ԵՐԿՐՈՐԴ ՏԻՄՈԹԷՈՍ 1:10 - Western Armenian New Translation - Armenian Catholicosate of Cilicia - New Testament

¹⁰ Այդշնորհքը այժմմեզի յայտնուեցաւ երեւումովը մեր Փրկչին՝ Յիսուս Քրիստոսի, որ մահուան իշխանութիւնը խափանեց եւ իր տուած աւետիսով անմահական կեանքը յայտնեց։

Արեւմտահայերէն Նոր Կտակարան հարմարցուած․ 2017

¹⁰ բայց հիմա յայտնուեցաւ մեր Փրկչին Յիսուս Քրիստոսին երեւնալովը. որ մահը խափանեց եւ լուսաւորեց կեանքը ու անմահութիւնը աւետարանին միջոցաւ։

Western Armenian Bible 1853

¹⁰ Բայց հիմա յայտնուեցաւ մեր Փրկչին Յիսուս Քրիստոսին երեւնալովը. որ մահը խափանեց եւ լուսաւորեց կեանքը ու անմահութիւնը աւետարանին միջոցաւ։

ԵՐԿՐՈՐԴ ՏԻՄՈԹԷՈՍ 1:10 Iomraidhean Croise

ՂՈԻԿԱՍ 11:36

Եթէ ամբողջ մարմինդ լուսաւոր է, առանց խաւարի մասնիկ մը ունենալու, այն ատեն ամէն ինչ լուսաւոր պիտի ըլլայ, այնպէս՝ ինչպէս երբ ճրագը իր շողերով կը լուսաւորէ քեզ։

ՂՈԻԿԱՍ 13:7

Այգեպանին ըսաւ. «Այս երրորդ տարին է որ կու գամ թուզ քաղելու, բայց չեմ գտներ։ Ուստի կտրէ՛ զայն, ինչո՞ւ անիմաստ կերպով տեղ գրաւէ»։

ՂՈԻԿԱՍ 2:11

Այսօր, Դաւիթի քաղաքին մէջ ձեր Փրկիչը ծնաւ, որ Օծեալ Տէրն է։

ՅՈՎՀԱՆՆՈԻ 1:9

Բանն էր ճշմարիտ Լոյսը, որ աշխարհ գալով՝ կը լուսաւորէ ամբողջ մարդկութիւնը։

ՅՈՎՀԱՆՆՈԻ 14:6

Յիսուս պատասխանեց անոր. – Ե՛ս եմ ճամբան, ճշմարտութիւնը եւ կեանքը։ Միայն ինձմով կարելի է Հօրս երթալ։

ՅՈՎՀԱՆՆՈԻ 20:31

Իսկ այսքանը գրուեցաւ, որպէսզի հաւատաք թէ Յիսուսն է Քրիստոսը, Աստուծոյ Որդին, եւ իրեն հանդէպ ձեր ունեցած հաւատքին միջոցաւ յաւիտենական կեանք ունենաք։

ՅՈՎՀԱՆՆՈԻ 4:42

Անոնք կնոջ կ՚ըսէին. – Ասկէ ետք կը հաւատանք՝ ո՛չ թէ քու խօսքիդ համար, այլ որովհետեւ մենք անձամբ լսեցինք զինք եւ գիտենք թէ ճշմարտապէս ի՛նքն է աշխարհի Փրկիչը։

ՅՈՎՀԱՆՆՈԻ 5:40

Դուք, սակայն, չէք ուզեր ինծի գալ՝ կեանքը ունենալու համար։

ԳՈՐԾՔ ԱՌԱՔԵԼՈՑ 13:23

Անոր սերունդէն էր որ Աստուած Իսրայէլի տուաւ իր խոստացած Փրկիչը՝ Յիսուսը։

ԳՈՐԾՔ ԱՌԱՔԵԼՈՑ 5:31

Աստուած իր աջով զայն բարձրացուց, որպէսզի մեր Առաջնորդն ու Փրկիչը ըլլայ, եւ Իսրայէլին ապաշխարութեան առիթ եւ մեղքերուն թողութիւն տայ։

