ԵՐԿՐՈՐԴ ԿՈՐՆԹԱՑԻՍ 6:8 - Western Armenian New Translation - Armenian Catholicosate of Cilicia - New Testament

⁸ Մի՛ այլայլիք՝ ո՛չ փառքէն եւ ո՛չ անարգանքէն, ո՛չ գովասանքէն եւ ո՛չ մեղադրանքէն։ Մարդիկ մոլորած թող ըսեն մեզի. մենք գիտենք թէ ճշմարտութենէն չենք շեղած։

Արեւմտահայերէն Նոր Կտակարան հարմարցուած․ 2017

⁸ Փառքով ու անարգութիւնով, գովութիւնով ու պարսաւանքով, մոլորեցնողներու պէս՝ ու ճշմարիտներ։

Western Armenian Bible 1853

⁸ Փառքով ու անարգութիւնով, գովութիւնով ու պարսաւանքով, մոլորեցնողներու պէս՝ ու ճշմարիտներ։

ԵՐԿՐՈՐԴ ԿՈՐՆԹԱՑԻՍ 6:8 Iomraidhean Croise

ՄԱՏԹԷՈՍ 10:25

Հերիք է աշակերտին, որ իր ուսուցիչին պէս ըլլայ, եւ ծառային՝ իր տիրոջ պէս։ Եթէ տանտէրը Բէեղզեբուղ կոչեցին, հարկաւ նոյնը աւելիով պիտի ըսեն անոր ընտանիքի անդամներուն։

ՄԱՏԹԷՈՍ 22:16

Եւ Յիսուսի ղրկեցին իրենց աշակերտներէն ոմանք, Հերովդէսի կողմնակիցներուն հետ միասին։ Ասոնք ըսին Յիսուսի. – Վարդապե՛տ, գիտենք որ ճշմարտախօս ես եւ ճշմարտութեամբ Աստուծոյ կամքը կ՚ուսուցանես՝ առանց հոգ ընելու թէ ուրիշներ ինչ կ՚ըսեն, որովհետեւ աչառութիւն չես ըներ։

ՄԱՏԹԷՈՍ 27:63

եւ ըսին. – Տէ՛ր, յիշեցինք որ այդ մոլորեցուցիչը իր կենդանութեան կ՚ըսէր. «Երեք օրէն յարութիւն պիտի առնեմ»։

ՄԱՐԿՈՍ 12:14

Անոնք նենգամըտաբար հարցուցին Յիսուսի. – Վարդապե՛տ, գիտենք որ ճշմարտախօս մէկն ես եւ բնաւ հոգ չես ըներ թէ ուրիշներ ի՛նչ կ՚ըսեն, որովհետեւ աչառութիւն չես ըներ, այլ ճշմարտութեամբ Աստուծոյ կամքը կ՚ուսուցանես։ Արդ, ըսէ՛ մեզի, մեր Օրէնքին համաձայն պէ՞տք է կայսրին տուրք տանք, թէ ոչ։ Տա՞նք թէ չտանք։

ՅՈՎՀԱՆՆՈԻ 7:12

Ժողովուրդին մէջ իր մասին շշուկ ինկաւ։ Ոմանք կ՚ըսէին. – Լաւ մարդ է։ Իսկ ուրիշներ կ՚ըսէին. – Ո՛չ, ընդհակառակը, ժողովուրդը կը մոլորեցնէ։

ԳՈՐԾՔ ԱՌԱՔԵԼՈՑ 10:22

Անոնք պատասխանեցին. –Մեզ ղրկողը Կոռնելիոս հարիւրապետն է, արդար եւ աստուածավախ մարդ մը, որուն մասին ամբողջ Հրեայ ժողովուրդը կը վկայէ։ Անիկա սուրբ հրեշտակէն հրաման ստացաւ՝ քեզ իր տունը կանչելու եւ քեզմէ լսելու ինչ որ պիտի ըսես։

ԳՈՐԾՔ ԱՌԱՔԵԼՈՑ 16:39

եւ զանոնք դուրս հանելով՝ կ՚աղաչէին որ իրենց քաղաքէն երթան։

ԳՈՐԾՔ ԱՌԱՔԵԼՈՑ 22:12

Այնտեղ Օրէնքը պահող բարեպաշտ մարդ մը կար, Անանիա անունով, որուն մասին հոն բնակող բոլոր Հրեաներն ալ լաւ կը վկայէին։

ԳՈՐԾՔ ԱՌԱՔԵԼՈՑ 24:5

Մեզի համար այս մարդը աղէտ մըն է։ Ապստամբութիւն կը հրահրէ ամբողջ աշխարհի Հրեաներուն մէջ եւ Նազովրեցիներու աղանդին պարագլուխն է։

ԳՈՐԾՔ ԱՌԱՔԵԼՈՑ 28:22

Բայց կ՚ուզենք քու կարծիքդ իմանալ, որովհետեւ այս աղանդին մասին մեզի այսքանը ծանօթ է՝ որ անիկա ամէն տեղ հակառակութեան կը հանդիպի։

ԳՈՐԾՔ ԱՌԱՔԵԼՈՑ 4:21

Ժողովականները սպառնալիք ըրին եւ արձակեցին զանոնք, թէ՛ անոր համար որ պատժելու պատրուակ չգտան եւ թէ՛ ժողովուրդէն զգուշանալով, քանի ամէն մարդ զԱստուած կը փառաւորէր կատարուածին համար.

