ԵՐԿՐՈՐԴ ՊԵՏՐՈՍԻ 3:16 - Western Armenian New Translation - Armenian Catholicosate of Cilicia - New Testament

¹⁶ Անիկա նոյն այս բաներուն մասին խօսած է իր բոլոր նամակներուն մէջ ալ։ Այդ նամակներուն մէջ կարգ մը դժուար հասկնալի մասեր կան, որոնց իմաստը չարափոխումի կ՚ենթարկուի տգէտ եւ փոփոխամիտ մարդոց կողմէ։ Անոնք միւս Սուրբ գիրքերը եւս կը չարափոխեն, իրենց սեփական կորուստը պատրաստելով։

Արեւմտահայերէն Նոր Կտակարան հարմարցուած․ 2017

¹⁶ ինչպէս բոլոր թուղթերուն մէջ ալ այս բաներուն վրայով կը խօսի. որոնց մէջ քանի մը դժուարիմաց խօսքեր կը գտնուին, որոնք տգէտներն ու անհաւատները ծուռ կը մեկնեն, ինչպէս ուրիշ գրքեր ալ՝ իրենց անձին կորուստին համար։

Western Armenian Bible 1853

¹⁶ Ինչպէս բոլոր թուղթերուն մէջ ալ այս բաներուն վրայով կը խօսի. որոնց մէջ քանի մը դժուարիմաց խօսքեր կը գտնուին, որոնք տգէտներն ու անհաւատները ծուռ կը մեկնեն, ինչպէս ուրիշ գրքեր ալ՝ իրենց անձին կորուստին համար։

ԵՐԿՐՈՐԴ ՊԵՏՐՈՍԻ 3:16 Iomraidhean Croise

ՄԱՏԹԷՈՍ 15:3

Յիսուս անոնց պատասխանեց. – Իսկ դո՞ւք ինչու կ՚անտեսէք Աստուծոյ պատուիրանը՝ ձեր աւանդութիւնը պահելու համար։

ՄԱՏԹԷՈՍ 15:6

Մինչ դուք կ՚ըսէք. - «Ով որ իր հօր կամ մօր ըսէ՝ «Այն օգնութիւնը որ ինձմէ պիտի ստանայիր՝ Աստուծոյ նուիրուած է», պարտաւոր չէ՛ յարգելու իր հայրն ու մայրը»։ Ահա այսպիսով դուք Աստուծոյ խօսքը կ՚անարգէք՝ ձեր աւանդութիւնը պահելու համար։

ՄԱՏԹԷՈՍ 22:29

Յիսուս պատասխանեց. – Մոլորածներ էք, որովհետեւ չէք հասկնար ո՛չ Սուրբ գիրքերը եւ ո՛չ ալ Աստուծոյ զօրութիւնը։

ՓԻԼԻՊՊԵՑԻՍ 3:19

Անոնց վերջը կորուստ է, որովհետեւ իրենց Աստուածը իրենց փորն է։ Ամօթալի բաներով կը հպարտանան եւ միայն երկրաւոր բաներու մասին կը խորհին։

ԵԲՐԱՅԵՑԻՍ 5:11

Այդ մասին մենք շատ ըսելիք ունինք, բայց կը դժուարանանք զանոնք բառերով բացատրելու, որովհետեւ ձեր ականջներն ու միտքերը բթացեր են։

ՅԱԿՈԲՈՒ 1:8

որովհետեւ երկմիտ մարդը իր բոլոր քայլերուն մէջ անհաստատ է։

ԱՌԱՋԻՆ ՊԵՏՐՈՍԻ 1:1

Ես՝ Պետրոս, Յիսուս Քրիստոսի առաքեալը, կը գրեմ Աստուծոյ ընտրեալներուդ, որ պանդուխտներու պէս կ՚ապրիք Պոնտոս, Գաղատիա, Կապադովկիա, Ասիա եւ Բիւթանիա նահանգներու տարածքին։

ԱՌԱՋԻՆ ՊԵՏՐՈՍԻ 2:8

կամ՝ «Այն քարն է, որ գլորումի եւ գայթակղութեան առիթ» պիտի ըլլայ անոնց համար՝ որոնք Աստուծոյ խօսքը անհամոզիչ գտնելով կը գայթակղին, ինչպէս որ Աստուած նախատեսած էր։

ԵՐԿՐՈՐԴ ՊԵՏՐՈՍԻ 2:1

Բայց անցեալին սուտ մարգարէներ ալ կը յայտնուէին ժողովուրդին մէջ, ինչպէս հիմա եւս սուտ ուսուցիչներ պիտի յայտնուին, որոնք կորստաբեր վարդապետութիւններ պիտի սպրդեցնեն ձեր մէջ, ուրանալով Տէրը որ փրկեց զիրենք, եւ արագահաս կորուստի մատնելով իրենք զիրենք։

ԵՐԿՐՈՐԴ ՊԵՏՐՈՍԻ 2:14

Իրենց աչքերը շնացող կիներ միայն կը փնտռեն եւ չեն յագենար մեղք գործելէ։ Այդ անիծեալները տկար մարդիկ կը փնտռեն՝ խաբելու համար, եւ իրենց խելքն ու միտքը դրամ դիզելն է։

ԵՐԿՐՈՐԴ ՊԵՏՐՈՍԻ 3:14

Հետեւաբար, սիրելիներ, դուք՝ որ այս բաներուն կը սպասէք, ջանացէք անբիծ եւ անարատ ըլլալ Աստուծոյ աչքին, եւ խաղաղութեամբ ապրիլ։

ԵՐԿՐՈՐԴ ՊԵՏՐՈՍԻ 3:2

Որպէսզի յիշէք այն պատգամները որ սուրբ մարգարէները կանուխէն խօսեցան, ինչպէս նաեւ մեր Տիրոջ եւ Փրկչին պատուէրը, որ ձեր առաքեալները ձեզի փոխանցեցին։

ՅՈՒԴԱՅԻ 1:4

Որովհետեւ կարգ մը անձեր սպրդեցան եւ հաւատացեալներու շարքերուն մէջ մտան։ Անհաւատ այդ մարդիկը մեր Աստուծոյ շնորհքը պատմող Աւետարանը չարափոխելով՝ իրենց անբարոյ ընթացքին պատշաճեցուցին, մերժելով իբրեւ միակ եւ ամենիշխան Տէր ճանչնալ Յիսուս Քրիստոսը։ Այդպիսիներուն ստանալիք դատապարտութիւնը կանուխէն գրուած է Սուրբ գիրքերուն մէջ։