ԵՐԿՐՈՐԴ ՊԵՏՐՈՍԻ 2:2 - Western Armenian New Translation - Armenian Catholicosate of Cilicia - New Testament

² Շատեր պիտի հետեւին անոնց անառակութիւններուն, որով պատճառ պիտի դառնան որ ճշմարտութեան ճամբան անարգուի։

Արեւմտահայերէն Նոր Կտակարան հարմարցուած․ 2017

² Շատեր անոնց կորստական ընթացքներուն ետեւէն պիտի երթան, որոնց համար ճշմարտութեան ճամբուն պիտի հայհոյեն.

Western Armenian Bible 1853

² Շատեր անոնց կորստական ընթացքներուն՝ ՝ ետեւէն պիտի երթան, որոնց համար ճշմարտութեան ճամբուն պիտի հայհոյեն.

ԵՐԿՐՈՐԴ ՊԵՏՐՈՍԻ 2:2 Iomraidhean Croise

ՄԱՏԹԷՈՍ 22:16

Եւ Յիսուսի ղրկեցին իրենց աշակերտներէն ոմանք, Հերովդէսի կողմնակիցներուն հետ միասին։ Ասոնք ըսին Յիսուսի. – Վարդապե՛տ, գիտենք որ ճշմարտախօս ես եւ ճշմարտութեամբ Աստուծոյ կամքը կ՚ուսուցանես՝ առանց հոգ ընելու թէ ուրիշներ ինչ կ՚ըսեն, որովհետեւ աչառութիւն չես ըներ։

ՄԱՏԹԷՈՍ 24:24

որովհետեւ սուտ քրիստոսներ եւ սուտ մարգարէներ պիտի ելլեն եւ մեծ հրաշքներ ու նշաններ կատարեն՝ որպէսզի մոլորեցնեն, եթէ կարենան, նոյնիսկ Աստուծոյ ընտրեալները։

ՄԱՏԹԷՈՍ 7:14

Մինչ դէպի կեանք տանող դուռը նեղ է եւ ճամբան դժուարին, եւ քիչեր միայն կը գտնեն զայն։

ՄԱՐԿՈՍ 12:14

Անոնք նենգամըտաբար հարցուցին Յիսուսի. – Վարդապե՛տ, գիտենք որ ճշմարտախօս մէկն ես եւ բնաւ հոգ չես ըներ թէ ուրիշներ ի՛նչ կ՚ըսեն, որովհետեւ աչառութիւն չես ըներ, այլ ճշմարտութեամբ Աստուծոյ կամքը կ՚ուսուցանես։ Արդ, ըսէ՛ մեզի, մեր Օրէնքին համաձայն պէ՞տք է կայսրին տուրք տանք, թէ ոչ։ Տա՞նք թէ չտանք։

ՄԱՐԿՈՍ 13:22

որովհետեւ սուտ քրիստոսներ եւ սուտ մարգարէներ պիտի յայտնուին եւ նշաններ ու հրաշքներ կատարելով՝ պիտի մոլորեցնեն, եթէ կարենան, նոյնիսկ Աստուծոյ ընտրեալները։

ՅՈՎՀԱՆՆՈԻ 14:6

Յիսուս պատասխանեց անոր. – Ե՛ս եմ ճամբան, ճշմարտութիւնը եւ կեանքը։ Միայն ինձմով կարելի է Հօրս երթալ։

ԳՈՐԾՔ ԱՌԱՔԵԼՈՑ 13:10

եւ ըսաւ. –Ո՛վ դուն՝ նենգ եւ խորամանկ, Սատանայի՛ որդի, արդարութեա՛ն թշնամի. Տիրոջ ուղիղ ճամբաները խեղաթիւրելէ պիտի չդադրի՞ս։

ԳՈՐԾՔ ԱՌԱՔԵԼՈՑ 14:2

Բայց անոնց քարոզութիւնը չընդունող Հրեաները հեթանոսներու միտքը պղտորեցին եւ հաւատացող եղբայրներուն դէմ գրգռեցին զանոնք։

