ԵՐԿՐՈՐԴ ՊԵՏՐՈՍԻ 3:2 - Western Armenian New Translation - Armenian Catholicosate of Cilicia - New Testament

² Որպէսզի յիշէք այն պատգամները որ սուրբ մարգարէները կանուխէն խօսեցան, ինչպէս նաեւ մեր Տիրոջ եւ Փրկչին պատուէրը, որ ձեր առաքեալները ձեզի փոխանցեցին։

Արեւմտահայերէն Նոր Կտակարան հարմարցուած․ 2017

² եւ նախապէս սուրբ մարգարէներէն ըսուած խօսքերը եւ մեր՝ այսինքն Տէրոջը ու Փրկչին առաքեալներուն՝ պատուէրները մտքերնիդ բերէք։

Western Armenian Bible 1853

² Եւ նախապէս սուրբ մարգարէներէն ըսուած խօսքերը եւ մեր՝ այսինքն Տէրոջը ու Փրկչին առաքեալներուն՝ պատուէրները մտքերնիդ բերէք։

ԵՐԿՐՈՐԴ ՊԵՏՐՈՍԻ 3:2 Iomraidhean Croise

ՂՈԻԿԱՍ 1:70

Իր սուրբ մարգարէներուն միջոցաւ կանուխէն մեզի խոստացաւ

ՂՈԻԿԱՍ 24:27

Ապա սկսաւ բացատրել Սուրբ գիրքերուն մէջ իր մասին գրուած բոլոր գրութիւնները, սկսեալ Մովսէսի գիրքերէն մինչեւ բոլոր մարգարէութիւնները։

ՂՈԻԿԱՍ 24:44

Ապա ըսաւ. – Այս բոլորը ձեզի ըսած էի արդէն, երբ ձեզի հետ էի, թէ պէտք էր որ իրականանային Մովսէսի Օրէնքի գիրքին, մարգարէական գիրքերուն եւ Սաղմոսներուն մէջ իմ մասիս գրուածները։

ԳՈՐԾՔ ԱՌԱՔԵԼՈՑ 10:43

Բոլոր մարգարէները անոր մասին կը վկայեն, թէ անոր հաւատացողները իրենց մեղքերուն թողութիւն պիտի ստանան անոր անունով։

ԳՈՐԾՔ ԱՌԱՔԵԼՈՑ 28:23

Յետոյ ժամադրուեցան անոր հետ, եւ որոշուած օրը աւելի մեծ թիւով եկան անոր բնակած տունը։ Եւ Պօղոս առտուընէ մինչեւ իրիկուն անոնց խօսեցաւ Աստուծոյ արքայութեան մասին, եւ Մովսէսի Օրէնքէն ու մարգարէներէն վկայութիւններ բերելով՝ կը փորձէր զանոնք համոզել որ հաւատան Յիսուսի։

ԳՈՐԾՔ ԱՌԱՔԵԼՈՑ 3:18

բայց Աստուած այդպիսով կատարեց այն՝ ինչ որ կանուխէն յայտնած էր բոլոր մարգարէներուն բերնով՝ իր Օծեալին չարչարուելուն մասին։

ԳՈՐԾՔ ԱՌԱՔԵԼՈՑ 3:21

որ երկինքի մէջ պիտի մնայ, մինչեւ գայ ժամանակը՝ երբ ամէն ինչ պիտի վերանորոգուի, այնպէս՝ ինչպէս Աստուած սկիզբէն ի վեր յայտնեց իր սուրբ մարգարէներուն բերնով։

ԳԱՂԱՏԱՑԻՍ 6:2

Իրարու բեռը վերցուցէք, եւ այդպիսով կատարեցէք Քրիստոսի սիրոյ օրէնքը։

ԵՓԵՍԱՑԻՍ 2:20

Մասերն էք այն մեծ կառոյցին, որուն հիմը առաքեալներն ու մարգարէներն են, եւ որուն անկիւնաքարը ինք՝ Քրիստոս Յիսուս է։

ԵՓԵՍԱՑԻՍ 3:5

Այդ ծրագիրը Աստուած չյայտնեց մարդկութեան նախորդ սերունդներուն այնպէս՝ ինչպէս հիմա Սուրբ Հոգիին միջոցաւ յայտնեց իր սուրբ առաքեալներուն եւ մարգարէներուն։

ԱՌԱՋԻՆ ՏԻՄՈԹԷՈՍ 6:14

որ այս պատուիրանները պահես զգուշութեամբ եւ հաւատարմօրէն, մինչեւ որ մեր Տէրը Յիսուս Քրիստոս երկրորդ անգամ յայտնուի։

ԵՐԿՐՈՐԴ ՊԵՏՐՈՍԻ 2:21

Աւելի լաւ կ՚ըլլար՝ որ անոնք բնաւ ճանչցած չըլլային արդարութեան ճամբան, քան թէ ճանչնալէ ետք՝ հեռանային իրենց աւանդուած սուրբ պատուիրանէն։

ԵՐԿՐՈՐԴ ՊԵՏՐՈՍԻ 3:15

Եւ Տիրոջ համբերատարութիւնը փրկութիւն համարեցէք ձեզի համար, ինչպէս մեր սիրելի եղբայրը՝ Պօղոս ալ գրեց ձեզի, Աստուծմէ իրեն շնորհուած իմաստութեամբ։

ԵՐԿՐՈՐԴ ՊԵՏՐՈՍԻ 3:16

Անիկա նոյն այս բաներուն մասին խօսած է իր բոլոր նամակներուն մէջ ալ։ Այդ նամակներուն մէջ կարգ մը դժուար հասկնալի մասեր կան, որոնց իմաստը չարափոխումի կ՚ենթարկուի տգէտ եւ փոփոխամիտ մարդոց կողմէ։ Անոնք միւս Սուրբ գիրքերը եւս կը չարափոխեն, իրենց սեփական կորուստը պատրաստելով։

ԱՌԱՋԻՆ ՅՈՎՀԱՆՆՈՒ 4:6

Մինչդեռ մենք Աստուծոյ կը պատկանինք. ով որ զԱստուած կը ճանչնայ՝ մտիկ կ՚ընէ մեզ. իսկ ով որ Աստուծոյ չի պատկանիր՝ մտիկ չ՚ըներ մեզ։ Ահա այսպէ՛ս է որ կը զանազանենք ճշմարտութեան հոգին եւ խաբէութեան հոգին։

ՅՈՒԴԱՅԻ 1:17

Բայց դուք, սիրելինե՛ր, յիշեցէք այն՝ ինչ որ մեր Տիրոջ Յիսուս Քրիստոսի բոլոր առաքեալները կանուխէն յայտնեցին ձեզի,

ՅԱՅՏՆՈՒԹԻՒՆ 19:10

Ես անոր ոտքերուն առջեւ ինկայ՝ երկրպագելու համար իրեն, բայց անիկա ըսաւ ինծի. –Զգո՜յշ, մի՛ երկրպագեր ինծի, որովհետեւ ես ալ ծառայակից եմ քեզի եւ եղբայրներուդ, որոնք Յիսուսի համար վկայութիւն կու տան։ Միայն Աստուծոյ երկրպագէ։ Որովհետեւ Յիսուսի մասին վկայելն է բուն մարգարէութեան հոգին։