ԵՐԿՐՈՐԴ ԿՈՐՆԹԱՑԻՍ 4:4 - Western Armenian New Translation - Armenian Catholicosate of Cilicia - New Testament

⁴ Այս աշխարհի “աստուած” ը նկատուած Սատանան կուրցուցած է այդ անհաւատներուն միտքը, որպէսզի չըլլայ որ Աւետարանին բերած լոյսը ծագի անոնց մէջ, այսինքն՝ տեսնեն փառքը Քրիստոսի, որ անտեսանելի Աստուծոյ պատկերն է։

Արեւմտահայերէն Նոր Կտակարան հարմարցուած․ 2017

⁴ որոնց մէջ այս աշխարհի աստուածը անհաւատներուն մտքերը կուրցուց, որպէս զի Քրիստոսին աւետարանին փառքին լոյսը անոնց վրայ չծագի, որ է Աստուծոյ պատկերը։

Western Armenian Bible 1853

⁴ Որոնց մէջ այս աշխարհի աստուածը անհաւատներուն մտքերը կուրցուց, որպէս զի Քրիստոսին աւետարանին փառքին լոյսը անոնց վրայ չծագի, որ է Աստուծոյ պատկերը։

ԵՐԿՐՈՐԴ ԿՈՐՆԹԱՑԻՍ 4:4 Iomraidhean Croise

ՄԱՏԹԷՈՍ 13:22

Փուշերով ծածկուած հողը կը նմանի այն մարդուն, որ Աստուծոյ խօսքը կը լսէ, սակայն երկրաւոր կեանքի հոգերը եւ հարստութեան հրապոյրը կը խեղդեն Աստուծոյ խօսքը, որ անպտուղ կը դառնայ իր մէջ։

ՅՈՎՀԱՆՆՈԻ 1:14

Եւ Բանը մարդ եղաւ եւ մեր միջեւ բնակեցաւ, եւ մենք տեսանք անոր փառքը. փառքը Միածինին, որ Հօրմէն եկաւ՝շնորհքով եւ ճշմարտութեամբ լեցուն։

ՅՈՎՀԱՆՆՈԻ 1:18

Ոեւէ մէկը երբեք զԱստուած չէ տեսած, բացի Միածինէն, որ Աստուած է եւ Հօրմէն անբաժան. եւ Որդին էր որ մեզի ճանչցուց զայն։

ՅՈՎՀԱՆՆՈԻ 12:31

Հիմա կը սկսի այս աշխարհի դատաստանը։ Հիմա այս աշխարհի իշխանը դուրս պիտի նետուի։

ՅՈՎՀԱՆՆՈԻ 12:35

Յիսուս պատասխանեց. – Լոյսը քիչ մը ատեն ալ ձեզի հետ է. քալեցէ՛ք քանի լոյսը ունիք, որպէսզի խաւարը ձեզի չտիրէ։ Որովհետեւ ան որ խաւարին մէջ կը քալէ՝ չի գիտեր թէ ո՛ւր կ՚երթայ։

ՅՈՎՀԱՆՆՈԻ 12:40

«Աստուած անոնց աչքերը կուրցուց, եւ անոնց միտքերը կարծրացուց, որպէսզի չըլլայ որ աչքերով տեսնեն եւ միտքով հասկնան ու դարձի գան, եւ ես բժշկեմ զանոնք»։

ՅՈՎՀԱՆՆՈԻ 12:45

Նոյնպէս, ով որ զիս կը տեսնէ՝ զիս ղրկողն ալ տեսած կ՚ըլլայ։

ՅՈՎՀԱՆՆՈԻ 14:30

Այլեւս երկար պիտի չխօսիմ ձեզի, որովհետեւ ահա կու գայ այս աշխարհի իշխանը, որ իմ վրաս ո՛չ մէկ իշխանութիւն ունի։

ՅՈՎՀԱՆՆՈԻ 15:24

Եթէ իրենց մէջ կատարած չըլլայի այնպիսի գործեր, որոնք ուրիշ ոչ ոք ըրած է, անոնք մեղք պիտի չունենային։ Սակայն ահա անոնք տեսան իմ գործերս եւ ատեցին թէ՛ զիս եւ թէ՛ Հայրս։

ՅՈՎՀԱՆՆՈԻ 16:11

եւ չարին դատաստանը՝ որովհետեւ Սատանան, այս աշխարհի իշխանը, արդէն իսկ դատապարտուած է։

