ԵՐԿՐՈՐԴ ԿՈՐՆԹԱՑԻՍ 6:5 - Western Armenian New Translation - Armenian Catholicosate of Cilicia - New Testament

⁵ ծեծը, բանտը, խռովարարներու վայրագութիւնները, յոգնութիւնը, անքնութիւնը, անօթութիւնը։

Արեւմտահայերէն Նոր Կտակարան հարմարցուած․ 2017

⁵ ծեծերու, բանտերու, խռովութիւններու, աշխատութիւններու, հսկումներու, ծոմերու մէջ,

Western Armenian Bible 1853

⁵ Ծեծերու, բանտերու, խռովութիւններու, աշխատութիւններու, հսկումներու, ծոմերու մէջ,

ԵՐԿՐՈՐԴ ԿՈՐՆԹԱՑԻՍ 6:5 Iomraidhean Croise

ՄԱՏԹԷՈՍ 14:10

Եւ մարդ ղրկելով՝ գլխատել տուաւ Յովհաննէսը բանտին մէջ։

ՄԱՏԹԷՈՍ 14:3

Քանի Հերովդէս ինքն էր որ ձերբակալել տուած էր Յովհաննէսը, շղթայել եւ բանտ նետել տուած, իր Փիլիպպոս եղբօր կնոջ՝ Հերովդիայի պատճառով։ Շ

ՄԱՏԹԷՈՍ 9:15

Յիսուս անոնց պատասխանեց. – Կարելի՞ է հարսանիքի հրաւիրեալներուն ըսել որ սուգ պահեն, երբ տակաւին փեսան իրենց հետ է։ Ժամանակ պիտի գայ, երբ փեսան պիտի վերցուի իրենցմէ, եւ այն ատեն իրենք ալ ծոմ պիտի պահեն։

ԳՈՐԾՔ ԱՌԱՔԵԼՈՑ 13:3

Այն ատեն ծոմապահութեամբ եւ աղօթքով ձեռք դրին անոնց վրայ եւ ղրկեցին։

ԳՈՐԾՔ ԱՌԱՔԵԼՈՑ 14:19

Մինչ անոնք կը շրջէին եւ կ՚ուսուցանէին, Անտիոքէն եւ Իկոնիոնէն Հրեաներ եկան։ Երբ առաքեալները համարձակօրէն վիճիլ սկսան, Հրեաներ խաբէութեամբ համոզեցին բազմութիւնը, որ անոնցմէ հեռու մնան, ըսելով. –Այս մարդոց ըսածները բնաւ ճշմարիտ չեն, այլ ամբողջութեամբ սուտ։ Եւ Պօղոսը քարկոծելով՝ քաշեցին քաղաքէն դուրս հանեցին, զայն մեռած համարելով։

ԳՈՐԾՔ ԱՌԱՔԵԼՈՑ 14:23

Անոնք նաեւ իւրաքանչիւր եկեղեցւոյ համար երէցներ ձեռնադրեցին՝ ծոմապահութեամբ աղօթք ընելով, եւ հաւատացեալները յանձնեցին Տիրոջ, որուն անոնք հաւատացած էին։

ԳՈՐԾՔ ԱՌԱՔԵԼՈՑ 17:5

Հրեայ ղեկավարները նախանձեցան եւ փողոցներէն քանի մը դատարկապորտ անօրէններ հաւաքելով՝ ամբոխ կազմեցին, ամբողջ քաղաքը խռովեցին եւ Յասոնի տան վրայ խուժեցին՝ Պօղոսն ու Շիղան բռնելու եւ ժողովուրդին առջեւ հանելու համար։

ԳՈՐԾՔ ԱՌԱՔԵԼՈՑ 20:31

Հետեւաբար արթո՛ւն եղէք, յիշեցէք թէ ի՛նչպէս երեք տարի անդադար, գիշեր ու ցերեկ, արցունքով խրատեցի իւրաքանչիւրդ։

ԳՈՐԾՔ ԱՌԱՔԵԼՈՑ 23:10

Երբ իրարանցումը շատցաւ, հազարապետը վախնալով որ Պօղոսը կտոր–կտոր ընեն՝ հրամայեց իր զինուորներուն՝ որ իջնեն եւ Պօղոսը անոնց մէջէն խլեն ու զօրանոց տանին։