ԳՈՐԾՔ ԱՌԱՔԵԼՈՑ 16:17

Այս կինը Պօղոսի եւ մեր ետեւէն գալով՝ կ՚աղաղակէր եւ կ՚ըսէր. –Այս մարդիկը Բարձրեալ Աստուծոյ ծառաներն են, որոնք փրկութեան ճամբան կը քարոզեն ձեզի։

ԳՈՐԾՔ ԱՌԱՔԵԼՈՑ 18:26

Անիկա սկսաւ համարձակ կերպով խօսիլ ժողովարանին մէջ։ Երբ Ակիլաս եւ Պրիսկիլա լսեցին իր քարոզութիւնը, զայն իրենց քով առին եւ աւելի ճիշդ ձեւով իրեն պարզեցին Աստուծոյ ճամբան։

ԳՈՐԾՔ ԱՌԱՔԵԼՈՑ 19:9

Սակայն երբ անոնցմէ ոմանք սկսան յամառօրէն հակաճառել եւ բազմութեան դիմաց վարկաբեկել Տիրոջ վարդապետութիւնը, Պօղոս ժողովարանէն քաշուեցաւ եւ Տիրոջ աշակերտածներն ալ միասին տարաւ, եւ ամէն օր կը խօսէր անոնց, Տիրան անունով մէկու մը դպրոցին մէջ։

ԳՈՐԾՔ ԱՌԱՔԵԼՈՑ 22:4

Ա՛յնքան նախանձախնդիր էի, որ այս վարդապետութեան հետեւողները հալածեցի մինչեւ մահ, ձերբակալելով եւ բանտ նետել տալով այր թէ կին,

ԳՈՐԾՔ ԱՌԱՔԵԼՈՑ 24:14

Կը վստահեցնեմ քեզ, որ ես ալ մեր հայրենի Աստուածը կը պաշտեմ, բայց նոր ուղղութեամբ մը՝ որ իրենք «աղանդ» կը կոչեն։ Կը հաւատամ այն բոլորին որ գրուած են Օրէնքին եւ մարգարէութեանց մէջ,

ՀՌՈՎՄԱՅԵՑԻՍ 2:24

Արդարեւ, «Ձեր պատճառով հեթանոսներ Աստուծոյ անունը կ՚անարգեն», ինչպէս գրուած է։

ԱՌԱՋԻՆ ՏԻՄՈԹԷՈՍ 5:14

Հետեւաբար, կ՚ուզեմ որ երիտասարդ այրիները ամուսնանան, զաւակներ ծնանին, տուն պահեն, եւ ոեւիցէ առիթ չտան որ Հակառակորդը չարախօսէ.

ՏԻՏՈՍԻՆ 2:5

ըլլալ համեստ, անբիծ, տնաշէն, բարի, եւ իրենց ամուսիններուն հնազանդ, որպէսզի պատճառ չըլլան որ Աստուծոյ խօսքը անարգուի։

ՏԻՏՈՍԻՆ 2:8

Միշտ ողջմտութեամբ խօսէ, պարսաւանքի տեղի չտալու համար, որպէսզի ոեւէ հակառակորդ ամօթով մնայ եւ մեր մասին չարախօսելիք բան չունենայ։

ԱՌԱՋԻՆ ՊԵՏՐՈՍԻ 2:12

Նայեցէք որ պարկեշտ կենցաղ ունենաք հեթանոսներուն մէջ, որպէսզի իրենք, որ ձեզ կը բամբասեն իբրեւ չարագործ, ձեր բարի գործերը տեսնելով՝ փառաւորեն զԱստուած, իր Գալստեան Օրը։

ԵՐԿՐՈՐԴ ՊԵՏՐՈՍԻ 2:12

Բայց ասոնք իրենց չհասկցած բաները կ՚անարգեն. եւ ինչպէս իրենց բնազդներուն հետեւող անբան անասունները որսացուելով սպաննուելու սահմանուած են, այդպէս պիտի կորսուին իրենք ալ, անասուններու պէս.

