ԵՐԿՐՈՐԴ ԹԵՍԱՂՈՆԻԿԵՑԻՍ 1:4 - Western Armenian New Translation - Armenian Catholicosate of Cilicia - New Testament

⁴ Աստուծոյ եկեղեցիներուն մէջ մենք կը պարծենանք ձեզմով, այն համբերութեան եւ հաւատքին համար, որ դուք ցուցաբերեցիք ձեր կրած բոլոր հալածանքներուն եւ նեղութիւններուն մէջ։

Արեւմտահայերէն Նոր Կտակարան հարմարցուած․ 2017

⁴ այնպէս որ մենք ալ ձեզմով կը պարծենանք Աստուծոյ եկեղեցիներուն մէջ՝ ձեր համբերութեանը ու հաւատքին համար ձեր բոլոր հալածանքներուն ու նեղութիւններուն մէջ՝ որոնց կը համբերէք.

Western Armenian Bible 1853

⁴ Այնպէս որ մենք ալ ձեզմով կը պարծենանք Աստուծոյ եկեղեցիներուն մէջ՝ ձեր համբերութեանը ու հաւատքին համար ձեր բոլոր հալածանքներուն ու նեղութիւններուն մէջ՝ որոնց կը համբերէք.

ԵՐԿՐՈՐԴ ԹԵՍԱՂՈՆԻԿԵՑԻՍ 1:4 Iomraidhean Croise

ՀՌՈՎՄԱՅԵՑԻՍ 12:12

Յոյսով ուրախացէք, նեղութեանց մէջ համբերող եղէք, յարատեւ աղօթեցէ՛ք։

ՀՌՈՎՄԱՅԵՑԻՍ 2:7

Յաւիտենական կեանք պիտի տայ անոնց՝ որոնք բարի գործերու մէջ յարատեւելով փառք ու պատիւ եւ անմահութիւն կը փնտռեն.

ՀՌՈՎՄԱՅԵՑԻՍ 8:25

Ընդհակառակը, կը յուսանք բանի մը՝ որ չենք տեսներ եւ որուն կը սպասենք համբերութեամբ։

ԱՌԱՋԻՆ ԿՈՐՆԹԱՑԻՍ 7:17

Այլապէս, իւրաքանչիւրըթողապրի Աստուծմէ իրեն տրուած շնորհքին համաձայն, ինչպէս որ էր՝ երբ Աստուած զինք կանչեց։ Այսպէս կը պատուիրեմ բոլոր եկեղեցիներուն։

ԵՐԿՐՈՐԴ ԿՈՐՆԹԱՑԻՍ 12:10

Ատոր համար ալ, ես գոհ եմ տկարութիւններուս եւ Քրիստոսի համար կրած նախատինքներուս, նեղութիւններուս, հալածանքներուս եւ դժուարութիւններուս համար. որովհետեւ երբ տկար եմ՝ այն ատեն է որ զօրաւոր եմ։

ԵՐԿՐՈՐԴ ԿՈՐՆԹԱՑԻՍ 7:14

Ձեզի համար պարծանքս յայտնած էի իրեն, եւ ամօթով չմնացի. եւ ինչպէս ձեզի խօսածներս բոլորը ճշմարիտ էին, նոյնպէս ալ Տիտոսի յայտնած պարծանքս ճշմարտուեցաւ։

ԵՐԿՐՈՐԴ ԿՈՐՆԹԱՑԻՍ 7:4

Մեծ վստահութիւն ունիմ ձեր վրայ. մեծապէս հպարտ եմ ձեզմով։ Մեր կրած բոլոր նեղութեանց մէջ ինքզինքս մեծապէս մխիթարուած եւ անսահմանօրէն ուրախ կը զգամ։

ԵՐԿՐՈՐԴ ԿՈՐՆԹԱՑԻՍ 9:2

որովհետեւ գիտեմ ձեր յօժարութիւնը, եւ ձեր մասին միշտ պարծանքով խօսած եմ Մակեդոնացիներուն, ըսելով. «Աքայիացիները դեռ անցեալ տարուընէ պատրաստուեր են իրենց օգնութիւնը ընելու»։ Ձեր նախանձախնդրութիւնը շատ շատերուն համար գրգիռ եղաւ։

