ԵՐԿՐՈՐԴ ԹԵՍԱՂՈՆԻԿԵՑԻՍ 2:2 - Western Armenian New Translation - Armenian Catholicosate of Cilicia - New Testament

² թող շուտով ձեր միտքերը չպղտորին եւ տակնուվրայ չըլլաք, երբ լսէք թէ Տիրոջ Օրը եկած հասած է։ Մենք այդպիսի բան չենք ըսած, ո՛չ Հոգիին յայտնութեամբ, ո՛չ մեր քարոզութեամբ եւ ո՛չ ալ նամակներով, որպէս թէ մեր կողմէ գրուած։

Արեւմտահայերէն Նոր Կտակարան հարմարցուած․ 2017

² չըլլայ որ շուտ մը խախտիք ձեր մտքէն ու չըլլայ որ խռովիք՝ ո՛չ հոգիով ու ո՛չ խօսքով, ո՛չ ալ թուղթով մը իբր թէ մեզմէ գրուած, որպէս թէ Քրիստոսին օրը եկած հասած է։

Western Armenian Bible 1853

² Չըլլայ որ շուտ մը խախտիք ձեր մտքէն ու չըլլայ որ խռովիք՝ ո՛չ հոգիով ու ո՛չ խօսքով, ո՛չ ալ թուղթով մը իբր թէ մեզմէ գրուած, որպէս թէ Քրիստոսին օրը եկած հասած է։

ԵՐԿՐՈՐԴ ԹԵՍԱՂՈՆԻԿԵՑԻՍ 2:2 Iomraidhean Croise

ՄԱՏԹԷՈՍ 24:24

որովհետեւ սուտ քրիստոսներ եւ սուտ մարգարէներ պիտի ելլեն եւ մեծ հրաշքներ ու նշաններ կատարեն՝ որպէսզի մոլորեցնեն, եթէ կարենան, նոյնիսկ Աստուծոյ ընտրեալները։

ՄԱՐԿՈՍ 13:7

Մի՛ խռովիք, երբ լսէք պատերազմներու ձայները կամ պատերազմներու լուրերը, որովհետեւ պէտք է որ ատոնք պատահին։ Բայց ատիկա չի՛ նշանակեր թէ աշխարհի վախճանն է։

ՂՈԻԿԱՍ 21:19

Եւ ձեր համբերութեամբ պիտի փրկէք ձեր հոգիները։

ՂՈԻԿԱՍ 21:9

Մի՛ սարսափիք, երբ լսէք պատերազմներու եւ խռովութիւններու մասին, որովհետեւ պէտք է որ նախ անոնք պատահին։ Սակայն ատիկա չի՛ նշանակեր թէ արդէն աշխարհի վախճանն է։

ՅՈՎՀԱՆՆՈԻ 14:1

Ապա Յիսուս ըսաւ իր աշակերտներուն. – Թող չխռովին ձեր սիրտերը։ Հաւատացէ՛ք Աստուծոյ, հաւատացէ՛ք նաեւ ինծի։

ՅՈՎՀԱՆՆՈԻ 14:27

Խաղաղութիւն կը թողում ձեզի. իմ խաղաղութիւնս է որ կու տամ ձեզի, որ այս աշխարհի տուած խաղաղութենէն տարբեր է։ Մի՛ խռովիք ու մի՛ վախնաք։

ԱՌԱՋԻՆ ԿՈՐՆԹԱՑԻՍ 1:8

Եւ Աստուած մինչեւ վերջ հաստատուն պիտի պահէ ձեզ, որպէսզի անմեղադրելի ըլլաք մեր Տիրոջ Յիսուս Քրիստոսի դատաստանին օրը։

ԱՌԱՋԻՆ ԿՈՐՆԹԱՑԻՍ 14:32

Արդարեւ, մարգարէութեան հոգին մարգարէին կ՚ենթարկուի.

ԱՌԱՋԻՆ ԿՈՐՆԹԱՑԻՍ 7:26

Կը խորհիմ որ իրենց վիճակը լաւագոյնն է։ Նկատի ունենալով վերահաս նեղութիւնը, աւելի լաւ է որ մարդ ինչպէս որ է՝ այնպէս մնայ։

ԵՓԵՍԱՑԻՍ 5:6

Հետեւաբար, չըլլայ որ ոեւէ մէկը պարապ խօսքերով ձեզ խաբէ. որովհետեւ այս բաներուն համար Աստուած իր բարկութիւնը պիտի թափէ անհնազանդ մարդոց վրայ։

ԱՌԱՋԻՆ ԹԵՍԱՂՈՆԻԿԵՑԻՍ 3:3

եւ չըլլայոր ոեւէ մէկը իր համոզումներուն մէջ խախտի ներկայ նեղութիւններուն պատճառով։ Որովհետեւ դուք շատ լաւ գիտէք, թէ այդ նեղութիւններուն մէջ ապրելու կոչուած ենք։

ԱՌԱՋԻՆ ԹԵՍԱՂՈՆԻԿԵՑԻՍ 4:15

Հետեւաբար՝ կ՚ըսենք ձեզի, ինչպէս Տէրը ինք սորվեցուց.– Մեզմէ անոնք որոնք ողջ մնացած կ՚ըլլան Տիրոջ գալուստին ատեն, մեռածներէն առաջ պիտի չանցնին։

ԱՌԱՋԻՆ ԹԵՍԱՂՈՆԻԿԵՑԻՍ 5:2

որովհետեւ անձամբ դուք շատ լաւ գիտէք, թէ ճիշդ ինչպէս գողը չսպասուած ժամուն կու գայ, այնպէս ալ Տիրոջ Օրը չսպասուած ժամուն պիտի գայ։

ԵՐԿՐՈՐԴ ԹԵՍԱՂՈՆԻԿԵՑԻՍ 2:15

Ուստի, եղբայրներ, հաստատուն մնացէք եւ ամուր պահեցէք աւանդութիւնները որ սորվեցաք մեզմէ, ըլլա՛յ խօսքով, ըլլա՛յ նամակով։

ԵՐԿՐՈՐԴ ԹԵՍԱՂՈՆԻԿԵՑԻՍ 3:17

Այս ողջոյնը ես՝ Պօղոս, իմ ձեռքովս է որ կը գրեմ։ Նամակներուս մէջ ստորագրութիւնս ա՛յս է, այսպէ՛ս է իմ գիրս։

ՅԱՅՏՆՈՒԹԻՒՆ 19:20

Գազանը բռնուեցաւ, ինչպէս նաեւ իրեն հետ եղող սուտ մարգարէն, որ հրաշքներ կը գործէր անոր ներկայութեան եւ այդ հրաշքներով կը մոլորեցնէր անոնք՝ որ գազանին կնիքը առած էին իրենց վրայ եւ անոր արձանին կ՚երկրպագէին։ Ապա գազանն ու սուտ մարգարէն ողջ–ողջ ձգուեցան կրակէ լիճին մէջ, որ կը բոցավառէր ծծումբով։