ԵՐԿՐՈՐԴ ՊԵՏՐՈՍԻ 2:15

Ուղիղ ճամբան ձգելով՝ մոլորած են, հետեւելով Բէորի որդի Բաղաամի օրինակին, որ ուզեց անիրաւութեամբ դրամ շահիլ,

ԵՐԿՐՈՐԴ ՊԵՏՐՈՍԻ 2:18

Որովհետեւ իմաստէ զուրկ մեծ–մեծ խօսքերով եւ մարմնական անառակ ցանկութիւններ գրգռելով՝ կը մոլորեցնեն անոնք, որոնք հազիւ փախած էին ուրիշ մոլորութեանց մէջ ապրող մարդոցմէ։

ԵՐԿՐՈՐԴ ՊԵՏՐՈՍԻ 2:21

Աւելի լաւ կ՚ըլլար՝ որ անոնք բնաւ ճանչցած չըլլային արդարութեան ճամբան, քան թէ ճանչնալէ ետք՝ հեռանային իրենց աւանդուած սուրբ պատուիրանէն։

ԵՐԿՐՈՐԴ ՊԵՏՐՈՍԻ 2:7

Իսկ Ղովտը, որ արդար էր եւ զզուած՝ անոնց անբարոյ եւ անառակ կենցաղէն, փրկեց,

ՅՈՒԴԱՅԻ 1:10

Մինչդեռ այս մարդիկը իրենց չգիտցած բաները կ՚անարգեն։ Իրենց ամբողջ գիտցածը՝ իրենց բնազդական ցանկութիւններն են, որոնց կը հետեւին անբան անասուններու պէս, եւ որոնք իրենց կործանումին պատճառ պիտի ըլլան։

ՅՈՒԴԱՅԻ 1:15

դատաստանի ենթարկելու համար զանոնք բոլորը, դատապարտելու համար զանոնք իրենց գործած բոլոր ամբարիշտ գործերուն եւ լիրբ արտայայտութիւններուն համար, որ անոնք՝ այդ անհաւատ մեղաւորները արտաբերեցին իրեն դէմ»։

ՅՈՒԴԱՅԻ 1:4

Որովհետեւ կարգ մը անձեր սպրդեցան եւ հաւատացեալներու շարքերուն մէջ մտան։ Անհաւատ այդ մարդիկը մեր Աստուծոյ շնորհքը պատմող Աւետարանը չարափոխելով՝ իրենց անբարոյ ընթացքին պատշաճեցուցին, մերժելով իբրեւ միակ եւ ամենիշխան Տէր ճանչնալ Յիսուս Քրիստոսը։ Այդպիսիներուն ստանալիք դատապարտութիւնը կանուխէն գրուած է Սուրբ գիրքերուն մէջ։

ՅՈՒԴԱՅԻ 1:7

Յիշեցէ՛ք նաեւ Սոդոմն եւ Գոմորը եւ շրջակայ քաղաքները, որոնց բնակիչները նոյնպէս Աստուծոյ անհնազանդ գտնուեցան եւ անբնական կիրքերու եւ պոռնկութեան անձնատուր եղան, եւ հիմա յաւիտենական կրակի դատապարտութիւնը կը կրեն՝ իբրեւ օրինակ բոլորին։

ՅԱՅՏՆՈՒԹԻՒՆ 12:9

Մեծ վիշապը, այն առաջին օձը, որ Բանսարկու եւ Սատանայ կը կոչուի եւ որ ամբողջ աշխարհը մոլորեցուց, երկիր ձգուեցաւ։ Անոր հրեշտակներն ալ միասին վար ձգուեցան։

ՅԱՅՏՆՈՒԹԻՒՆ 13:14

Անիկա իր կատարած հրաշքներով երկրի բոլոր բնակիչները մոլորեցուց առաջին գազանին դիմաց, անոնց ըսելով՝ որ կանգնեն արձանը գազանին, որ սուրով վիրաւորուեցաւ, բայց բուժուեցաւ։

ՅԱՅՏՆՈՒԹԻՒՆ 13:8

Եւ անոր պիտի երկրպագեն երկրի բոլոր բնակիչները, անոնք՝ որոնց անունը աշխարհի ստեղծագործութենէն սկսեալ չէ գրուած մորթուած Գառնուկին պատկանող կեանքի գիրքին մէջ։