ԵՐԿՐՈՐԴ ԹԵՍԱՂՈՆԻԿԵՑԻՍ 1:9 - Western Armenian New Translation - Armenian Catholicosate of Cilicia - New Testament

⁹ Այն օրը, այդպիսիները յաւիտենական մահուամբ պիտի պատժուին, զրկուելով Տիրոջ ներկայութենէն եւ անոր փառաւոր զօրութենէն,

Արեւմտահայերէն Նոր Կտակարան հարմարցուած․ 2017

⁹ որոնք պիտի պատժուին յաւիտենական աւերումով եւ պիտի վտարուին Տէրոջը երեսէն ու անոր զօրութեանը փառքէն,

Western Armenian Bible 1853

⁹ Որոնք պիտի պատժուին յաւիտենական աւերումով եւ պիտի վտարուին Տէրոջը երեսէն ու անոր զօրութեանը փառքէն,

ԵՐԿՐՈՐԴ ԹԵՍԱՂՈՆԻԿԵՑԻՍ 1:9 Iomraidhean Croise

ՄԱՏԹԷՈՍ 16:27

Արդարեւ, Մարդու Որդին պիտի գայ իր Հօր փառքով՝ իր հրեշտակներուն հետ, եւ այն ատեն իւրաքանչիւրին իր գործերուն համաձայն հատուցում պիտի կատարէ։

ՄԱՏԹԷՈՍ 22:13

Այն ատեն թագաւորը սպասաւորներուն ըսաւ. «Կապեցէ՛ք անոր ոտքերն ու ձեռքերը եւ դուրսը խաւարին մէջ նետեցէք. հոն անիկա թող լայ եւ ակռաները կրճտէ»։

ՄԱՏԹԷՈՍ 24:30

Ապա Մարդու Որդիին նշանը պիտի երեւի երկինքի մէջ, եւ աշխարհի բոլոր ժողովուրդները պիտի ողբան, երբ տեսնեն Մարդու Որդին, որ կու գայ ամպերուն վրայ բազմած՝ զօրութեամբ եւ մեծ փառքով:

ՄԱՏԹԷՈՍ 25:41

Ապա իր ձախ կողմը կեցողներուն պիտի ըսէ. «Անիծեալնե՛ր, հեռացէ՛ք ինձմէ, գացէ՛ք յաւիտենական կրակին մէջ, որ Սատանային եւ անոր հրեշտակներուն համար պատրաստուած է։

ՄԱՏԹԷՈՍ 25:46

Եւ այսպէս, անոնք պիտի երթան յաւիտենական պատիժի, իսկ արդարները՝ յաւիտենական կեանքի։

ՄԱՏԹԷՈՍ 7:23

Այն ատեն պիտի յայտարարեմ անոնց. «Բնա՛ւ ձեզ չեմ ճանչնար։ Հեռացէ՛ք ինձմէ դուք բոլորդ, որ չարիք կը գործէիք»։

ՂՈԻԿԱՍ 13:27

Անիկա պիտի պատասխանէ. «Ձեզի կ՚ըսեմ, թէ չե՛մ գիտեր ուրկէ՛ էք։ Հեռացէ՛ք ինձմէ դուք բոլորդ, անիրաւնե՛ր»։

ՅՈՎՀԱՆՆՈԻ 5:14

Այս դէպքէն ետք Յիսուս մարդը տաճարին մէջ գտաւ եւ ըսաւ անոր. – Ահա առողջացար. այլեւս մի՛ մեղանչեր, որպէսզի աւելի գէշը չպատահի քեզի։

ՓԻԼԻՊՊԵՑԻՍ 3:19

Անոնց վերջը կորուստ է, որովհետեւ իրենց Աստուածը իրենց փորն է։ Ամօթալի բաներով կը հպարտանան եւ միայն երկրաւոր բաներու մասին կը խորհին։

ԱՌԱՋԻՆ ԹԵՍԱՂՈՆԻԿԵՑԻՍ 5:3

Երբ որ մարդիկ ըսեն՝ «Հանգիստ ենք եւ ապահով», ճիշդ այն ատեն՝ յանկարծակի վրայ պիտի հասնի կործանումը, ինչպէս երկունքը յանկարծ կը բռնէ յղի կինը, եւ ազատում պիտի չունենան։

ԵՐԿՐՈՐԴ ԹԵՍԱՂՈՆԻԿԵՑԻՍ 2:8

Միայն այն ատեն պիտի յայտնուի Անօրէնը, զոր Տէր Յիսուս պիտի սպաննէ իր բերնին շունչով եւ պիտի ոչնչացնէ իր յայտնութեամբը, իր գալստեան ատեն։

ՏԻՏՈՍԻՆ 2:13

եւ յոյսով սպասենք այն երջանիկ օրուան, երբ մեր մեծ Աստուածն ու փրկիչը՝ Յիսուս Քրիստոս իր փառքով պիտի յայտնուի։

ԵԲՐԱՅԵՑԻՍ 10:29

որքա՜ն աւելի ծանր պատիժի արժանի պիտի համարէք այն անձը՝ որ ոտնակոխ կ՚ընէ Աստուծոյ Որդին, կ՚արհամարհէ Նոր Ուխտի կնքումին համար թափուած արիւնը, որով Քրիստոս զինք սրբեց, եւ կ՚անարգէ շնորհքները պարգեւող Սուրբ Հոգին։

ԵՐԿՐՈՐԴ ՊԵՏՐՈՍԻ 2:17

Այդ մարդիկը ցամքած աղբիւրներ են, հովերէն քշուող մշուշներ, որոնց համար Աստուած խաւար աշխարհի յաւերժական աղջամուղջը վերապահած է։

ԵՐԿՐՈՐԴ ՊԵՏՐՈՍԻ 3:7

Նոյնպէս ալ, երկինքն ու երկիրը Աստուծոյ նոյն խօսքով կը պահուին՝ կրակին համար, այսինքն՝ դատաստանի օրուան, երբ ամբարիշտ մարդիկը կորուստի պիտի մատնուին։

ՅՈՒԴԱՅԻ 1:13

Այո՛, ծովու կատաղի ալիքներուն կը նմանին, որոնց ամօթալի գործերը միշտ երեսը կ՚ելլեն, փրփուրին պէս։ Աստղերու թռչող բեկորներ են, որոնց տեղը՝ իրենց վերապահուած յաւիտենական թանձր խաւարն է։

ՅԱՅՏՆՈՒԹԻՒՆ 20:11

Յետոյ տեսայ ճերմակ մեծ գահ մը եւ անոր վրայ բազմած մէկը, որուն ներկայութենէն փախան երկինքն ու երկիրը՝ առանց հետք մը ձգելու։

ՅԱՅՏՆՈՒԹԻՒՆ 20:14

Յետոյ մահն ու դժոխքը կրակի լիճը ձգուեցան։ Այս է երկրորդ մահը, որ կրակի լիճն է։

ՅԱՅՏՆՈՒԹԻՒՆ 21:8

Բայց վախկոտներուն, անհաւատներուն, պիղծերուն, մարդասպաններուն, պոռնիկներուն, կախարդներուն, կռապաշտներուն եւ բոլոր ստախօսներուն բաժինը՝ կրակով եւ ծծումբով այրող լիճն է, որ երկրորդ մահն է։

ՅԱՅՏՆՈՒԹԻՒՆ 22:15

Իսկ դուրս պիտի մնան շնացողներն ու կախարդները, պոռնիկներն ու մարդասպանները, կռապաշտները եւ բոլոր անոնք՝ որոնք սուտը կը սիրեն եւ կ՚ընեն։