ԵՐԿՐՈՐԴ ԿՈՐՆԹԱՑԻՍ 9:8 - Western Armenian New Translation - Armenian Catholicosate of Cilicia - New Testament

⁸ Եւ Աստուած կրնայ ամէն պարգեւ տալ ձեզի առատօրէն, որպէսզի միշտ ալ ունենաք այնքան՝ որքան պիտի բաւէր ձեր բոլոր կարիքներուն եւ աւելնար՝ ամէն տեսակի բարի գործերու յատկացուելու։

Արեւմտահայերէն Նոր Կտակարան հարմարցուած․ 2017

⁸ Բայց կարող է Աստուած բոլոր շնորհքները ձեզի տալ, որպէս զի ամէն բանի մէջ ամէն ատեն բոլոր ձեզի պէտք եղածը ունենալով՝ բարիք գործէք առատութեամբ.

Western Armenian Bible 1853

⁸ Բայց կարող է Աստուած բոլոր շնորհքները ձեզի տալ, որպէս զի ամէն բանի մէջ ամէն ատեն բոլոր ձեզի պէտք եղածը ունենալով՝ բարիք գործէք առատութեամբ.

ԵՐԿՐՈՐԴ ԿՈՐՆԹԱՑԻՍ 9:8 Iomraidhean Croise

ԳՈՐԾՔ ԱՌԱՔԵԼՈՑ 9:36

Յոպպէի մէջ Յիսուսի հետեւորդ կին մը կար Տաբիթա անունով, որուն Հայերէն թարգմանութիւնն է՝ Այծեմնիկ։ Անիկա իր կեանքը կը լեցնէր բարի գործերով եւ աղքատներուն օգնելով։

ԱՌԱՋԻՆ ԿՈՐՆԹԱՑԻՍ 15:58

Ուստի, սիրելի՛ եղբայրներս, ամուր եւ հաստատուն մնացէք, միշտ աւելիով աշխատեցէք Տիրոջ գործին համար, գիտնալով որ ձեր յոգնութիւնը առանց վարձատրութեան չի մնար Աստուծոյ առջեւ։

ԵՐԿՐՈՐԴ ԿՈՐՆԹԱՑԻՍ 13:3

Եթէ ձեր ուզածը ապացոյց է՝ թէ ինձմով Քրիստոս է որ կը խօսի, պիտի ունենաք։ Պիտի տեսնէք թէ Քրիստոս տկարութեամբ չէ՛ որ կը գործէ ձեր մէջ, այլ՝ զօրութեամբ։

ԵՐԿՐՈՐԴ ԿՈՐՆԹԱՑԻՍ 8:19

Անշուշտ գիտէք նաեւ, թէ անիկա եկեղեցիներուն կողմէ ընտրուեցաւ՝ մեզի ճամբորդակից ըլլալու համար աստուածահաճոյ այս գործին մէջ, որ կը կատարենք Տիրոջ փառքին համար, եւ ուրիշներուն օգնելու մեր պատրաստակամութեան իբրեւ արտայայտութիւն։

ԵՐԿՐՈՐԴ ԿՈՐՆԹԱՑԻՍ 8:2

Հակառակ իրենց կրած նեղութեան եւ ծանր փորձութեան, մեծ եղաւ իրենց ուրախութիւնը, եւ հակառակ իրենց ծայր աստիճան աղքատութեան՝ չափազանց առատաձեռն եղան։

ԵՐԿՐՈՐԴ ԿՈՐՆԹԱՑԻՍ 8:7

Դուք ամէն բանով գերազանց էք ուրիշներէն.– հաւատքով, Աստուծոյ խօսքին քարոզութեամբ, գիտութեամբ, փութաջանութեամբ եւ մեզի հանդէպ ձեր ցուցաբերած սիրով։ Կ՚ուզենք որ այս աստուածահաճոյ գործին մէջ եւս գերազանցըլլաք։

