ԵՐԿՐՈՐԴ ՅՈՎՀԱՆՆՈՒ 1:3 - Western Armenian New Translation - Armenian Catholicosate of Cilicia - New Testament

³ Թող Հայրն Աստուած եւ Հօրը Որդին՝ մեր Տէրը Յիսուս Քրիստոս շնորհք, ողորմութիւն եւ խաղաղութիւն պարգեւեն ձեզի, որպէսզի ճշմարտութեան եւ սիրոյ մէջ մնաք։

Արեւմտահայերէն Նոր Կտակարան հարմարցուած․ 2017

³ շնորհք, ողորմութիւն, խաղաղութիւն Հայր Աստուծմէն եւ Տէր Յիսուս Քրիստոսէն, Հօրը Որդիէն, ձեզի հետ ըլլայ ճշմարտութիւնով ու սիրով։

Western Armenian Bible 1853

³ Շնորհք, ողորմութիւն, խաղաղութիւն Հայր Աստուծմէն եւ Տէր Յիսուս Քրիստոսէն, Հօրը Որդիէն, ձեզի հետ ըլլայ ճշմարտութիւնով ու սիրով։

ԵՐԿՐՈՐԴ ՅՈՎՀԱՆՆՈՒ 1:3 Iomraidhean Croise

ՀՌՈՎՄԱՅԵՑԻՍ 1:7

Ողջո՜յն բոլորիդ որ Հռոմ կը բնակիք. ձեզի՝ որ Աստուած սիրեց եւ իր սուրբ ժողովուրդը ըլլալու կանչեց։ Թող Աստուած մեր Հայրը եւ Տէր Յիսուս Քրիստոս շնորհք եւ խաղաղութիւն պարգեւեն ձեզի։

ԳԱՂԱՏԱՑԻՍ 5:6

Որովհետեւ Քրիստոս Յիսուսի միանալէ ետք՝ ո՛չ թլփատուած ըլլալը արժէք մը ունի, ո՛չ ալ թլփատուած չըլլալը, այլ՝ սիրով գործի դրուած հաւատքը։

ԱՌԱՋԻՆ ՏԻՄՈԹԷՈՍ 1:14

Մեր Տէրը իր շնորհքով ողողեց զիս, տալով այն հաւատքն ու սէրը որ մենք՝ Քրիստոս Յիսուսի միացածներս ունինք։

ԱՌԱՋԻՆ ՏԻՄՈԹԷՈՍ 1:2

քեզի՛ կը գրեմ, հաւատքի հարազատ որդիս, Տիմոթէոս։ Թող Հայրն Աստուած եւ մեր Տէրը Քրիստոս Յիսուս՝ շնորհք, ողորմութիւն եւ խաղաղութիւն պարգեւեն քեզի։

ԵՐԿՐՈՐԴ ՏԻՄՈԹԷՈՍ 1:13

Դուն քեզի օրինակ ունեցիր այն ողջմիտ ուսուցումները որ ինձմէ լսեցիր, այն հաւատքով եւ սիրով՝ որ մենք՝ Քրիստոս Յիսուսի միացածներս ունինք։

ԱՌԱՋԻՆ ՅՈՎՀԱՆՆՈՒ 4:10

Այս է ահա ճշմարիտ սէրը. ո՛չ թէ մենք սիրեցինք զԱստուած, այլ Աստուած ինք սիրեց մեզ եւ իր Որդին ղրկեց մեր մեղքերը քաւող իբրեւ Զոհ։

ԵՐԿՐՈՐԴ ՅՈՎՀԱՆՆՈՒ 1:1

Ես՝ Երէցս, քեզի՛ կը գրեմ, ո՜վ Աստուծմէ ընտրեալ Տիրուհի, եւ կը գրեմ որդեակներուդ, որոնք ճշմարտապէս կը սիրեմ։ Ո՛չ միայն ես, այլ՝ ճշմարտութիւնը ճանչցողները բոլորը կը սիրեն ձեզ,