ԵՐԿՐՈՐԴ ՊԵՏՐՈՍԻ 2:9 - Western Armenian New Translation - Armenian Catholicosate of Cilicia - New Testament

⁹ Եւ այսպէս, Տէրը գիտէ աստուածապաշտները փրկել իրենց փորձութիւններէն։ Իսկ անիրաւները կը պահէ՝ դատաստանի օրուան տանջանքներուն մատնելու համար։

Արեւմտահայերէն Նոր Կտակարան հարմարցուած․ 2017

⁹ Տէրը գիտէ բարեպաշտները փորձութենէ ազատել եւ անիրաւները տանջանքի համար դատաստանի օրուան պահել։

Western Armenian Bible 1853

⁹ Տէրը գիտէ բարեպաշտները փորձութենէ ազատել եւ անիրաւները տանջանքի համար դատաստանի օրուան պահել։

ԵՐԿՐՈՐԴ ՊԵՏՐՈՍԻ 2:9 Iomraidhean Croise

ՄԱՏԹԷՈՍ 10:15

Գիտցէք, որ Դատաստանի օրը Սոդոմի եւ Գոմորի բնակիչներուն պատիժը աւելի թեթեւ պիտի ըլլայ, քան թէ այդ քաղաքինը։ –

ՄԱՏԹԷՈՍ 6:13

Եւ թոյլ մի՛ տար Խոր փորձութեան մէջ իյնանք. այլ մեզ չարէն ազատէ՛։ Որովհետեւ քուկդ են միշտ արքայութիւնը, զօրութիւնը եւ փառքը. ամէն։

ՀՌՈՎՄԱՅԵՑԻՍ 2:5

Քու կարծրութեամբդ եւ չզղջացող սրտովդ միայն բարկութիւն է որ կը դիզես քեզի համար, երբ բարկութեան օրը գայ եւ Աստուծոյ արդար դատաստանը յայտնուի։

ԱՌԱՋԻՆ ԿՈՐՆԹԱՑԻՍ 10:13

Ձեր կրած փորձութիւնները մարդկային սահմաններէն դուրս փորձութիւններ չեն։ Բայց վստահեցէ՛ք Աստուծոյ. անիկա թոյլ պիտի չտայ որ ձեր կարողութենէն աւելի փորձուիք, այլ՝ փորձութեան մէջ իսկ ցոյց պիտի տայ զայն յաղթահարելու միջոցը, որպէսզի կարենաք տոկալ։

ԵՐԿՐՈՐԴ ՏԻՄՈԹԷՈՍ 3:12

Նոյնպէս, բոլոր անոնք որոնք կ՚ուզեն աստուածպաշտութեամբ Քրիստոս Յիսուսի միացած ապրիլ, անպայման հալածանքներու պիտի ենթարկուին։

ՏԻՏՈՍԻՆ 2:14

Որովհետեւ Քրիստոս իր անձը տուաւ մեզի համար, որպէսզի մեզ ազատէ մեր բոլոր անօրէնութիւններէն, եւ մեզ մաքրելով՝ իր սեփական ժողովուրդը դարձնէ, բարի գործերու նախանձախնդիր։

ԵՐԿՐՈՐԴ ՊԵՏՐՈՍԻ 2:4

Որովհետեւ Աստուած մեղանչած հրեշտակներուն իսկ չխնայեց, այլ՝ զանոնք տարտարոս նետել տուաւ, ուր խաւարին կապանքներով կապուած՝ կը պահուին մինչեւ դատաստանի օրը։

ԵՐԿՐՈՐԴ ՊԵՏՐՈՍԻ 3:7

Նոյնպէս ալ, երկինքն ու երկիրը Աստուծոյ նոյն խօսքով կը պահուին՝ կրակին համար, այսինքն՝ դատաստանի օրուան, երբ ամբարիշտ մարդիկը կորուստի պիտի մատնուին։

ՅՈՒԴԱՅԻ 1:6

Յիշեցէ՛ք նոյնպէս, թէ ի՛նչպէս վարուեցաւ այն հրեշտակներուն հետ, որոնք իրենց տրուած իշխանութեամբ չգոհանալով՝ իրենց սահմաններէն դուրս եկան, եւ Աստուած զանոնք մշտնջենական շղթաներով կապուած կը պահէ խաւարին մէջ, մինչեւ որ դատաստանի մեծ օրը գայ։

ՅԱՅՏՆՈՒԹԻՒՆ 3:10

Եւ որովհետեւ պահած ես իմ խօսքս, որով համբերել սորվեցար, ես ալ քեզ պիտի պահեմ այն փորձութեան ժամուն, որ պիտի գայ ամբողջ տիեզերքին վրայ՝ փորձելու համար երկրի երեսին գտնուող բոլոր բնակիչները։