ԵՐԿՐՈՐԴ ՏԻՄՈԹԷՈՍ 1:6 - Western Armenian New Translation - Armenian Catholicosate of Cilicia - New Testament

⁶ Այդ պատճառով ալ կը յիշեցնեմ քեզի, որ բոցավառ պահես այն շնորհքը որ Աստուած քեզի տուաւ՝ երբ քեզ ձեռնադրեցի։

Արեւմտահայերէն Նոր Կտակարան հարմարցուած․ 2017

⁶ Անոր համար քու միտքդ կը ձգեմ որ արծարծես Աստուծոյ պարգեւը, որ քեզի տրուեցաւ երբ իմ ձեռքերս քու վրադ դրի։

Western Armenian Bible 1853

⁶ Անոր համար քու միտքդ կը ձգեմ որ արծարծես Աստուծոյ պարգեւը, որ քեզի տրուեցաւ երբ իմ ձեռքերս քու վրադ դրի։

ԵՐԿՐՈՐԴ ՏԻՄՈԹԷՈՍ 1:6 Iomraidhean Croise

ՂՈԻԿԱՍ 19:13

Նախ քան մեկնիլը, կանչեց իր ծառաներէն տասը հոգի եւ իւրաքանչիւրին տասը ոսկի դրամ տուաւ եւ ըսաւ. «Շահարկեցէ՛ք այս դրամը, մինչեւ վերադարձս»։

ԳՈՐԾՔ ԱՌԱՔԵԼՈՑ 19:6

Իսկ երբ Պօղոս ձեռքը դրաւ անոնց գլխուն, Սուրբ Հոգին իջաւ անոնց վրայ, անծանօթ լեզուներով կը խօսէին ու կը մարգարէանային:

ԳՈՐԾՔ ԱՌԱՔԵԼՈՑ 6:6

Ապա զանոնք բերին առաքեալներուն առջեւ, որոնք աղօթեցին եւ իրենց ձեռքը դրին անոնց վրայ։

ԱՌԱՋԻՆ ԹԵՍԱՂՈՆԻԿԵՑԻՍ 5:19

Սուրբ Հոգիին կրակը մի՛ մարէք ձեր մէջ։

ԱՌԱՋԻՆ ՏԻՄՈԹԷՈՍ 4:14

Անփոյթ մի՛ գտնուիր այն շնորհքին նկատմամբ, որ մարգարէական հոգիով քեզի տրուեցաւ, երբ երէցները ձեռք դրին քու վրադ։

ԱՌԱՋԻՆ ՏԻՄՈԹԷՈՍ 4:6

Դուն, սակայն, Քրիստոս Յիսուսի իսկական ծառան կ՚ըլլաս՝ եթէ այս խրատները հաւատացեալ եղբայրներուն տաս, եւ ինքզինքդ սնուցանես այն հաւատքով ու ճշմարիտ ուսուցումներով, որոնց հետեւող եղար։

ԵՐԿՐՈՐԴ ՏԻՄՈԹԷՈՍ 2:14

Բոլորին յիշեցուր այս բաները, եւ Աստուծոյ ներկայութեան պահանջէ իրենցմէ՝ որ իրարու հետ վէճ ու կռիւ չընեն. բան մը, որ օգուտ չունենալէն զատ՝ լսողներուն ալ հաւատքը կը քանդէ։

ԵՐԿՐՈՐԴ ՏԻՄՈԹԷՈՍ 4:2

Աստուծոյ խօսքը քարոզէ եւ զայն յայտարարէ ամէն առիթով, առանց պատեհութիւնը կամ անպատեհութիւնը խորհելու, սխալները ուղղէ, եւ սաստէ կամ յորդորէ՝ մեծ համբերատարութեամբ ուսուցանելով։

ԵԲՐԱՅԵՑԻՍ 6:2

քրիստոնէական դաստիարակութեամբ մկրտուելուն, ձեռնադրութեան, մեռելներու յարութեան եւ յաւիտենական դատաստանին։

ԵՐԿՐՈՐԴ ՊԵՏՐՈՍԻ 1:12

Ահա թէ ինչու, միշտ ձեզի պիտի յիշեցնեմ այս բաները, թէպէտեւ դուք գիտէք եւ հաստատուն կը մնաք ձեր ստացած ճշմարտութեան վրայ։

ԵՐԿՐՈՐԴ ՊԵՏՐՈՍԻ 3:1

Սիրելինե՛ր, ասիկա երկրորդ նամակս է որ ձեզի կը գրեմ։ Երկու նամակներովս ալ ուզեցի կարգ մը յիշեցումներով ձեր միտքերը արթնցնել՝ որ ուղիղը մտածէք։

ՅՈՒԴԱՅԻ 1:5

Արդ, կ՚ուզեմ ձեզի յիշեցնել, թէպէտ դուք այդ բոլորը գիտէք, թէ ի՛նչպէս Տէրը, անցեալին, իր ժողովուրդը Եգիպտոսէն ազատելէ ետք՝ կորուստի մատնեց անհաւատները։