ԵՐԿՐՈՐԴ ԿՈՐՆԹԱՑԻՍ 9:4

Պիտի չուզէի որ Մակեդոնացիները ինծի հետ գային եւ ձեզ անպատրաստ գտնէին, որովհետեւ այդ պարագային ամօթով պիտի մնայինք մեր վստահութեան համար։ Անշուշտ դուք ալ ամօթով պիտի մնայիք։

ԱՌԱՋԻՆ ԹԵՍԱՂՈՆԻԿԵՑԻՍ 1:3

Հօր Աստուծոյ առջեւ միշտ կը յիշենք՝ թէ ի՛նչպէս կեանքի կը վերածէք ձեր հաւատքը, սէրէն մղուած կը ծառայէք ուրիշներուն, եւ մեր Տիրոջ Յիսուս Քրիստոսի յուսալով՝ նեղութիւններու կը համբերէք։

ԱՌԱՋԻՆ ԹԵՍԱՂՈՆԻԿԵՑԻՍ 2:14

Եղբայրներ, դո՛ւք ալ ունեցաք նոյն այն փորձառութիւնը, որ ունեցան Հրէաստանի մէջ գտնուող Աստուծոյ եկեղեցիները, որոնք Քրիստոս Յիսուսի միացած են։ Դուք ալ չարչարուեցաք ձեր ազգակիցներուն կողմէ, ինչպէս անոնք չարչարուեցան իրենց ազգակից Հրեաներէն,

ԱՌԱՋԻՆ ԹԵՍԱՂՈՆԻԿԵՑԻՍ 2:19

Արդարեւ, երբ մեր Տէրը Յիսուս Քրիստոս գայ, իր առջեւ ո՞վ պիտի ըլլայ մեր յոյսը կամ ուրախութիւնը, կամ յաղթանակի պսակը՝ որով կրնանք պարծիլ, եթէ ոչ՝ դուք։

ԵՐԿՐՈՐԴ ԹԵՍԱՂՈՆԻԿԵՑԻՍ 3:5

Թող Տէրը ձեր սիրտերը ուղղէ, որպէսզի ճանչնաք Աստուծոյ սէրը եւ Քրիստոսի ցուցաբերած համբերութիւնը։

ԵԲՐԱՅԵՑԻՍ 10:36

Պէտք է համբերել գիտնաք, որպէսզի Աստուծոյ կամքը կատարելով՝ իր խոստումին տիրանաք։

ԵԲՐԱՅԵՑԻՍ 6:12

Չենք ուզեր որ թուլնաք. այլ նմանեցէք անոնց՝ որոնք հաւատքով եւ համբերութեամբ կը փորձեն Աստուծոյ խոստումը ժառանգել։

ԵԲՐԱՅԵՑԻՍ 6:15

Եւ Աբրահամ համբերութեամբ սպասեց, եւ այդպէս ալ ստացաւ Աստուծոյ խոստացածը։

ՅԱԿՈԲՈՒ 5:11

Չէ՞ որ մենք երանի կու տանք անոնց՝ որոնք մարգարէներուն պէս գիտցան համբերել։ Հարկաւ լսեր էք Յոբի համբերութեան մասին, եւ գիտէք թէ ի՛նչպէս Տէրը վարձատրեց զայն վերջաւորութեան, որովհետեւ Տէրը գթառատ է եւ ողորմած։

ԵՐԿՐՈՐԴ ՊԵՏՐՈՍԻ 1:6

գիտութեամբ՝ ժուժկալութիւն, ժուժկալութեամբ՝ համբերութիւն, համբերութեամբ՝ աստուածպաշտութիւն,

ՅԱՅՏՆՈՒԹԻՒՆ 14:12

Ահա հո՛ս է համբերութիւնը Աստուծոյ ընտրեալներուն, որոնք կը պահեն Աստուծոյ պատուիրանները եւ Յիսուսի հանդէպ իրենց հաւատքը»։