ԵՐԿՐՈՐԴ ՊԵՏՐՈՍԻ 1:1 - Western Armenian New Translation - Armenian Catholicosate of Cilicia - New Testament

¹ Ես՝ Սիմոն Պետրոս, Յիսուս Քրիստոսի ծառան եւ առաքեալը, կը գրեմ ձեզի՝ որ մեր Աստուծոյն եւ Փրկչին՝ Յիսուս Քրիստոսի արդար տնօրինութեամբը արժանի եղաք մեզի հետ բաժնելու հաւատքը։

Արեւմտահայերէն Նոր Կտակարան հարմարցուած․ 2017

¹ Շմաւոն Պետրոս, Յիսուս Քրիստոսի ծառայ եւ առաքեալ՝ ձեզի, որ մեզի հետ նոյն պատուական հաւատքին հասաք մեր Աստուծոյն ու Փրկչին Յիսուս Քրիստոսին արդարութիւնովը.

Western Armenian Bible 1853

¹ Շմաւոն Պետրոս, Յիսուս Քրիստոսի ծառայ եւ առաքեալ՝ ձեզի, որ մեզի հետ նոյն պատուական հաւատքին հասաք մեր Աստուծոյն ու Փրկչին Յիսուս Քրիստոսին արդարութիւնովը.

ԵՐԿՐՈՐԴ ՊԵՏՐՈՍԻ 1:1 Iomraidhean Croise

ՄԱՏԹԷՈՍ 10:2

Տասներկու առաքեալներուն անուններն են.– Առաջին՝ Սիմոն, որ Պետրոս կոչուեցաւ, եւ եղբայրը՝ Անդրէաս,

ՄԱՏԹԷՈՍ 4:18

Մինչ Յիսուս Գալիլեայի լիճին եզերքը կը շրջէր, տեսաւ երկու եղբայրներ, որոնք ձկնորս էին. Սիմոնը՝ որ Պետրոս կը կոչուէր եւ անոր եղբայրը՝ Անդրէասը, որոնք ուռկանը ջուրը կը նետէին ձուկ որսալու համար։

ՂՈԻԿԱՍ 1:47

Ահա հոգիս կ՚ուրախանայ Աստուծմով, իմ Փրկիչովս,

ՂՈԻԿԱՍ 11:49

Ասոր համար Աստուծոյ իմաստութիւնը կ՚ըսէ. «Անոնց մարգարէներ եւ պատգամաւորներ պիտի ղրկեմ, եւ իրենք պիտի սպաննեն անոնցմէ ոմանք եւ հալածեն միւսները»։

ՅՈՎՀԱՆՆՈԻ 1:42

Յետոյ տարաւ զինք Յիսուսի մօտ։ Յիսուս նայեցաւ անոր եւ ըսաւ. – Դուն Սիմոնն ես, Յովնանի որդին։ Դուն Կեփաս պիտի կոչուիս։ (Կեփաս կը նշանակէ Պետրոս, այսինքն՝ ժայռ)։

ՅՈՎՀԱՆՆՈԻ 12:26

Ով որ ուզէ ինծի ծառայել՝ պէտք է ինծի հետեւի, եւ ինծի ծառայողը պիտի ըլլայ հոն՝ ուր ես կը գտնուիմ։ Եւ Հայրս պիտի պատուէ ինծի ծառայողը։

ՅՈՎՀԱՆՆՈԻ 20:21

Յիսուս կրկին ըսաւ անոնց. – Ողջո՛յն ձեզի։ Ինչպէս որ Հայրս զիս ղրկեց, ես ալ ձեզ կը ղրկեմ։

ԳՈՐԾՔ ԱՌԱՔԵԼՈՑ 15:14

Շմաւոն բացատրեց, թէ ի՛նչպէս Աստուած սկիզբէն հաճեցաւ բոլոր ազգերէն իրեն ժողովուրդ մը պատրաստել՝ իր անունը փառաւորելու համար։

ՀՌՈՎՄԱՅԵՑԻՍ 1:1

Ես, Պօղոս, ծառան եմ Քրիստոս Յիսուսի, որ զիս կանչեց իր առաքեալը ըլլալու եւ պաշտօն տուաւ Աստուծոյ Աւետարանը քարոզելու։

