ԵՐԿՐՈՐԴ ԿՈՐՆԹԱՑԻՍ 6:9 - Western Armenian New Translation - Armenian Catholicosate of Cilicia - New Testament

⁹ Թող չուզեն մեզ ճանչնալ. մենք գիտենք թէ մեզ լաւ կը ճանչնան։ Թող մեռած սեպեն մեզ. մենք ահա կենդանի ենք։ Թող մեզ պատժապարտ համարեն. մենք գիտենք թէ մահուան դատապարտութենէն ազատած ենք։

Արեւմտահայերէն Նոր Կտակարան հարմարցուած․ 2017

⁹ Անծանօթներու պէս եւ ծանօթներ, մեռնողներու պէս եւ ահա կենդանի ենք, պատժուածներու պէս ու չենք սպանուած։

Western Armenian Bible 1853

⁹ Անծանօթներու պէս եւ ծանօթներ, մեռնողներու պէս եւ ահա կենդանի ենք, պատժուածներու պէս ու չենք սպանուած։

ԵՐԿՐՈՐԴ ԿՈՐՆԹԱՑԻՍ 6:9 Iomraidhean Croise

ԳՈՐԾՔ ԱՌԱՔԵԼՈՑ 17:18

Եպիկուրեան եւ Ստոյիկեան իմաստասէրներէն ոմանք կը հակաճառէին իրեն։ Ուրիշներ կ՚ըսէին. –Այս իմաստակը ի՞նչ ըսել կ՚ուզէ։ Իսկ ուրիշներ կ՚ըսէին. –Կ՚երեւի թէ օտար աստուածներ կը քարոզէ։ Որովհետեւ Յիսուսի մասին կը խօսէր եւ յարութեան աւետիսը կու տար անոնց։

ԳՈՐԾՔ ԱՌԱՔԵԼՈՑ 19:26

Եւ կը տեսնէք ու կը լսէք, թէ այդ Պօղոսը ո՛չ միայն Եփեսոսի, այլ գրեթէ ամբողջ Ասիա նահանգին մէջ մեծ բազմութիւն մը համոզելով մոլորեցուց, ըսելով՝ թէ «Ձեռքով շինուած աստուածները աստուած չեն»։

ԳՈՐԾՔ ԱՌԱՔԵԼՈՑ 25:19

այլ՝ անոր դէմ իրենց խնդիրները իրենց կրօնքին կը վերաբերէին, ինչպէս նաեւ Յիսուս անունով մեռած մարդու մը, որուն համար Պօղոս կ՚ըսէր՝ թէ ողջ է։

ԳՈՐԾՔ ԱՌԱՔԵԼՈՑ 25:26

Միայն թէ տակաւին յստակ չեմ գիտեր այս մասին ի՛նչ գրեմ օգոստափառ տիրոջս։ Ահա թէ ինչու՝ զայն բերի ձեր առջեւ, եւ յատկապէս քու առջեւդ, Ագրիպպաս արքայ, որպէսզի վերստին հարցաքննելով՝ գրելիք մը ունենամ։

ՀՌՈՎՄԱՅԵՑԻՍ 15:19

զօրաւոր նշաններով ու հրաշքներով, Սուրբ Հոգիին զօրութեամբ։ Այնպէս որ Երուսաղէմէն սկսեալ մինչեւ Իլլիրիկում՝ ամէն կողմ Քրիստոսի Աւետարանը տարածեցի։

ՀՌՈՎՄԱՅԵՑԻՍ 8:36

Ինչպէս Սաղմոսներուն մէջ գրուած է.– «Քեզի համար՝ մարդիկ մեզ կը սպաննեն ամէն օր. ոչխարի պէս սպանդանոց կը տանին»։

ԱՌԱՋԻՆ ԿՈՐՆԹԱՑԻՍ 11:32

Իսկ եթէ կը պատժուինք, Տէրը այդ ձեւով կը խրատէ մեզ, որպէսզի չըլլայ որ աշխարհի հետ միասին դատապարտուինք։

ԱՌԱՋԻՆ ԿՈՐՆԹԱՑԻՍ 15:31

Ամէն օր ես ինքզինքս մահուան վտանգին կ՚ենթարկեմ, եղբայրնե՛ր. վկայ էք դուք՝ իմ պարծանքս, որ մեր Տիրոջ Քրիստոս Յիսուսի կը պատկանիք։

ԱՌԱՋԻՆ ԿՈՐՆԹԱՑԻՍ 4:9

Ինծի այնպէս կը թուի, թէ Աստուած մեզ՝ առաքեալներս մարդոց մէջ յետին դասեց, մահապարտներու պէս, եւ մենք տեսարան եղանք ամբողջ աշխարհին, թէ՛ հրեշտակներուն եւ թէ՛ մարդոց։

ԵՐԿՐՈՐԴ ԿՈՐՆԹԱՑԻՍ 11:6

Թէպէտ ճարտար խօսող մը չեմ, բայց խօսածս գիտեմ։ Եւ կարծեմ ատիկա ապացուցանեցի ձեզի ամէն ինչով։

ԵՐԿՐՈՐԴ ԿՈՐՆԹԱՑԻՍ 4:2

Հրաժարած ենք վարագոյրի ետին նիւթուած ամօթալի գործերէն, այսինքն՝ խորամանկութիւն ի գործ չենք դներ եւ Աստուծոյ խօսքը չենք նենգափոխեր. այլ բացէ ի բաց ճշմարտութիւնը կը յայտարարենք, եւ ա՛յսպէս կը ներկայանանք մարդոց առջեւ, ինչպէս պիտի ընէինք Աստուծոյ առջեւ։

ԵՐԿՐՈՐԴ ԿՈՐՆԹԱՑԻՍ 5:11

Ուստի, մենք միայն Տիրոջմէ կը վախնանք։ Գալով մարդոց, կը փորձենք զանոնք համոզել մեր գործով ու խօսքով, որոնք յայտնի են Աստուծոյ, եւ կարծեմ ձեր խիղճերն ալ կը վկայեն այդ մասին։