ԵՐԿՐՈՐԴ ՊԵՏՐՈՍԻ 1:4 - Western Armenian New Translation - Armenian Catholicosate of Cilicia - New Testament

⁴ Անիկա թանկագին ու մեծամեծ խոստումներ տուաւ մեզի, որպէսզի անոնցմով հաղորդակից ըլլանք աստուածային բնութեան, ձերբազատուելով աշխարհի մէջ տիրող կորստաբեր ցանկութիւններէն։

Արեւմտահայերէն Նոր Կտակարան հարմարցուած․ 2017

⁴ որոնցմով ամենամեծ ու պատուական խոստումներ տրուած են մեզի, որպէս զի ասնոցմով աստուածային բնութեանը հաղորդակցինք՝ աշխարհի ցանկութենէն յառաջ եկած ապականութենէն փախչելով։

Western Armenian Bible 1853

⁴ Որոնցմով ամենամեծ ու պատուական խոստումներ տրուած են մեզի, որպէս զի ասնոցմով աստուածային բնութեանը հաղորդակցինք՝ աշխարհի ցանկութենէն յառաջ եկած ապականութենէն փախչելով։

ԵՐԿՐՈՐԴ ՊԵՏՐՈՍԻ 1:4 Iomraidhean Croise

ՀՌՈՎՄԱՅԵՑԻՍ 9:4

որոնք Իսրայէլացի են, եւ իրենցն են՝ թէ՛ Աստուծոյ որդիներ ըլլալու փառքը, թէ՛ Ուխտին գիրքերը, թէ՛ օրէնսդրութիւնը, թէ՛ պաշտամունքը եւ թէ՛ խոստումները։

ԵՐԿՐՈՐԴ ԿՈՐՆԹԱՑԻՍ 1:20

Արդարեւ, Քրիստոս Աստուծոյ բոլոր խոստումներուն Այոն է։ Ահա թէ ինչու, մենք Քրիստոսը ընդունելով՝ Աստուծոյ Այո–ին «Ամէն» կ՚ըսենք, իր փառքին համար։

ԵՐԿՐՈՐԴ ԿՈՐՆԹԱՑԻՍ 3:18

Եւ մենք բոլորս ալ, որ բաց երեսով Տիրոջ փառքը կ՚արտացոլացնենք հայելիի մը պէս, նոյն այդ պատկերով կը փոխակերպուինք՝ հետզհետէ աճող փառքով մը։ Եւ այդ փոխակերպումը Տիրոջ Հոգին է որ կ՚իրագործէ։

ԵՐԿՐՈՐԴ ԿՈՐՆԹԱՑԻՍ 6:17

Ահա թէ ինչո՛ւ Աստուած կը հրահանգէ մեզի.– «Անջատ եւ հեռո՛ւ կեցէք հեթանոսներէն. պիղծ բաներու մի՛ դպչիք, եւ ես ձեզ պիտի ընդունիմ։

ԳԱՂԱՏԱՑԻՍ 3:16

Արդ, Աստուած խոստումներ տուաւ Աբրահամի եւ անոր զաւակին։ Սուրբ գիրքը չ՚ըսեր՝ «Եւ անոր զաւակներուն», որ բազմաթիւ անձերու ակնարկութիւն պիտի ըլլար, այլ եզակի ձեւով կ՚ըսէ՝ «Եւ քու զաւակիդ»։ Իսկ այդ զաւակը Քրիստոս է։

ԳԱՂԱՏԱՑԻՍ 6:8

Մարդ ինչ որ ցանէ՝ այն կը հնձէ։ Ով որ իր մարմնի անդաստանին մէջ ցանէ՝ մահ պիտի հնձէ իր մարմնէն, իսկ ով որ Սուրբ Հոգիի անդաստանին մէջ ցանէ՝ յաւիտենական կեանք պիտի քաղէ Սուրբ Հոգիէն։

ԵՓԵՍԱՑԻՍ 4:13

մինչեւ բոլորս հասնինք հաւատքի ամբողջական միութեան եւ Աստուծոյ Որդիին ճանաչողութեան. այսինքն՝ մինչեւ հասնինք հաւատքի չափահասութեան, Քրիստոսի կատարեալ նմանութեան։

ԿՈՂՈՍԱՑԻՍ 3:10

եւ նոր մարդ եղէք՝ ձեր Արարիչին պատկերին համաձայն նորոգուելով, որպէսզի կարենաք զինք ճանչնալ։

ԵԲՐԱՅԵՑԻՍ 12:10

Երկրաւորհայրերը մեզ կը խրատեն միայն կարճ ժամանակ մը, իրենց ճիշդ դատած ձեւով, մինչ Աստուած կը խրատէ մեր բարիքին համար, որպէսզի հաղորդակից դառնանք իր սրբութեան։

ԵԲՐԱՅԵՑԻՍ 9:15

Ատով իսկ Քրիստոս Նոր Ուխտին միջնորդը եղաւ, քանի իր մահով քաւեց այն յանցանքները, որոնք առաջին Ուխտի ժամանակաշրջանին գործուեցան, որպէսզի Աստուծոյ կողմէ հրաւիրուած մարդիկը խոստացուած յաւիտենական կեանքը ժառանգեն։

ՅԱԿՈԲՈՒ 1:27

Հօր Աստուծոյ համար անկեղծ եւ իսկական բարեպաշտութիւնը՝ կարօտութեան մէջ եղող որբերուն եւ այրիներուն այցելու եւ օգնական ըլլալն է, եւ աշխարհի մէջ ապրելով հանդերձ՝ ինքզինք անարատ պահելը։

ԵՐԿՐՈՐԴ ՊԵՏՐՈՍԻ 1:1

Ես՝ Սիմոն Պետրոս, Յիսուս Քրիստոսի ծառան եւ առաքեալը, կը գրեմ ձեզի՝ որ մեր Աստուծոյն եւ Փրկչին՝ Յիսուս Քրիստոսի արդար տնօրինութեամբը արժանի եղաք մեզի հետ բաժնելու հաւատքը։

ԵՐԿՐՈՐԴ ՊԵՏՐՈՍԻ 3:13

Բայց մենք՝ Աստուծոյ խոստումին համաձայն՝ կը սպասենք նոր երկինքի մը եւ նոր երկրի մը, ուր արդարութիւնը պիտի իշխէ։

ԵՐԿՐՈՐԴ ՊԵՏՐՈՍԻ 3:9

Տէրը չ՚ուշացներ իր խոստումին կատարումը, այնպէս՝ ինչպէս ոմանք կը հասկնան ուշացումը։ Տէրը պարզապէս համբերատարութիւն ցոյց կու տայ ձեզի հանդէպ, որովհետեւ չ՚ուզեր որ ոեւէ մէկը կորսուի, այլ՝ կ՚ուզէ որ բոլորն ալ ապաշխարելու առիթ ունենան։

ԱՌԱՋԻՆ ՅՈՎՀԱՆՆՈՒ 2:25

Եւ ասիկա նոյնինքն յաւիտենական կեանքն է, որ Քրիստոս մեզի տալ խոստացաւ։

ԱՌԱՋԻՆ ՅՈՎՀԱՆՆՈՒ 3:2

Սիրելինե՛ր, այժմ Աստուծոյ որդիներ ենք։ Թէ ի՛նչպէս պիտի ըլլանք յետոյ՝ տակաւին չենք գիտեր։ Բայց գիտենք թէ՝ երբ Քրիստոս յայտնուի՝ իրեն նման պիտի ըլլանք, որովհետեւ զինք պիտի տեսնենք իր իսկութեան մէջ։