ԵՐԿՐՈՐԴ ԹԵՍԱՂՈՆԻԿԵՑԻՍ 2:3 - Western Armenian New Translation - Armenian Catholicosate of Cilicia - New Testament

³ Չըլլա՛յ որ մէկը ձեզ խաբէ ոեւէ ձեւով։ Որովհետեւ Տիրոջ Օրը պիտի չգայ՝ մինչեւ որ նախ չգայ Տիրոջ դէմ վերջին ապստամբութիւնը, եւ չյայտնուի անօրէնութեան մարմնացումը եղող մարդը, կորուստի սահմանուած

Արեւմտահայերէն Նոր Կտակարան հարմարցուած․ 2017

³ Չըլլայ թէ մէկը ձեզ խաբէ կերպով մը. վասն զի այն օրը պիտի չգայ ապստամբութենէն առաջ ու յայտնուի անօրէնութեան մարդը, կորստեան որդին,

Western Armenian Bible 1853

³ Չըլլայ թէ մէկը ձեզ խաբէ կերպով մը. վասն զի այն օրը պիտի չգայ ապստամբութենէն առաջ ու յայտնուի անօրէնութեան մարդը, կորստեան որդին,

ԵՐԿՐՈՐԴ ԹԵՍԱՂՈՆԻԿԵՑԻՍ 2:3 Iomraidhean Croise

ՅՈՎՀԱՆՆՈԻ 17:12

Աշխարհի մէջ երբ անոնց հետ էի, ես կը պահէի զանոնք քու անունիդ զօրութեամբ, որովհետեւ քու անունովդ զանոնք ինծի տուիր։ Ես պահպանեցի զանոնք եւ անոնցմէ ո՛չ մէկը կորսուեցաւ, բացի անկէ՝ որ կորսուելու ճամբուն մէջ է, որպէսզի իրականանայ Սուրբ գիրքին մէջ ըսուածը։

ԱՌԱՋԻՆ ԿՈՐՆԹԱՑԻՍ 6:9

Միթէ չէ՞ք գիտեր որ անիրաւութիւն ընողները Աստուծոյ արքայութիւնը պիտի չժառանգեն։ Դուք ձեզ չխաբէք։ Անոնք որ պոռնկութիւն կ՚ընեն կամ կռապաշտ են, կամ՝ շնացող, իգացեալ, արուագէտ,

ԵՓԵՍԱՑԻՍ 5:6

Հետեւաբար, չըլլայ որ ոեւէ մէկը պարապ խօսքերով ձեզ խաբէ. որովհետեւ այս բաներուն համար Աստուած իր բարկութիւնը պիտի թափէ անհնազանդ մարդոց վրայ։

ԱՌԱՋԻՆ ՅՈՎՀԱՆՆՈՒ 2:18

Զաւակնե՛րս, վերջին ժամանակը հասեր է։ Դուք լսած էք, թէ Նեռը՝ Քրիստոսի հակառակորդը պիտի գայ։ Արդ ահա բազմաթիւ Քրիստոսի հակառակորդներ երեւան ելած են, որմէ կը գիտնանք թէ վերջին ժամանակն է։

ԱՌԱՋԻՆ ՅՈՎՀԱՆՆՈՒ 4:3

Իսկ ով որ չի՛ խոստովանիր թէ Յիսուս Քրիստոս աշխարհ գալով մարդացաւ՝ անիկա Աստուծոյ Հոգիով չէ՛ որ կը խօսի, այլ Նեռին՝ Քրիստոսի հակառակորդին դրդումովը. անոր՝ որուն մասին լսած էիք թէ պիտի գայ, եւ ահա արդէն իսկ աշխարհի մէջ է։

ՅԱՅՏՆՈՒԹԻՒՆ 17:11

Եւ այն գազանը որ կ՚ապրէր, բայց այլեւս չ՚ապրիր, ութերորդ թագաւորն է, որ առաջին եօթէն մէկն է եւ որ իր կորուստին կը դիմէ։

ՅԱՅՏՆՈՒԹԻՒՆ 17:8

Գազանը որ տեսար՝ կ՚ապրէր, բայց այլեւս չ՚ապրիր. անիկա անդունդէն պիտի ելլէ՝ իր կորուստին երթալու համար։ Բոլոր անոնք որ երկրի վրայ կ՚ապրին եւ որոնց անունները աշխարհի սկիզբէն ի վեր չէին գրուած կեանքի գիրքին մէջ՝ պիտի զարմանան, տեսնելով գազանը որ կ՚ապրէր, բայց այլեւս չ՚ապրիր, եւ սակայն մօտ է վերստին յայտնուելու։