ՅՈՎՀԱՆՆՈԻ 8:12

Յիսուս դարձեալ խօսեցաւ ժողովուրդին, ըսելով. – Ե՛ս եմ աշխարհի լոյսը։ Ով որ ինծի կը հետեւի՝ խաւարի մէջ պիտի չքալէ, այլ պիտի ունենայ այն լոյսը որ կեանքին կ՚առաջնորդէ։

ԳՈՐԾՔ ԱՌԱՔԵԼՈՑ 26:18

որպէսզի անոնց աչքերը բանաս, զանոնք խաւարէն դէպի լոյս եւ Սատանայի իշխանութենէն դէպի Աստուած դարձնես, որպէսզի իրենց մեղքերուն թողութիւն գտնեն եւ ինծի հաւատալով՝ Աստուծոյ ժողովուրդին հետ բաժին ունենան»։ –

ԳՈՐԾՔ ԱՌԱՔԵԼՈՑ 26:23

Թէ՝ Քրիստոս պիտի չարչարուէր, թէ՝ ինք առաջինը պիտի ըլլար որ մեռելներէն յարութիւն պիտի առնէր՝ փրկութեան լոյսը տալու համար այս ժողովուրդին եւ բոլոր ազգերուն։

ԱՌԱՋԻՆ ԿՈՐՆԹԱՑԻՍ 10:20

Բայց որովհետեւ հեթանոսներ ինչ որ կը զոհեն՝ դեւերուն կը զոհեն, եւ ոչ՝ Աստուծոյ, չեմ ուզեր որ դուք դեւերուն հաղորդակից եղած ըլլաք։

ԵՐԿՐՈՐԴ ԿՈՐՆԹԱՑԻՍ 2:11

որպէսզի չըլլայ որ Սատանան մեր աններողութիւնը օգտագործէ. որովհետեւ անոր խորհուրդները լաւ գիտենք։

ԵՐԿՐՈՐԴ ԿՈՐՆԹԱՑԻՍ 2:12

Երբ Տրովադա հասայ, Քրիստոսի Աւետարանը քարոզելու համար, Տէրը իմ առջեւս յաջողութեան դուռը բացաւ։

ԵՐԿՐՈՐԴ ԿՈՐՆԹԱՑԻՍ 3:11

Եւ իրապէս, եթէ ժամանակաւորը փառաւորութեամբ տրուեցաւ, որքա՜ն աւելի փառաւոր է մնայունը։

ԵՐԿՐՈՐԴ ԿՈՐՆԹԱՑԻՍ 3:14

Արդարեւ, անոնց միտքերը փակուեցան, եւ մինչեւ այսօր ալ երբ Հին Կտակարանը կը կարդան՝ նոյն այդ քողը կը մնայ իրենց միտքերուն վրայ, որովհետեւ կը վերնայ միայն ա՛յնատեն՝ երբ Քրիստոսի հաւատան։

ԵՐԿՐՈՐԴ ԿՈՐՆԹԱՑԻՍ 3:18

Եւ մենք բոլորս ալ, որ բաց երեսով Տիրոջ փառքը կ՚արտացոլացնենք հայելիի մը պէս, նոյն այդ պատկերով կը փոխակերպուինք՝ հետզհետէ աճող փառքով մը։ Եւ այդ փոխակերպումը Տիրոջ Հոգին է որ կ՚իրագործէ։

ԵՐԿՐՈՐԴ ԿՈՐՆԹԱՑԻՍ 4:6

Որովհետեւ Աստուած ինք, որ ըսաւ՝ «Խաւարին մէջ լոյս թող ծագի», ինք մեր սիրտերուն մէջ ծագեցաւ, որպէսզի լուսաւորուինք եւ Աստուծոյ փառքը ճանչնանք Յիսուս Քրիստոսի անձին մէջ։

ԳԱՂԱՏԱՑԻՍ 1:4

որ իր անձը տուաւ մեր մեղքերուն համար, որպէսզի Աստուծոյ՝ մեր Հօրը կամքով մեզ ազատէ ներկայ չար աշխարհէն։

ԵՓԵՍԱՑԻՍ 2:2

Այդ մեղքերով կ՚ապրէիք, այս աշխարհի սովորութեան համաձայն, ենթարկուելով Սատանային, որ մթնոլորտին մէջ գործող ոգեղէն ոյժերուն իշխանն է, եւ ներկայիս կը գործէ Աստուծոյ անհնազանդ մարդոց մէջ։

