ԵՐԿՐՈՐԴ ՊԵՏՐՈՍԻ 3:9 - Western Armenian New Translation - Armenian Catholicosate of Cilicia - New Testament

⁹ Տէրը չ՚ուշացներ իր խոստումին կատարումը, այնպէս՝ ինչպէս ոմանք կը հասկնան ուշացումը։ Տէրը պարզապէս համբերատարութիւն ցոյց կու տայ ձեզի հանդէպ, որովհետեւ չ՚ուզեր որ ոեւէ մէկը կորսուի, այլ՝ կ՚ուզէ որ բոլորն ալ ապաշխարելու առիթ ունենան։

Արեւմտահայերէն Նոր Կտակարան հարմարցուած․ 2017

⁹ Տէրը չուշացներ իր խոստումը, ինչպէս ոմանք ուշացուցած կը սեպեն, հապա երկայնամիտ կ’ըլլայ. վասն զի չուզեր որ մէ՛կը կորսուի, հապա որ ամէնքը ապաշխարեն։

Western Armenian Bible 1853

⁹ Տէրը չուշացներ իր խոստումը, ինչպէս ոմանք ուշացուցած կը սեպեն, հապա երկայնամիտ կ’ըլլայ. վասն զի չուզեր որ մէ՛կը կորսուի, հապա որ ամէնքը ապաշխարեն։

ԵՐԿՐՈՐԴ ՊԵՏՐՈՍԻ 3:9 Iomraidhean Croise

ՀՌՈՎՄԱՅԵՑԻՍ 13:11

Սիրոյ այս սկզբունքով ընթացէք, գիտնալով թէ ի՛նչ ժամանակի մէջ կ՚ապրինք։ Ժամանակն է որ քունը թօթափենք եւ արթննանք, որովհետեւ հիմա փրկութիւնը աւելի մօտ է մեզի, քան այն ատեն՝ երբ հաւատացինք։

ՀՌՈՎՄԱՅԵՑԻՍ 13:12

Գիշերը ահա կ՚անցնի եւ ցերեկը մօտ է։ Ուստի խաւարի գործերէն հեռանանք եւ լոյսի զէնքերը մեր վրայ առնենք,

ՀՌՈՎՄԱՅԵՑԻՍ 2:4

Կամ կ՚արհամարհե՞ս անոր անչափքաղցրութիւնը, ներողամտութիւնը եւ համբերատարութիւնը, երբ գիտես որ Աստուծոյ քաղցրութիւնն է որ քեզ ապաշխարութեան կը բերէ։

ՀՌՈՎՄԱՅԵՑԻՍ 9:22

Արդ, Աստուած իր բարկութիւնը ցոյց տալ եւ իր զօրութիւնը ճանչցնել ուզելով՝ մեծ համբերատարութեամբ համբերեց բարկութեան արժանի մարդոց, որոնք կորուստի դատապարտուած են,

ԱՌԱՋԻՆ ՏԻՄՈԹԷՈՍ 1:16

Բայց Աստուած ողորմութիւն ցոյց տուաւ ինծի՝ որպէսզի Յիսուս Քրիստոսի նախ ինծի հանդէպ ցուցաբերած անսահման համբերատարութիւնը օրինակ ծառայէ բոլոր անոնց, որոնք իրեն կը հաւատան՝ յաւիտենական կեանքը ունենալու համար։

ԱՌԱՋԻՆ ՏԻՄՈԹԷՈՍ 2:4

որ կ՚ուզէ որ բոլոր մարդիկը փրկուին եւ հասնին ճշմարտութեան ճանաչումին,

ԵԲՐԱՅԵՑԻՍ 10:37

Որովհետեւ «Շատ, շատ քիչ ատենէն՝ ան որ գալիք է՝ պիտի գայ, առանց ուշանալու։

ԱՌԱՋԻՆ ՊԵՏՐՈՍԻ 3:20

որոնք ատենօք չհնազանդեցան Աստուծոյ, երբ անիկա ներողամտութեամբ կը համբերէր։ Կ՚ակնարկեմ Նոյի օրերուն, երբ անիկա տապանը կը շինէր, որով շատ քիչեր, միայն ութը հոգի ազատեցան ջուրէն։

ԵՐԿՐՈՐԴ ՊԵՏՐՈՍԻ 1:4

Անիկա թանկագին ու մեծամեծ խոստումներ տուաւ մեզի, որպէսզի անոնցմով հաղորդակից ըլլանք աստուածային բնութեան, ձերբազատուելով աշխարհի մէջ տիրող կորստաբեր ցանկութիւններէն։

ԵՐԿՐՈՐԴ ՊԵՏՐՈՍԻ 3:15

Եւ Տիրոջ համբերատարութիւնը փրկութիւն համարեցէք ձեզի համար, ինչպէս մեր սիրելի եղբայրը՝ Պօղոս ալ գրեց ձեզի, Աստուծմէ իրեն շնորհուած իմաստութեամբ։

ՅԱՅՏՆՈՒԹԻՒՆ 2:21

Ես իրեն ժամանակ տուի որ ապաշխարէ իր պոռնկութեան համար, բայց չապաշխարեց։