ԵՐԿՐՈՐԴ ՊԵՏՐՈՍԻ 2:14 - Western Armenian New Translation - Armenian Catholicosate of Cilicia - New Testament

¹⁴ Իրենց աչքերը շնացող կիներ միայն կը փնտռեն եւ չեն յագենար մեղք գործելէ։ Այդ անիծեալները տկար մարդիկ կը փնտռեն՝ խաբելու համար, եւ իրենց խելքն ու միտքը դրամ դիզելն է։

Արեւմտահայերէն Նոր Կտակարան հարմարցուած․ 2017

¹⁴ շնութեամբ լեցուն աչքեր ունին, որ մեղքէ չեն դադարիր. անհաստատ հոգիները կը խաբեն. ագահութեան վարժուած սրտեր ունին եւ անիծեալ զաւակներ են։

Western Armenian Bible 1853

¹⁴ Շնութեամբ լեցուն աչքեր ունին, որ մեղքէ չեն դադարիր. անհաստատ հոգիները կը խաբեն. ագահութեան վարժուած սրտեր ունին եւ անիծեալ զաւակներ են։

ԵՐԿՐՈՐԴ ՊԵՏՐՈՍԻ 2:14 Iomraidhean Croise

ՄԱՏԹԷՈՍ 12:34

Իժերո՛ւ ծնունդներ, ի՞նչպէս կրնաք լաւ բաներ խօսիլ, երբ դուք չար էք, քանի բերանը սրտին մէջ եղածն է որ կը խօսի։

ՄԱՏԹԷՈՍ 23:14

Վա՜յ ձեզի, կեղծաւորնե՛ր, Օրէնքի ուսուցիչներ եւ Փարիսեցիներ, որ մէկ կողմէ այրիներուն տուները իրենց ձեռքէն կը յափշտակէք, միւս կողմէ կեղծաւորութեամբ ձեր աղօթքը կ՚երկարէք. ասոր համար աւելի խիստ դատապարտութիւն պիտի ընդունիք։

ՄԱՏԹԷՈՍ 25:41

Ապա իր ձախ կողմը կեցողներուն պիտի ըսէ. «Անիծեալնե՛ր, հեռացէ՛ք ինձմէ, գացէ՛ք յաւիտենական կրակին մէջ, որ Սատանային եւ անոր հրեշտակներուն համար պատրաստուած է։

ՄԱՏԹԷՈՍ 5:28

Իսկ ես կ՚ըսեմ ձեզի, թէ ո՛վ որ ցանկութեամբ նայի ոեւէ կնոջ՝ արդէն իսկ իր սիրտին մէջ շնութիւն ըրած կ՚ըլլայ անոր հետ։

ՄԱՐԿՈՍ 13:22

որովհետեւ սուտ քրիստոսներ եւ սուտ մարգարէներ պիտի յայտնուին եւ նշաններ ու հրաշքներ կատարելով՝ պիտի մոլորեցնեն, եթէ կարենան, նոյնիսկ Աստուծոյ ընտրեալները։

ՅՈՎՀԱՆՆՈԻ 5:44

Ինչպէ՞ս ինծի պիտի հաւատաք, երբ դուք իրարմէ փառաբանութիւն կ՚ընդունիք, եւ չէք փնտռեր այն փառաբանութիւնը որ կու գայ միակ Աստուծմէ։

ՀՌՈՎՄԱՅԵՑԻՍ 16:18

որովհետեւ այդպիսիները մեր Տիրոջ՝ Քրիստոսի չէ որ կը ծառայեն, այլ՝ իրենց որովայնին, քաղցր խօսքերով ու կեղծ գովասանքներով պարզամիտները խաբելով։

ԱՌԱՋԻՆ ԿՈՐՆԹԱՑԻՍ 11:19

Անշուշտ որ պառակտումներ պիտի ըլլան ձեր մէջ, որպէսզի անով յայտնուին՝ թէ ձեզմէ որոնք են իսկական ընտրեալները։

