղութեան, արքայութեան, յոյսին եւ համբերութեան։ Աստուծոյ խօսքին եւ Յիսուս Քրիստոսի վկայելուս համար՝ Պատմոս կոչուած կղզին աքսորուած էի։

ՅԱՅՏՆՈՒԹԻՒՆ 2:13

Գիտեմ գործերդ եւ գիտեմ որ կը բնակիս հոն՝ ուր Սատանան իր աթոռըունի։ Բայց դուն իմ անունս պահեցիր եւ ինծի հանդէպ ունեցած հաւատքդ չուրացար՝ նոյնիսկ երբ իմ հաւատարիմ վկաս, Անտիպաս, ձեր դիմաց սպաննուեցաւ հոն՝ ուր Սատանան կը բնակի։

ՅԱՅՏՆՈՒԹԻՒՆ 20:4

Յետոյ տեսայ գահեր, որոնց վրայ նստան անոնք՝ որոնց իշխանութիւն տրուեցաւ դատելու։ Տեսայ նաեւ այն հոգիները, որոնք Յիսուսի եւ Աստուծոյ խօսքին իրենց տուած վկայութեան համար չարաչար գլխատուած էին։ Ասոնք չէին երկրպագած գազանին եւ անոր կնիքը չէին դրոշմած իրենց ճակատներուն եւ ձեռքերուն վրայ։ Անոնք վերակենդանացան եւ Քրիստոսի հետ հազար տարի թագաւորեցին։

ՅԱՅՏՆՈՒԹԻՒՆ 20:6

Երանելի եւ սուրբ են անոնք, որոնք բաժնեկից են մեռելներու առաջին յարութեան։ Երկրորդ մահը ասոնց վրայ իշխանութիւն չունի. ասոնք Աստուծոյ եւ Քրիստոսի քահանաները պիտի ըլլան եւ Քրիստոսի հետ հազար տարի թագաւորեն։

ՅԱՅՏՆՈՒԹԻՒՆ 3:10

Եւ որովհետեւ պահած ես իմ խօսքս, որով համբերել սորվեցար, ես ալ քեզ պիտի պահեմ այն փորձութեան ժամուն, որ պիտի գայ ամբողջ տիեզերքին վրայ՝ փորձելու համար երկրի երեսին գտնուող բոլոր բնակիչները։

ՅԱՅՏՆՈՒԹԻՒՆ 3:21

Ով որ յաղթանակէ՝ անոր իրաւունք պիտի տամ նստելու ինծի հետ իմ գահիս վրայ, այնպէս՝ ինչպէս որ ես յաղթեցի եւ բազմեցայ Հօրս հետ իր գահին վրայ»։

ՅԱՅՏՆՈՒԹԻՒՆ 3:8

Գիտեմ գործերդ։ Ահա դիմացդ բանալ տուի դուռը, որ ո՛չ ոք պիտի կրնայ գոցել։ Գիտեմ որ քիչ մը զօրութիւն ունիս. պահած ես խօսքերս եւ չես ուրացած զիս։

ՅԱՅՏՆՈՒԹԻՒՆ 5:10

Զանոնք դարձուցիր քահանաներու թագաւորութիւն մը՝ ծառայելու մեր Աստուծոյ։ Անոնք պիտի թագաւորեն երկրի վրայ»։