ՀՌՈՎՄԱՅԵՑԻՍ 1:12

այսինքն՝ ձեր մէջ ըլլալով՝ իրար քաջալերենք այն հաւատքով որ ունինք դուք եւ ես։

ՀՌՈՎՄԱՅԵՑԻՍ 1:17

Որովհետեւ Աւետարանը կը յայտնէ թէ Աստուած ի՛նչպէս մարդիկը արդար կը սեպէ իրենց հաւատքով՝ որպէսզի հաւատան. ինչպէս որ գրուած է, «Արդարը իր հաւատքով պիտի փրկուի»։

ԱՌԱՋԻՆ ԿՈՐՆԹԱՑԻՍ 1:30

որովհետեւ Աստուած ի՛նքն էր որ ձեզ բերաւ Քրիստոսի միացուց, եւ մենք Քրիստոսով ճանչցանք Աստուծոյ իմաստութիւնը եւ գտանք մեր արդարութիւնը, սրբութիւնը եւ փրկութիւնը,

ԱՌԱՋԻՆ ԿՈՐՆԹԱՑԻՍ 15:9

Արդարեւ, առաքեալներուն մէջ յետինն եմ ես եւ արժանի իսկ չեմ առաքեալ կոչուելու, քանի Աստուծոյ եկեղեցին հալածեցի։

ԱՌԱՋԻՆ ԿՈՐՆԹԱՑԻՍ 9:1

Միթէ ազատ չե՞մ. միթէ առաքեալ չե՞մ. միթէ մեր Տէր Յիսուս Քրիստոսը ես իմ աչքերովս չտեսա՞յ. միթէ իմ աշխատանքովս չէ՞ր որ դուք Տիրոջ պատկանեցաք։

ԵՐԿՐՈՐԴ ԿՈՐՆԹԱՑԻՍ 4:13

Սաղմոսին մէջ գրուած է. «Հաւատացի.ահա թէ ինչո՛ւ խօսեցայ»։ Հաւատքի նոյն ոգին ունինք մենք։ Մենք ալ կը հաւատանք, ուստի նաեւ կը խօսինք։

ԵՐԿՐՈՐԴ ԿՈՐՆԹԱՑԻՍ 5:21

Որովհետեւ Աստուած մեզի համար մեղքի պատարագ ըրաւ Քրիստոսը, ան՝ որ բնաւ մեղք չէր գործած, որպէսզի մենք անոր միանալով արդարանանք Աստուծոյ համար։

ԳԱՂԱՏԱՑԻՍ 2:8

որովհետեւ Աստուած ինչպէս Պետրոսի առաքելութիւնը յաջողցուց Հրեաներուն մէջ, նոյնպէս ալ իմ առաքելութիւնս յաջողցուց հեթանոսներուն մէջ–,

ԵՓԵՍԱՑԻՍ 3:5

Այդ ծրագիրը Աստուած չյայտնեց մարդկութեան նախորդ սերունդներուն այնպէս՝ ինչպէս հիմա Սուրբ Հոգիին միջոցաւ յայտնեց իր սուրբ առաքեալներուն եւ մարգարէներուն։

ԵՓԵՍԱՑԻՍ 4:11

Եւ ինքը՝ Քրիստոսն էր որ «պարգեւներ բաշխեց մարդոց», որպէսզի ոմանք առաքեալ ըլլան, ոմանք՝ մարգարէ, ոմանք՝ աւետարանիչ, ոմանք՝ հովիւ եւ ուսուցանող,

ԵՓԵՍԱՑԻՍ 4:5

Մէկ է Տէրը, մէկ՝ հաւատքը, եւ մէկ է մկրտութիւնը։

ՓԻԼԻՊՊԵՑԻՍ 1:1

Պօղոսեւ Տիմոթէոս, Քրիստոս Յիսուսի ծառա–ներս, կը գրենք ձեզի՝ Քրիստոս Յիսուսի միացած բոլոր հաւատացեալներուդ, որ Փիլիպպէի կողմերը կը բնակիք, ինչպէս նաեւ եպիսկոպոսներուն ու սարկաւագներուն։

ՓԻԼԻՊՊԵՑԻՍ 1:29

Եւ ատիկա Աստուծմէ է. որովհետեւ Աստուած ո՛չ միայն Քրիստոսի հաւատալու շնորհքը տուաւ ձեզի, այլ նաեւ՝ անոր համար չարչարուելու շնորհքը,