ԳՈՐԾՔ ԱՌԱՔԵԼՈՑ 23:35

ըսաւ. –Երբ որ քեզ ամբաստանողները գան՝ կը լսեմ քեզ։ Եւ հրամայեց որ զայն Հերովդէսի ապարանքին մէջ պահեն։

ԳՈՐԾՔ ԱՌԱՔԵԼՈՑ 24:27

Լման երկու տարի անցնելէն ետք, Ֆելիքսի յաջորդեց Պորկիոս Ֆեստոս։ Ֆելիքս Հրեաներուն վերջին շնորհք մը ընելու համար՝ Պօղոսը բանտարկուած թողուց։

ԳՈՐԾՔ ԱՌԱՔԵԼՈՑ 26:10

Եւ այդպէս ալ ըրի Երուսաղէմի մէջ։ Սուրբերէն շատերը բանտերու մէջ արգելափակել կու տայի, այն իշխանութեամբ՝ որ աւագ քահանաներէն առած էի, եւ անոնց սպանութեան իմ հաւանութիւնս ալ կու տայի։

ԳՈՐԾՔ ԱՌԱՔԵԼՈՑ 26:29

Եւ Պօղոս ըսաւ. –Քի՞չ կը մնայ թէ շատ՝ չեմ գիտեր։ Բայց Աստուծմէ պիտի խնդրէի՝ որ ոչ միայն դուն, այլ բոլոր անոնք որոնք այսօր զիս կը լսեն՝ ճիշդ ինծի պէս ըլլային, սակայն առանց այս շղթաներուն։

ԳՈՐԾՔ ԱՌԱՔԵԼՈՑ 28:30

Լման երկու տարի Պօղոս մնաց իր վարձած տան մէջ, ուր կ՚ընդունէր բոլոր անոնք որոնք իր քով կու գային։

ԳՈՐԾՔ ԱՌԱՔԵԼՈՑ 5:18

Ուստի ձերբակալեցին եւ հասարակաց բանտը դնել տուին զանոնք։

ԱՌԱՋԻՆ ԿՈՐՆԹԱՑԻՍ 15:10

Բայց հիմա ինչ որ եմ՝ Աստուծոյ շնորհքին կը պարտիմ. եւ կրնամ ըսել՝ թէ Աստուծոյ ինծի տուած շնորհքը ապարդիւն չեղաւ, որովհետեւ բոլոր առաքեալներէն աւելի ե՛ս աշխատեցայ, թէպէտ ինչ որ ըրի՝ ես չըրի, այլ իմ մէջս գործող Աստուծոյ շնորհքը։

ԱՌԱՋԻՆ ԿՈՐՆԹԱՑԻՍ 4:11

Մինչեւ օրս յաճախ անօթի ալ կը մնանք, ծարաւ ալ, կիսամերկ ալ. յաճախ ծեծի կ՚ենթարուինք, բնաւ մնայուն կայք չունինք,

ԱՌԱՋԻՆ ԿՈՐՆԹԱՑԻՍ 7:5

Երկար ատեն հեռու մի՛ մնաք իրարմէ։ Եթէ կ՚ուզէք աղօթքի նուիրուիլ, կրնաք փոխադարձ համաձայնութեամբ ժամանակ մը իրարմէ հեռու մնալ. բայց յետոյ վերադարձէ՛ք ձեր կենակցութեան, որպէսզի չըլլայ որ Սատանան ձեզ փորձութեան մղէ՝ ձեր անժուժկալութենէն օգտուելով։

ԵՐԿՐՈՐԴ ԿՈՐՆԹԱՑԻՍ 11:27

Միշտ ջանքի եւ ծանր աշխատանքի մէջ եղայ, յաճախ անքուն գիշերներ անցընելով, քաղց ու ծարաւ կրելով, յաճախ առանց պատառ մը հացի, ցրտահար ու մերկ։