ԳՈՐԾՔ ԱՌԱՔԵԼՈՑ 6:3

Հետեւաբար, եղբայրնե՛ր, ձեր կողմէ վկայուած եօթը հոգի ընտրեցէք, որոնք Սուրբ Հոգիով եւ իմաստութեամբ լեցուն ըլլան։ Զանոնք այս անհրաժեշտ գործին համար կարգենք,

ՀՌՈՎՄԱՅԵՑԻՍ 3:8

Եւ արդեօք ըսե՞նք, ինչպէս ոմանք զրպարտութեամբ խօսքեր կը վերագրեն մեզի, որպէս թէ ըսած ըլլանք՝ «Չարիք գործենք որ բարիք յառաջ գայ»։ Այդպիսի մարդիկ արդարօրէն պիտի դատապարտուին։

ԵՐԿՐՈՐԴ ԿՈՐՆԹԱՑԻՍ 1:18

Աստուած վկայ է՝ որ ձեր մէջ կատարած մեր քարոզութիւնը երկդիմի չեղաւ երբեք։

ԵՐԿՐՈՐԴ ԿՈՐՆԹԱՑԻՍ 11:21

Ամօթով կ՚ընդունիմ, թէ ես շատ խե՜ղճ եմ եղեր։ Բայց ահա անմտօրէն կ՚ըսեմ.– Եթէ ուրիշներ կը համարձակին պարծենալ՝ ես ալ կը համարձակիմ։

ԵՐԿՐՈՐԴ ԿՈՐՆԹԱՑԻՍ 12:16

Լաւ գիտէք, որ բնաւ բեռ չեղայ ձեզի, թէպէտ ըստ ոմանց՝ խորամանկ եղայ եւ խաբեբայութեամբ կողոպտեցի ձեզ։

ԵՐԿՐՈՐԴ ԿՈՐՆԹԱՑԻՍ 4:2

Հրաժարած ենք վարագոյրի ետին նիւթուած ամօթալի գործերէն, այսինքն՝ խորամանկութիւն ի գործ չենք դներ եւ Աստուծոյ խօսքը չենք նենգափոխեր. այլ բացէ ի բաց ճշմարտութիւնը կը յայտարարենք, եւ ա՛յսպէս կը ներկայանանք մարդոց առջեւ, ինչպէս պիտի ընէինք Աստուծոյ առջեւ։

ԱՌԱՋԻՆ ԹԵՍԱՂՈՆԻԿԵՑԻՍ 2:3

Արդարեւ, ձեզի ուղղուած մեր յորդորը ո՛չ մոլորութեան վրայ հիմնուած էր, ո՛չ ալ աղտոտ եւ նենգ միջոցներու։

ԱՌԱՋԻՆ ՏԻՄՈԹԷՈՍ 3:7

Այլ՝ պէտք է լաւ անուն ունենայ նոյնիսկ ոչ–քրիստոնեայ մարդոց մէջ, որպէսզի չըլլայ որ նախատանքի առարկայ դառնայ եւ Սատանային լարած թակարդին մէջ իյնայ։

ԱՌԱՋԻՆ ՏԻՄՈԹԷՈՍ 4:10

թէ՝ կը տքնինք եւ նախատինք կրել յանձն կ՚առնենք՝ որովհետեւ մեր յոյսը դրած ենք կենդանի Աստուծոյ վրայ, որ բոլոր մարդոց փրկիչն է, բայց մանաւանդ հաւատացողներուն։

ԵԲՐԱՅԵՑԻՍ 13:13

Արդ, եկէք մենք ալ մեր բնակութեան վայրերէն դուրս գանք եւ իրեն երթանք, մեր վրայ առնելով իր կրած նախատինքները,

ԱՌԱՋԻՆ ՊԵՏՐՈՍԻ 4:14

Եթէ Քրիստոսի անունին համար նախատուիք՝ երանելի էք, որովհետեւ կը նշանակէ՝ թէ Աստուծոյ փառաւորիչ Հոգին ձեր վրայ հանգչած է։

ԵՐՐՈՐԴ ՅՈՎՀԱՆՆՈՒ 1:12

Գալով Դեմետրիոսին, ամէնքն ալ լաւ վկայութիւն կու տան իր մասին, թէ՛ եկեղեցին եւ թէ՛ ճշմարտութիւնը ինք։ Մենք ալ կը վկայենք իր մասին, եւ գիտես թէ մեր վկայութիւնը ճշմարիտ է։

ՅԱՅՏՆՈՒԹԻՒՆ 3:9

Ահաւասիկ քեզի պիտի յանձնեմ Սատանային հետեւորդներէն կարգ մը մարդիկ, որոնք իրենք զիրենք Հրեայ կը նկատեն, բայց իրականութեան մէջ չե՛ն. անոնք կը ստեն։ Այնպէս մը պիտի ընեմ, որ անոնք գան եւ երկրպագեն ոտքերուդ առջեւ ու գիտնան՝ թէ ես քեզ սիրեցի։