ՀՌՈՎՄԱՅԵՑԻՍ 16:26

Այժմ այդ խորհուրդը, մարգարէական գրութիւններով յայտնուած, մշտնջենաւոր Աստուծոյ հրամանով բոլոր ազգերուն ծանուցուեցաւ, որպէսզի ամէն ոք հաւատայ եւ հնազանդի Քրիստոսի։

ՀՌՈՎՄԱՅԵՑԻՍ 2:7

Յաւիտենական կեանք պիտի տայ անոնց՝ որոնք բարի գործերու մէջ յարատեւելով փառք ու պատիւ եւ անմահութիւն կը փնտռեն.

ՀՌՈՎՄԱՅԵՑԻՍ 3:31

Արդ, Օրէնքը ջնջա՞ծ կ՚ըլլանք մեր հաւատքով։ Բնա՛ւ երբեք։ Ընդհակառակը, հաստատած կ՚ըլլանք։

ՀՌՈՎՄԱՅԵՑԻՍ 6:6

Գիտենք թէ մեր մէջ եղող հին մարդը անոր խաչակից եղաւ՝ որպէսզի մեղանչական մարդը մեռնի, որպէսզի այլեւս մեղքին չծառայենք։

ԱՌԱՋԻՆ ԿՈՐՆԹԱՑԻՍ 15:26

Վերջին թշնամին որ պիտի բնաջնջուի՝ Մահը պիտի ըլլայ։

ԱՌԱՋԻՆ ԿՈՐՆԹԱՑԻՍ 4:5

Ուստի դուք ալ ոեւէ մէկը մի՛ դատէք ժամանակէն առաջ, մինչեւ գայ Տէրը, որ մարդոց մութ գաղտնիքները լոյսին պիտի բերէ եւ երեւան պիտի հանէ միտքերուն մէջ ծածկուած խորհուրդները։ Ահա այն ատեն իւրաքանչիւրը Աստուծմէ պիտի ստանայ արժանի գովասանքը։

ԵՐԿՐՈՐԴ ԿՈՐՆԹԱՑԻՍ 5:4

Այո՛, որքան ատեն որ հողեղէն այս մարմինին մէջն ենք՝ կը հառաչենք, կարծես բեռան մը տակ ճնշուած. ո՛չ թէ որովհետեւ կ՚ուզենք այս մարմինը մեր վրայէն հանել, այլ կ՚ուզենք երկնայինը ասոր վրայ հագնիլ, որպէսզի այս մահկանացու մարմինը սուզուի կեանքին մէջ։

ԳԱՂԱՏԱՑԻՍ 5:4

Իսկ եթէ փորձէք Օրէնքի գործադրութեամբ արդարանալ՝ ա՛լ Քրիստոսի հետ ձեր կապը կտրած կ՚ըլլաք եւ զրկուած՝ անոր շնորհքէն։

ԵՓԵՍԱՑԻՍ 1:18

Այո՛, կ՚աղօթեմ որ Աստուած ձեր մտքի աչքերը լուսաւորէ, որպէսզի գիտնաք՝ թէ ի՛նչ է այն յոյսը որուն հրաւիրեց ձեզ, եւ ի՜նչ ճոխ ու փառաւոր է խոստումը՝ որ իր ընտրեալները պիտի ժառանգեն,

ԵՓԵՍԱՑԻՍ 1:9

Որովհետեւ իր կամքին համաձայն մեզի յայտնեց շատ կանուխէն պատրաստած իր ծրագիրը, որ Քրիստոսով պիտի իրագործուի։