ԵՐԿՐՈՐԴ ԿՈՐՆԹԱՑԻՍ 9:11

Ամէն ձեւով պիտի հարստացնէ ձեզ, որպէսզի միշտ առատաձեռն ըլլաք, եւ մեր միջոցաւ փոխանցուած ձեր նուէրները զԱստուած գոհաբանելու պատճառ ըլլան։

ԵՓԵՍԱՑԻՍ 2:10

Աստուծոյ նոր ստեղծագործութիւնն ենք մենք, քանի Քրիստոս Յիսուսի միացած ենք. ստեղծուած՝ կատարելու համար այն բարի գործերը, որոնց համար Աստուած սկիզբէն մեզ պատրաստեց, որպէսզի անոնցմով լեցնենք մեր կեանքը։

ԵՓԵՍԱՑԻՍ 3:20

Ուստի փա՜ռք Աստուծոյ. անոր՝ որ մեր մէջ ներգործող իր զօրութեամբ՝ միշտ ալ մեր խնդրածէն ու մեր խորհածէն շատ աւելին կ՚ընէ։

ՓԻԼԻՊՊԵՑԻՍ 4:11

Ըսել չե՛մ ուզեր թէ բանի մը կարօտ եմ, որովհետեւ ես ունեցածովս գոհ ըլլալու վարժուած եմ։

ԿՈՂՈՍԱՑԻՍ 1:10

որպէսզի ապրիք Տիրոջ վայել ձեւով, ամբողջութեամբ իր կամքին համաձայն, ամէն տեսակի բարի գործերով պտղաբեր դառնաք եւ Աստուծոյ գիտութեամբը աճիք։

ԵՐԿՐՈՐԴ ԹԵՍԱՂՈՆԻԿԵՑԻՍ 2:17

թող սրտապնդեն եւ զօրացնեն ձեզ, որպէսզի միշտ խօսիք ու գործէք ինչ որ բարի է։

ԵՐԿՐՈՐԴ ՏԻՄՈԹԷՈՍ 2:21

Արդ, ով որ ինքզինք մաքրէ նման մեղքերէ, Տիրոջ համար թանկագին անօթ մը կը դառնայ, մաքուր եւ պատրաստ՝ ամէն տեսակի բարի ծառայութիւն մատուցանելու։

ԵՐԿՐՈՐԴ ՏԻՄՈԹԷՈՍ 3:17

որպէսզի Աստուծոյ նուիրուած մարդը կատարեալ ըլլայ, ամէն տեսակի բարի գործերու պատրաստ։

ՏԻՏՈՍԻՆ 2:14

Որովհետեւ Քրիստոս իր անձը տուաւ մեզի համար, որպէսզի մեզ ազատէ մեր բոլոր անօրէնութիւններէն, եւ մեզ մաքրելով՝ իր սեփական ժողովուրդը դարձնէ, բարի գործերու նախանձախնդիր։

ՏԻՏՈՍԻՆ 3:14

Մերիններն ալ թող սորվին բարի գործերու հետամուտ ըլլալ, որպէսզի անհրաժեշտ կարիքներուն հասնին եւ օգտակար դառնան։

ՏԻՏՈՍԻՆ 3:8

Ստոյգ է ինչ որ կ՚ըսեմ. եւ կ՚ուզեմ որ դուն այս կէտերուն վրայ դնես շեշտը, որպէսզի Աստուծոյ հաւատացողները բարի գործերու հետամուտ ըլլան, որովհետեւ ա՛յդ է բարին եւ մարդոց օգտակարը։

ԱՌԱՋԻՆ ՊԵՏՐՈՍԻ 4:10

Ձեզմէ իւրաքանչիւրը իբրեւ Աստուծոյ բազմատեսակ պարգեւներուն իրաւ տնտես՝ իր ստացած շնորհքը ուրիշներուն թող մատակարարէ։