ԵՓԵՍԱՑԻՍ 2:3

Ժամանակ մը մենք բոլորսալ նոյնպէս անհնազանդ էինք եւ մարդկային բնութեան յատուկ ցանկութիւններով կ՚ապրէինք՝ մեր մարմինին ու մտքին բոլոր փափաքները կատարելով, եւ իրապէս Աստուծոյ պատիժին արժանի էինք, միւսներուն պէս։

ԵՓԵՍԱՑԻՍ 4:14

Որպէսզի ասկէ ետք չնմանինք երեխաներու, որոնք ալիքներու հետ կը տարուբերին եւ զանազան վարդապետութեանց հովերէն կը քշուին խաբեբայ մարդոց կողմէ, որոնք խորամանկ հնարքներով կը խաբեն ու կը մոլորեցնեն։

ԿՈՂՈՍԱՑԻՍ 2:18

Չըլլա՛յ որ ոեւէ մէկը իր կեղծ խոնարհութեամբ, հրեշտակներուն ընծայուած պաշտամունքով եւ զանազան տեսիլքներով ձեզ մոլորեցնէ եւ մրցանակէն զրկէ. որովհե— տեւ այդպիսիները մարդկային հպարտութենէ տարուած են եւ կ՚ուզեն իրենք զիրենք պարտադրել ձեզի։

ՅԱԿՈԲՈՒ 1:8

որովհետեւ երկմիտ մարդը իր բոլոր քայլերուն մէջ անհաստատ է։

ԵՐԿՐՈՐԴ ՊԵՏՐՈՍԻ 2:18

Որովհետեւ իմաստէ զուրկ մեծ–մեծ խօսքերով եւ մարմնական անառակ ցանկութիւններ գրգռելով՝ կը մոլորեցնեն անոնք, որոնք հազիւ փախած էին ուրիշ մոլորութեանց մէջ ապրող մարդոցմէ։

ԵՐԿՐՈՐԴ ՊԵՏՐՈՍԻ 2:3

Ընչաքաղցութենէ մղուած՝ պիտի շահագործեն ձեզ իրենց շինծու խօսքերով. բայց անոնց դատապարտութիւնը սկիզբէն իսկ յայտնի է, անոնց կորուստը պիտի չուշանայ։

ԵՐԿՐՈՐԴ ՊԵՏՐՈՍԻ 3:16

Անիկա նոյն այս բաներուն մասին խօսած է իր բոլոր նամակներուն մէջ ալ։ Այդ նամակներուն մէջ կարգ մը դժուար հասկնալի մասեր կան, որոնց իմաստը չարափոխումի կ՚ենթարկուի տգէտ եւ փոփոխամիտ մարդոց կողմէ։ Անոնք միւս Սուրբ գիրքերը եւս կը չարափոխեն, իրենց սեփական կորուստը պատրաստելով։

ԱՌԱՋԻՆ ՅՈՎՀԱՆՆՈՒ 2:16

Որովհետեւ աշխարհին յատուկ բաներն են՝ մարմինի ցանկութիւնը, աչքին տեսածը ունենալու ցանկութիւնը եւ երկրաւոր ինչքերով հպարտանալը, որոնք Հօրմէն չեն գար, այլ՝ այս աշխարհէն։

ՅՈՒԴԱՅԻ 1:11

Վա՜յ անոնց, որոնք Կայէնի գացած ճամբով գացին։ Դրամի սիրոյն՝ մոլորութեան մէջ ինկան, Բաղաամին պէս, եւ իրենց ապստամբութեան համար ալ պիտի կորսուին, Կորխին պէս։

ՅԱՅՏՆՈՒԹԻՒՆ 12:9

Մեծ վիշապը, այն առաջին օձը, որ Բանսարկու եւ Սատանայ կը կոչուի եւ որ ամբողջ աշխարհը մոլորեցուց, երկիր ձգուեցաւ։ Անոր հրեշտակներն ալ միասին վար ձգուեցան։