ԵՐԿՐՈՐԴ ԿՈՐՆԹԱՑԻՍ 8:2 - Western Armenian New Translation - Armenian Catholicosate of Cilicia - New Testament

² Հակառակ իրենց կրած նեղութեան եւ ծանր փորձութեան, մեծ եղաւ իրենց ուրախութիւնը, եւ հակառակ իրենց ծայր աստիճան աղքատութեան՝ չափազանց առատաձեռն եղան։

Արեւմտահայերէն Նոր Կտակարան հարմարցուած․ 2017

² որ նեղութեան մեծ փորձին մէջ իրենց ուրախութիւնը աւելցաւ եւ իրենց ծանր աղքատութեանը մէջ աւելի մեծ առատաձեռնութեան մղուեցան։

Western Armenian Bible 1853

² Որ նեղութեան մեծ փորձին մէջ իրենց ուրախութիւնը աւելցաւ եւ իրենց ծանր աղքատութեանը մէջ աւելի մեծ առատաձեռնութեան մղուեցան։

ԵՐԿՐՈՐԴ ԿՈՐՆԹԱՑԻՍ 8:2 Iomraidhean Croise

ՄԱՏԹԷՈՍ 20:15

ես իրաւունք չունի՞մ դրամս ուզածիս պէս գործածելու. կամ կը նախանձի՞ս որ ես այսպէս առատաձեռն եմ»։

ՀՌՈՎՄԱՅԵՑԻՍ 12:8

Եթէ յորդորելու կարողութիւնը ունինք՝ պէտք է յորդորենք։ Իր ունեցածը ուրիշներուն բաժնողը առատօրէն թող բաշխէ։ Վերակացու եղողը եռանդագին թող աշխատի։ Ողորմութիւն ընողը խնդութեամբ թող ընէ։

ՀՌՈՎՄԱՅԵՑԻՍ 2:4

Կամ կ՚արհամարհե՞ս անոր անչափքաղցրութիւնը, ներողամտութիւնը եւ համբերատարութիւնը, երբ գիտես որ Աստուծոյ քաղցրութիւնն է որ քեզ ապաշխարութեան կը բերէ։

ԵՐԿՐՈՐԴ ԿՈՐՆԹԱՑԻՍ 1:12

Պարծանքով կրնամ ըսել, եւ խիղճս ալ կը վկայէ, որ բոլորին հանդէպ ու մանաւանդ ձեզի հանդէպ եղած եմ պարզ ու անկեղծ, ինչպէս Աստուած կը կամենայ. ո՛չ թէ մարդկային իմաստութենէ մղուած, այլ՝ Աստուծոյ շնորհքովը։

ԵՐԿՐՈՐԴ ԿՈՐՆԹԱՑԻՍ 2:9

Նամակս գրած էի՝ ձեզ փորձելու համար. տեսնելու թէ իսկապէս հնազա՞նդ էք։

ԵՐԿՐՈՐԴ ԿՈՐՆԹԱՑԻՍ 6:10

Թող մեր կեանքը տխուր կարծեն. մենք միշտ ուրախ ենք։ Աղքատ թող սեպեն. մենք շատերու կեանքերը կը ճոխացնենք։ Այո՛, կը թուի թէ ոչինչ ունինք, մինչդեռ ամէն ինչ ունինք։

ԵՐԿՐՈՐԴ ԿՈՐՆԹԱՑԻՍ 9:11

Ամէն ձեւով պիտի հարստացնէ ձեզ, որպէսզի միշտ առատաձեռն ըլլաք, եւ մեր միջոցաւ փոխանցուած ձեր նուէրները զԱստուած գոհաբանելու պատճառ ըլլան։

ԵՐԿՐՈՐԴ ԿՈՐՆԹԱՑԻՍ 9:13

Այո՛, ձեր այս օժանդակութեամբ ապացոյցը տուած պիտի ըլլաք ձեր քրիստոնէական հաւատքին, եւ Երուսաղէմի ձեր եղբայրները զԱստուած պիտի փառաւորեն՝ տեսնելով թէ ի՛նչպէս Քրիստոսի Աւետարանին կը հնազանդիք եւ ի՛նչպէս առատօրէն ձեր ունեցածը կը բաժնէք իրենց եւ բոլորին հետ,

ԱՌԱՋԻՆ ԹԵՍԱՂՈՆԻԿԵՑԻՍ 1:6

Մեզի նմանելով՝ դուք Տիրոջ նմանած եղաք, քանի որ՝ հակառակ ձեր կրած բոլոր նեղութիւններուն՝ Սուրբ Հոգիին պարգեւած ուրախութեամբ ընդունեցիք մեր քարոզութիւնը,

ԱՌԱՋԻՆ ԹԵՍԱՂՈՆԻԿԵՑԻՍ 2:14

Եղբայրներ, դո՛ւք ալ ունեցաք նոյն այն փորձառութիւնը, որ ունեցան Հրէաստանի մէջ գտնուող Աստուծոյ եկեղեցիները, որոնք Քրիստոս Յիսուսի միացած են։ Դուք ալ չարչարուեցաք ձեր ազգակիցներուն կողմէ, ինչպէս անոնք չարչարուեցան իրենց ազգակից Հրեաներէն,

ՅԱԿՈԲՈՒ 2:5

Լսեցէ՛ք, սիրելի՛ եղբայրներս, Աստուած ինք չընտրե՞ց աշխարհիս աղքատները, որոնք հաւատքով հարուստ են եւ պիտի ժառանգեն արքայութիւնը, որ Աստուած զինք սիրողներուն խոստացաւ։

ՅԱՅՏՆՈՒԹԻՒՆ 2:9

Գիտեմ քու գործերդ, նեղութիւնդ եւ աղքատութիւնդ։ Աղքատ կ՚երեւիս, բայց հարուստ ես դուն։ Գիտեմ անարգական խօսքերը, որ կ՚ըսեն անոնք՝ որոնք իրենք զիրենք Հրեայ կը նկատեն եւ սակայն չեն. անոնք Սատանայի հետեւորդներ են։