ՓԻԼԻՊՊԵՑԻՍ 3:9

եւ կատարելապէս անոր միանամ։ Այնպէս որ, իմ արդարութիւնս այլեւս Օրէնքի գործադրութենէն չի՛ գար, այլ՝ Քրիստոսի հանդէպ ունեցած հաւատքէս, եւ այդ արդարութիւնը Աստուծմէ եկած արդարութիւնն է, հիմնուած՝ հաւատքի վրայ։

ԵՐԿՐՈՐԴ ՏԻՄՈԹԷՈՍ 1:5

Կը մտաբերեմ այն անկեղծ հաւատքը որ քու մէջդ տեսայ. որ նախ մեծ մօրդ՝ Լաւոդիայի եւ մօրդ՝ Եւնիկէի մէջ գտած էի, եւ համոզուած եմ որ քու մէջդ ալ կայ։

ՏԻՏՈՍԻՆ 1:1

Ես, Պօղոս, Աստուծոյ ծառան եւ Յիսուս Քրիստոսի առաքեալը, կոչուած եմ Աստուծոյ ընտրեալները բերելու հաւատքի եւ ճշմարտութեան ճանաչումին, այն ճշմարտութեան՝ որ աստուածպաշտութեամբ կը գտնուի,

ՏԻՏՈՍԻՆ 1:4

Ո՛վ Տիտոս, մեր հասարակաց հաւատքի ճամբով իմ հարազատ որդիս, թող Հայրն Աստուած եւ մեր փրկիչը Քրիստոս Յիսուս շնորհք եւ խաղաղութիւն պարգեւեն քեզի։

ՏԻՏՈՍԻՆ 2:13

եւ յոյսով սպասենք այն երջանիկ օրուան, երբ մեր մեծ Աստուածն ու փրկիչը՝ Յիսուս Քրիստոս իր փառքով պիտի յայտնուի։

ՅԱԿՈԲՈՒ 1:1

Ես, Յակոբոս, Աստուծոյ եւ Տէր Յիսուս Քրիստոսի ծառան, կ՚ողջունեմ ձեզ՝ Աստուծոյ ժողովուրդին անդամներդ, որ համայն աշխարհի մէջ ցրուած էք։

ԱՌԱՋԻՆ ՊԵՏՐՈՍԻ 1:1

Ես՝ Պետրոս, Յիսուս Քրիստոսի առաքեալը, կը գրեմ Աստուծոյ ընտրեալներուդ, որ պանդուխտներու պէս կ՚ապրիք Պոնտոս, Գաղատիա, Կապադովկիա, Ասիա եւ Բիւթանիա նահանգներու տարածքին։

ԱՌԱՋԻՆ ՊԵՏՐՈՍԻ 1:7

Այդպիսով փորձուած ձեր հաւատքը շա՛տ աւելի թանկագին է, քան կորստական ոսկին՝ որ կրակին մէջ կը փորձուի, որուն համար ալ երբ Յիսուս Քրիստոս յայտնուի՝ պիտի գովէ ձեզ եւ փառքի ու պատիւի արժանացնէ։

ԱՌԱՋԻՆ ՊԵՏՐՈՍԻ 2:7

Քանի դուք հաւատացիք Քրիստոսի, անիկա ձեզի համար պատուական վէմը եղաւ. մինչդեռ չհաւատացողներուն համար՝ անիկա «Այն քարն է, որ թէպէտ շինողները մերժեցին գործածել, բայց ինք անկիւնաքարը եղաւ»,

ԱՌԱՋԻՆ ՊԵՏՐՈՍԻ 5:1

Երէցնե՛ր, որպէս երիցակից մը՝ որ ձեզի պէս վկայեմ Քրիստոսի չարչարանքներուն եւ ձեզի հետ ալ մասնակից պիտի ըլլամ գալիք փառքին որ պիտի յայտնուի, կ՚աղաչե՜մ,

ԵՐԿՐՈՐԴ ՊԵՏՐՈՍԻ 1:4

Անիկա թանկագին ու մեծամեծ խոստումներ տուաւ մեզի, որպէսզի անոնցմով հաղորդակից ըլլանք աստուածային բնութեան, ձերբազատուելով աշխարհի մէջ տիրող կորստաբեր ցանկութիւններէն։

ՅՈՒԴԱՅԻ 1:1

Ես՝ Յուդա, Յիսուս Քրիստոսի ծառան եւ Յակոբոսի եղբայրը, կը գրեմ ձեզի՝ բոլոր ազգերուդ, որ Հայրն Աստուած սիրեց եւ ընտրեց, եւ Յիսուս Քրիստոս պահպանեց։