ԵՐԿՐՈՐԴ ԹԵՍԱՂՈՆԻԿԵՑԻՍ 2:8

Միայն այն ատեն պիտի յայտնուի Անօրէնը, զոր Տէր Յիսուս պիտի սպաննէ իր բերնին շունչով եւ պիտի ոչնչացնէ իր յայտնութեամբը, իր գալստեան ատեն։

ԵՐԿՐՈՐԴ ՏԻՄՈԹԷՈՍ 1:1

Ես՝ Պօղոս, որ Աստուծոյ կամքով Յիսուս Քրիստոսի առաքեալը եղայ՝ որպէսզի քարոզեմ իր խոստացած կեանքը, որ մենք՝ Քրիստոս Յիսուսի միացողներս ունինք,

ԵՐԿՐՈՐԴ ՏԻՄՈԹԷՈՍ 1:8

Հետեւաբար մի՛ վախնար մեր Տիրոջ մասին վկայութիւն տալու. մի՛ վախնար նաեւ խօսելու իմ մասիս, որ Տիրոջ համար բանտարկուած եմ։ Այլ՝ ինծի պէս յանձն առ Աւետարանին սիրոյն չարչարուիլ, որքան որ կարողութիւն տայ Աստուած,

ԵՐԿՐՈՐԴ ՏԻՄՈԹԷՈՍ 4:1

Ուստի, հետեւեալ պատուէրըկու տամ քեզի՝Աստուծոյ եւ Յիսուս Քրիստոսի ներկայութեան, որ ողջերն ու մեռածները պիտի դատէ իր յայտնութեան օրը, երբ իր թագաւորութեամբը գայ.–

ԵՐԿՐՈՐԴ ՏԻՄՈԹԷՈՍ 4:8

Ասկէ ետք ինծի կը մնայ միայն սպասել արդարութեան պսակին, որ Տէրը, արդար Դատաւորը, իբրեւ հատուցում՝ ինծի պիտի տայ դատաստանի օրը։ Եւ պիտի տայո՛չ միայն ինծի, այլ նաեւ բոլոր անոնց՝ որոնք սիրով կը սպասեն Տիրոջ յայտնուելուն։

ՏԻՏՈՍԻՆ 2:11

Որովհետեւ Աստուած իր շնորհքը յայտնեց՝ որպէսզի բոլոր մարդիկ փրկուին։

ՏԻՏՈՍԻՆ 2:13

եւ յոյսով սպասենք այն երջանիկ օրուան, երբ մեր մեծ Աստուածն ու փրկիչը՝ Յիսուս Քրիստոս իր փառքով պիտի յայտնուի։

ՏԻՏՈՍԻՆ 3:4

Բայց ապա Աստուած, մեր Փրկիչը, իր քաղցրութիւնն ու մարդասիրութիւնը յայտնեց

ԵԲՐԱՅԵՑԻՍ 10:32

Արդ, յիշեցէք այն առաջին օրերը, երբ դեռ նոր լուսաւորուած՝ բազմաթիւ ծանր չարչարանքներու տոկացիք։

ԵՐԿՐՈՐԴ ՊԵՏՐՈՍԻ 1:1

Ես՝ Սիմոն Պետրոս, Յիսուս Քրիստոսի ծառան եւ առաքեալը, կը գրեմ ձեզի՝ որ մեր Աստուծոյն եւ Փրկչին՝ Յիսուս Քրիստոսի արդար տնօրինութեամբը արժանի եղաք մեզի հետ բաժնելու հաւատքը։

ԵՐԿՐՈՐԴ ՊԵՏՐՈՍԻ 1:11

եւ այդպիսով ձեզի լայնօրէն իրաւասութիւն կը տրուի մտնելու մեր Տիրոջ եւ Փրկչին՝ Յիսուս Քրիստոսի յաւիտենական արքայութիւնը։

