ԵՐԿՐՈՐԴ ԿՈՐՆԹԱՑԻՍ 5:10 - Western Armenian New Translation - Armenian Catholicosate of Cilicia - New Testament

¹⁰ Որովհետեւ բոլորս ալ Քրիստոսի ատեանին դիմաց պիտի կանգնինք, որպէսզի իւրաքանչիւրը իր մարմինով ընդունի հատուցումը երկրի վրայ իր կատարած բարի կամ չար գործերուն։

Արեւմտահայերէն Նոր Կտակարան հարմարցուած․ 2017

¹⁰ Վասն զի պէտք է որ ամէնքս ալ Քրիստոսին ատեանին առջեւ ներկայանանք, որպէս զի ամէն մէկը իր մարմնովը ըրածներուն փոխարէնը առնէ՝ ինչ որ գործեր է, թէ՛ բարի եւ թէ՛ չար։

Western Armenian Bible 1853

¹⁰ Վասն զի պէտք է որ ամէնքս ալ Քրիստոսին ատեանին առջեւ ներկայանանք, որպէս զի ամէն մէկը իր մարմնովը ըրածներուն փոխարէնը առնէ՝ ինչ որ գործեր է, թէ՛ բարի եւ թէ՛ չար։

ԵՐԿՐՈՐԴ ԿՈՐՆԹԱՑԻՍ 5:10 Iomraidhean Croise

ՄԱՏԹԷՈՍ 16:27

Արդարեւ, Մարդու Որդին պիտի գայ իր Հօր փառքով՝ իր հրեշտակներուն հետ, եւ այն ատեն իւրաքանչիւրին իր գործերուն համաձայն հատուցում պիտի կատարէ։

ԳՈՐԾՔ ԱՌԱՔԵԼՈՑ 10:42

Եւ Յիսուս մեզի պատուիրեց՝ ժողովուրդին քարոզել եւ վկայութիւն տալ, թէ ինքն է Աստուծմէ սահմանուած Դատաւորը, որ պիտի դատէ ողջերն ու մեռելները։

ԳՈՐԾՔ ԱՌԱՔԵԼՈՑ 17:31

Որովհետեւ օր մը սահմանեց, երբ արդարութեամբ պիտի դատէ ամբողջ աշխարհը մարդու մը ձեռքով, որուն միջոցաւ ուզեց հաւատք ներշնչել բոլորին՝ զայն մեռելներէն յարուցանելով։

ՀՌՈՎՄԱՅԵՑԻՍ 2:16

Այո՛, իւրաքանչիւրը իր ունեցած օրէնքով պիտի դատուի, այն օրը՝ երբ Աստուած մարդոց ծածուկ գործերը պիտի դատէ Յիսուս Քրիստոսի ձեռքով, ինչպէս որ աւետարանեցի ձեզի։

ՀՌՈՎՄԱՅԵՑԻՍ 6:19

Ծառայի օրինակով կը խօսիմ, որովհետեւ այդպէս աւելի հասկնալի է ձեզի։ Ինչպէս որ ժամանակ մը ձեր մարմինները անօրէնութեան տուած՝ պղծութեան եւ անօրէնութեան կը ծառայէիք, այնպէս ալ հիմա սրբութեան տուէք ձեր մարմինները եւ արդարութեան ծառայեցէք։

ԱՌԱՋԻՆ ԿՈՐՆԹԱՑԻՍ 4:5

Ուստի դուք ալ ոեւէ մէկը մի՛ դատէք ժամանակէն առաջ, մինչեւ գայ Տէրը, որ մարդոց մութ գաղտնիքները լոյսին պիտի բերէ եւ երեւան պիտի հանէ միտքերուն մէջ ծածկուած խորհուրդները։ Ահա այն ատեն իւրաքանչիւրը Աստուծմէ պիտի ստանայ արժանի գովասանքը։

ԵՐԿՐՈՐԴ ԿՈՐՆԹԱՑԻՍ 7:3

Ասիկա ձեզ դատապարտելու համար չեմ ըսեր, որովհետեւ դեռ քիչ առաջ ըսի՝ թէ դուք մեր սրտին մէջ էք եւ ոչինչ կրնայ մեզ ձեզմէ բաժնել, ո՛չ այս կեանքին մէջ, ո՛չ ալ մահուան մէջ։

ԵՓԵՍԱՑԻՍ 6:8

Գիտցէք, որ իւրաքանչիւր մարդ, ծառայ ըլլայ թէ ազատ, իր ըրած բարիքին փոխարէնը Տիրոջմէ պիտի ստանայ։

ԵԲՐԱՅԵՑԻՍ 9:27

Եւ ինչպէս որ մարդիկ մէկ անգամ կը մեռնին եւ անկէ ետք Աստուծոյ դատաստանին կը յանձնուին,

ԱՌԱՋԻՆ ՊԵՏՐՈՍԻ 4:5

Բայց այդ բոլորին համար պատասխան պիտի տան Աստուծոյ, որ պատրաստ է դատելու ողջերն ու մեռեալները։

ՅԱՅՏՆՈՒԹԻՒՆ 2:23

Չարաչար պիտի սպաննեմ իր որդիները, եւ բոլոր եկեղեցիները պիտի գիտնան՝ թէ ե՛ս եմ որ կը ճանչնամ մարդոց ցանկութիւններն ու մտածումները, եւ իւրաքանչիւրին կը հատուցանեմ իր գործերուն համաձայն»։

ՅԱՅՏՆՈՒԹԻՒՆ 22:12

Ահա շուտով կու գամ եւ վարձատրութիւնս հետս պիտի բերեմ՝ իւրաքանչիւրին իր գործերուն համաձայն հատուցանելու համար։