ԵՐԿՐՈՐԴ ԿՈՐՆԹԱՑԻՍ 7:1 - Western Armenian New Translation - Armenian Catholicosate of Cilicia - New Testament

¹ Սիրելինե՛ր, այս խոստումները մեզի եղած են։ Ուստի հեռո՛ւ մնանք մարմնական եւ հոգեկան ամէն պղծութենէ, մենք մեզ կատարելապէս մաքրենք՝ Աստուծոյ երկիւղովը ապրելով։

Արեւմտահայերէն Նոր Կտակարան հարմարցուած․ 2017

¹ Ուստի, սիրելինե՛ր, որովհետեւ մենք այս խոստումները ունինք, մեր անձերը մարմնի ու հոգիի ամէն կերպ պղծութենէ մաքրենք եւ սրբութիւնը կատարելագործենք Աստուծոյ վախովը։

Western Armenian Bible 1853

¹ Ուստի, սիրելինե՛ր, որովհետեւ մենք այս խոստումները ունինք, մեր անձերը մարմնի ու հոգիի ամէն կերպ պղծութենէ մաքրենք եւ սրբութիւնը կատարելագործենք Աստուծոյ վախովը։

ԵՐԿՐՈՐԴ ԿՈՐՆԹԱՑԻՍ 7:1 Iomraidhean Croise

ՄԱՏԹԷՈՍ 12:33

Եթէ կ՚ուզէք լաւ պտուղ ունենալ՝ ծառը առողջ պահեցէք, իսկ եթէ ծառը լաւ չպահէք՝ պտուղն ալ գէշ կ՚ըլլայ։ Որովհետեւ իւրաքանչիւր ծառ իր պտուղէն կը ճանչցուի։

ՄԱՏԹԷՈՍ 5:48

Արդ, դուք կատարեալ եղէք, ինչպէս որ ձեր երկնաւոր Հայրը կատարեալ է։

ՄԱՏԹԷՈՍ 5:8

Երանի՜ անոնց, որոնք սիրտով մաքուր են, որովհետեւ անոնք զԱստուած պիտի տեսնեն։

ԳՈՐԾՔ ԱՌԱՔԵԼՈՑ 9:31

Եկեղեցին ամբողջ Հրէաստանի, Գալիլեայի եւ Սամարիայի մէջ խաղաղութիւն կը վայելէր եւ կը զօրանար։ Սուրբ Հոգիին օգնութեամբ հաւատացեալները կը բազմանային եւ Տիրոջ երկիւղովը կ՚ապրէին։

ՀՌՈՎՄԱՅԵՑԻՍ 5:20

Մինչ այդ, Օրէնքը գալով՝ յանցանքը շատցաւ։ Միւս կողմէ, ուր որ մեղքը շատցաւ՝ այնտեղ Աստուծոյ շնորհքը աւելի առատացաւ։

ԱՌԱՋԻՆ ԿՈՐՆԹԱՑԻՍ 6:20

այլ Աստուած՝ որ փրկագինով ձեզ գնեց։ Հետեւաբար այնպէս ապրեցէք՝ որ Աստուած փառաւորուի ձեր մարմիններով։

ԵՐԿՐՈՐԴ ԿՈՐՆԹԱՑԻՍ 1:20

Արդարեւ, Քրիստոս Աստուծոյ բոլոր խոստումներուն Այոն է։ Ահա թէ ինչու, մենք Քրիստոսը ընդունելով՝ Աստուծոյ Այո–ին «Ամէն» կ՚ըսենք, իր փառքին համար։

ԵՓԵՍԱՑԻՍ 2:3

Ժամանակ մը մենք բոլորսալ նոյնպէս անհնազանդ էինք եւ մարդկային բնութեան յատուկ ցանկութիւններով կ՚ապրէինք՝ մեր մարմինին ու մտքին բոլոր փափաքները կատարելով, եւ իրապէս Աստուծոյ պատիժին արժանի էինք, միւսներուն պէս։

ԱՌԱՋԻՆ ԹԵՍԱՂՈՆԻԿԵՑԻՍ 3:13

որպէսզի ձեր սիրտերը ամրապնդուին եւ ամբասիր սրբութեամբ ներկայանաք Աստուծոյ, մեր Հօրը, երբ մեր Տէրը՝ Յիսուս Քրիստոս գայ իր բոլոր ընտրեալներով։

ԱՌԱՋԻՆ ԹԵՍԱՂՈՆԻԿԵՑԻՍ 4:7

Միթէ Աստուած մեր պղծալից կեանքը շարունակելո՞ւ հրաւիրեց մեզ, թէ՝ սրբութեամբ ապրելու։ Անշուշտ թէ սրբութեամբ ապրելու։