ԵՐԿՐՈՐԴ ՊԵՏՐՈՍԻ 1:3

Քրիստոս իր աստուածային զօրութեամբ մեզի պարգեւեց ամէն ինչ որ անհրաժեշտ է աստուածապաշտ կեանքի մը համար, մեզի ճանչցնելով ան՝ որ իր փառքովն ու զօրութեամբը մեզ իրեն կանչեց։

ԵՐԿՐՈՐԴ ՊԵՏՐՈՍԻ 2:20

Անոնք որոնք մեր Տէրն ու Փրկիչը՝ Յիսուս Քրիստոսը ճանչնալով՝ աշխարհի պղծութիւններէն անգամ մը հեռանալէ ետք վերստին նոյն պղծութիւններուն մէջ կ՚իյնան, անոնց վիճակը նախկինէն շատ աւելի գէշ կ՚ըլլայ։

ԵՐԿՐՈՐԴ ՊԵՏՐՈՍԻ 3:18

Այլ, մեր Տիրոջ եւ Փրկչին՝ Յիսուս Քրիստոսի շնորհքովն ու գիտութեամբը աճեցէք։ Անոր փառք, թէ՛ այժմ եւ թէ՛ յաւիտենական օրը։ Ամէն։

ԵՐԿՐՈՐԴ ՊԵՏՐՈՍԻ 3:2

Որպէսզի յիշէք այն պատգամները որ սուրբ մարգարէները կանուխէն խօսեցան, ինչպէս նաեւ մեր Տիրոջ եւ Փրկչին պատուէրը, որ ձեր առաքեալները ձեզի փոխանցեցին։

ԱՌԱՋԻՆ ՅՈՎՀԱՆՆՈՒ 1:2

Անիկա նոյնինքն կեանքն էր, որ յայտնուեցաւ։ Մենք տեսանք եւ կը վկայենք, ձեզի պատմելով անոր մասին, այսինքն՝ յաւիտենական կեանքին մասին, որ Հօրը հետ էր եւ այժմ մեզի յայտնուեցաւ։

ԱՌԱՋԻՆ ՅՈՎՀԱՆՆՈՒ 4:14

Եւ մենք տեսանք ու կը վկայենք, թէ Հայրը իր Որդին ղրկեց, որպէսզի անիկա աշխարհի Փրկիչը ըլլայ։

ՅԱՅՏՆՈՒԹԻՒՆ 18:1

Ասկէ ետք տեսայ ուրիշ հրեշտակ մը, որ երկինքէն կ՚իջնէր. անիկա մեծ իշխանութիւն ունէր, եւ իր փառքէն երկիրը լուսաւորուեցաւ։

ՅԱՅՏՆՈՒԹԻՒՆ 2:7

«Ան որ ականջ ունի՝ թող լսէ թէ Հոգին ի՛նչ կ՚ըսէ եկեղեցիներուն.– Ով որ յաղթանակէ՝ անոր իրաւունք պիտի տամ ճաշակելու կեանքի ծառէն, որ կը գտնուի Աստուծոյ դրախտին մէջ»։ –

ՅԱՅՏՆՈՒԹԻՒՆ 20:14

Յետոյ մահն ու դժոխքը կրակի լիճը ձգուեցան։ Այս է երկրորդ մահը, որ կրակի լիճն է։

ՅԱՅՏՆՈՒԹԻՒՆ 22:14

Երանելի են անոնք՝ որոնք անոր պատուիրանները կը պահեն։ Անոնք իրաւունք պիտի ունենան ուտելու կեանքի ծառէն եւ դռներէն քաղաք մտնելու։

ՅԱՅՏՆՈՒԹԻՒՆ 22:17

Եւ Հոգին ու Հարսը կ՚ըսեն.– Եկո՛ւր։ Ով որ կը լսէ՝ թող ըսէ.– Եկո՛ւր։ Ով որ ծարաւ է՝ թող գայ, եւ ով որ կ՚ուզէ՝ թող ձրիաբար առնէ կեանքի ջուրէն։