ԵՓԵՍԱՑԻՍ 6:12

Որովհետեւ մեր պատերազմը մարդոց հետ չէ, այլ՝ երկինքի տակ գտնուող չար ոգիներուն, իշխանութիւններուն եւ պետութիւններուն, այս խաւար աշխարհի տիրակալներուն դէմ։

ՓԻԼԻՊՊԵՑԻՍ 2:6

որ թէպէտ բնութեամբ Աստուած էր, եւ Աստուծոյ հաւասար ըլլալը հռչակելը իրեն համար Աստուծոյ պատիւը յափշտակել չէր նշանակեր,

ԿՈՂՈՍԱՑԻՍ 1:15

Քրիստոս ինք՝ տեսանելի պատկերն է աներեւոյթ Աստուծոյ. Հօրը Որդին, ծնած համայն ստեղծուածներէն առաջ։

ԿՈՂՈՍԱՑԻՍ 1:27

Աստուած ուզեց անոնց ցոյց տալ՝ թէ ի՜նչ հարուստ ու փառաւոր է իր ծրագիրը, որ կը վերաբերի բոլոր ազգերուն. եւ այդ ծրագիրն է՝ Քրիստոսը ճանչցնել ձեզի, գալիք փառքին յոյսով։

ԱՌԱՋԻՆ ՏԻՄՈԹԷՈՍ 1:11

պատուէրներու, որոնք համաձայն են երանելի Աստուծոյ փառքը պատմող Աւետարանին, որ ես հաւատարմօրէն քարոզեցի։

ՏԻՏՈՍԻՆ 2:13

եւ յոյսով սպասենք այն երջանիկ օրուան, երբ մեր մեծ Աստուածն ու փրկիչը՝ Յիսուս Քրիստոս իր փառքով պիտի յայտնուի։

ԵԲՐԱՅԵՑԻՍ 1:3

Որդին, Հօրը փառքին լոյսը եւ անոր էութեան ճշգրիտ պատկերը, որ իր խօսքին զօրութեամբ տիեզերքը կը պահէ, իր անձով մեր մեղքերը սրբելէ ետք՝ երկինքի մէջ նստաւ Աստուծոյ՝ Գերագոյն Զօրութեան, աջ կողմը։

ԵԲՐԱՅԵՑԻՍ 6:4

Արդ, անոնք՝ որ անգամ մը լուսաւորուելով մկրտուելէ, երկնային պարգեւները վայելելէ, Սուրբ Հոգիին հաղորդակից դառնալէ,

ԵՐԿՐՈՐԴ ՊԵՏՐՈՍԻ 1:19

Ահա թէ ինչու՝ հիմա աւելի ամրօրէն կապուած ենք մարգարէական վկայութիւններուն. եւ լաւ կ՚ըլլայ որ դուք ալ ձեր ուշադրութիւնը դարձնէք անոնց, որովհետեւ անոնք այն ճրագն են՝ որ մութ տեղը լոյս կու տայ, մինչեւ բացուի այն օրուան արշալոյսը եւ Առաւօտեան Աստղը ծագի ձեր սիրտերուն մէջ։

ԱՌԱՋԻՆ ՅՈՎՀԱՆՆՈՒ 2:11

Իր եղբայրը ատողը, ընդհակառակը, խաւարի մէջ է, խաւարի մէջ կը քալէ եւ չի՛ գիտեր ուր կ՚երթայ, որովհետեւ խաւարը կուրցուցեր է իր աչքերը։

ԱՌԱՋԻՆ ՅՈՎՀԱՆՆՈՒ 2:8

Եւ սակայն դարձեալ իբրեւ նոր պատուիրան կը գրեմ ձեզի հետեւեալը, որուն ճշմարիտ ըլլալը տեսաք Քրիստոսի եւ ձեր կեանքերուն մէջ, թէ՝ ահա խաւարը կ՚անցնի եւ արդէն իսկ ճշմարիտ լոյսը կ՚երեւի։

ԱՌԱՋԻՆ ՅՈՎՀԱՆՆՈՒ 5:19

Թէպէտ ամբողջ աշխարհը Չարին ենթակայ ըլլայ, մենք գիտենք թէ Աստուծմէ ենք։