ԱՌԱՋԻՆ ԹԵՍԱՂՈՆԻԿԵՑԻՍ 5:23

Եւ Աստուած ինք, որ խաղաղութիւն կը պարգեւէ, թող կատարելապէս սրբէ ձեզ, եւ ձեր ամբողջ էութիւնը՝ հոգի, շունչ եւ մարմին, անարատ պահէ մինչեւ մեր Տիրոջ Յիսուս Քրիստոսի գալստեան Օրը։

ԵԲՐԱՅԵՑԻՍ 12:23

Մօտեցած էք երկինքի մէջ արձանագրուած Աստուծոյ անդրանիկ զաւակներու ուրախական հաւաքոյթին. Աստուծոյ, որ բոլորին դատաւորն է, կատարելութեան հասած արդարներու հոգիներուն,

ԵԲՐԱՅԵՑԻՍ 12:28

Հետեւաբար՝ երախտապարտ ըլլանք, որ Աստուած անսասանելի թագաւորութիւն մը կու տայ մեզի։ Եւ այդ երախտագիտութեամբ ալ ծառայենք Աստուծոյ այնպէս՝ ինչպէս հաճելի է իրեն, յարգանքով ու պատկառանքով.

ԵԲՐԱՅԵՑԻՍ 4:1

Հետեւաբար, մինչ Աստուծոյ կողմէ՝ իր պատրաստած հանգիստը մտնելու խոստումը ի զօրու կը մնայ, չափազանց զգոյշ ըլլանք որ ոեւէ մէկը անկէ չզրկուի։

ԵԲՐԱՅԵՑԻՍ 6:9

Սակայն, այս բաները ըսելով հանդերձ, ես վստահ եմ որ դուք, սիրելինե՛ր, լաւագոյն ճամբուն մէջ էք, որ փրկութեան կ՚առաջնորդէ։

ՅԱԿՈԲՈՒ 4:8

Մօտեցէ՛ք Աստուծոյ, եւ Աստուած ինք պիտի մօտենայ ձեզի։ Ձեր ձեռքերէն չար գործերու աղտը լուացէ՛ք, մեղաւորնե՛ր. եւ դուք, երկմի՛տ մարդիկ, ձեր միտքերը յստակացուցէ՛ք։

ԱՌԱՋԻՆ ՊԵՏՐՈՍԻ 1:15

Այլ, ինչպէս որ ձեզ կանչողը՝ Աստուած սուրբ է, դուք ալ սուրբ եղէք ձեր ամբողջ կեանքով,

ԱՌԱՋԻՆ ՊԵՏՐՈՍԻ 1:17

Եթէ «Հայր» կը կոչէք ան՝ որ անաչառ կերպով կը դատէ իւրաքանչիւրը իր գործերուն համաձայն, աստուածավախութեամբ ապրեցէք ձեր պանդխտութեան տարիները,

ԱՌԱՋԻՆ ՊԵՏՐՈՍԻ 1:22

Արդ, դուք որ ճշմարտութեան հնազանդելով սրբեցիք ձեր անձերը, որպէսզի անկեղծ եղբայրսիրութեամբ ապրիք, սրտանց սիրեցէ՛ք իրար, մաքուր սրտով։

ԱՌԱՋԻՆ ՊԵՏՐՈՍԻ 2:11

Կ՚աղաչեմ, սիրելինե՛ր, իբրեւ աշխարհի մէջ պանդուխտներ եւ օտարականներ՝ հեռո՛ւ մնացէք մարմնական ցանկութիւններէն, որոնք հոգիին դէմ կը պատերազմին։

ԱՌԱՋԻՆ ՊԵՏՐՈՍԻ 5:10

Եւ բոլոր շնորհքներուն պարգեւիչը՝ Աստուած, որ Քրիստոս Յիսուսի միջոցաւ իր յաւիտենական փառքին կանչեց ձեզ, նկատի ունենալով որ չափով մը մասնակից եղաք Յիսուսի չարչարանքներուն՝ պիտի կազդուրէ, զօրացնէ եւ ամուր հիմերու վրայ հաստատէ ձեզ։

ԱՌԱՋԻՆ ՅՈՎՀԱՆՆՈՒ 1:7

Իսկ եթէ լոյսի մէջ քալենք, ինչպէս ինք լոյսի մէջ է, այն ատեն ճշմարտապէս հաղորդակից կ՚ըլլանք իրարու, եւ իր Որդւոյն Յիսուսի արիւնը կը սրբէ մեզ ամէն մեղքէ։

ԱՌԱՋԻՆ ՅՈՎՀԱՆՆՈՒ 1:9

Իսկ եթէ խոստովանինք մեր մեղքերը, վստահ եղէք՝ թէ Աստուած, որ արդար է, պիտի ներէ մեր մեղքերը եւ մեզ պիտի սրբէ մեր բոլոր անիրաւութիւններէն։

ԱՌԱՋԻՆ ՅՈՎՀԱՆՆՈՒ 3:3

Ով որ այս յոյսը ունի՝ ինքզինք կը մաքրէ, ինչպէս որ Քրիստոս ինք մաքուր է։