ԵՓԵՍԱՑԻՍ 3:1

Այս պատճառով ալ, ես՝ Պօղոս, բանտը կը գտնուիմ Յիսուս Քրիստոսի սիրոյն եւ ձեզի՝ հեթանոսներուդ համար։

ՓԻԼԻՊՊԵՑԻՍ 1:13

Թէ՛ կայսերական պալատին եւ թէ՛ այլ շրջանակներու մէջ բոլորը իմացան, թէ Քրիստոսի համար բանտարկուած եմ։

ԱՌԱՋԻՆ ԹԵՍԱՂՈՆԻԿԵՑԻՍ 2:9

Վստահաբար կը յիշէք, եղբայրներ, մեր ծանր աշխատանքն ու յոգնութիւնը. թէ ի՛նչպէս մէկ կողմէ գիշերցերեկ կ՚աշխատէինք՝ ձեզմէ ոեւէ մէկուն բեռ չըլլալու համար, եւ միւս կողմէ Աստուծոյ Աւետարանը կը քարոզէինք ձեզի։

ԱՌԱՋԻՆ ՏԻՄՈԹԷՈՍ 4:10

թէ՝ կը տքնինք եւ նախատինք կրել յանձն կ՚առնենք՝ որովհետեւ մեր յոյսը դրած ենք կենդանի Աստուծոյ վրայ, որ բոլոր մարդոց փրկիչն է, բայց մանաւանդ հաւատացողներուն։

ԵՐԿՐՈՐԴ ՏԻՄՈԹԷՈՍ 1:8

Հետեւաբար մի՛ վախնար մեր Տիրոջ մասին վկայութիւն տալու. մի՛ վախնար նաեւ խօսելու իմ մասիս, որ Տիրոջ համար բանտարկուած եմ։ Այլ՝ ինծի պէս յանձն առ Աւետարանին սիրոյն չարչարուիլ, որքան որ կարողութիւն տայ Աստուած,

ԵՐԿՐՈՐԴ ՏԻՄՈԹԷՈՍ 2:9

Այդ Աւետարանին համար է որ կը չարչարուիմ ահա եւ նոյնիսկ բանտարկուած ալ եմ, չարագործի մը պէս։ Սակայն Աստուծոյ խօսքը կարելի չէ բանտարկել։

ԵՐԿՐՈՐԴ ՏԻՄՈԹԷՈՍ 4:5

Բայց դուն միշտ արթուն եղիր, նեղութիւններու համբերէ, աւետարանիչի քու գործդ ըրէ եւ ծառայութիւնդ իր աւարտին հասցուր։

ԵԲՐԱՅԵՑԻՍ 11:36

Ուրիշներ նախատինքներու եւ ծեծերու ենթարկուեցան, շղթաներու եւ բանտերու համը առին։

ԵԲՐԱՅԵՑԻՍ 13:17

Մտի՛կ ըրէք ձեր առաջնորդներուն խօսքը, որովհետեւ անոնք անքուն կը հսկեն ձեր հոգիներուն համար, գիտնալով՝ որ հաշիւ պիտի տան ձեզի համար. եւ հնազանդ եղէք անոնց, որպէսզի ուրախութեամբ կատարեն իրենց պաշտօնը եւ ո՛չ թէ հառաչելով, որովհետեւ ատիկա ձեր օգուտին համար չ՚ըլլար։

ԵԲՐԱՅԵՑԻՍ 13:23

Կ՚ուզեմ որ գիտնաք, թէ մեր եղբայրը՝ Տիմոթէոս բանտէն արձակուած է հիմա։ Եթէ շուտով մօտս գայ, միասին կու գանք ձեզ տեսնելու։

ՅԱՅՏՆՈՒԹԻՒՆ 2:10

Մի՛ վախնար այն չարչարանքներուն համար, որ պիտի կրես։ Ահա Բանսարկուն ձեզմէ ոմանք բանտ պիտի նետէ՝ ձեզ փորձելու համար, եւ ձեր նեղութիւնը տասը օր պիտի տեւէ։ Հաւատարիմ եղիր ինծի, նոյնիսկ եթէ մեռնիլ պէտք է, եւ ես քեզի կեանքի պսակը պիտի տամ»։