ԵՐԿՐՈՐԴ ԿՈՐՆԹԱՑԻՍ 3:5 - Western Armenian New Translation - Armenian Catholicosate of Cilicia - New Testament

⁵ Որովհետեւ բնաւ չենք խորհիր որ մենք մեր ոյժերով այդպիսի գործ մը կրնանք ընել. այլ՝ Աստուած է որ այդ կարողութիւնը կու տայ մեզի։

Արեւմտահայերէն Նոր Կտակարան հարմարցուած․ 2017

⁵ ոչ թէ մենք ինքնիրեննիս բաւական ենք բան մը խորհելու՝ որպէս թէ մեզմէ, հապա մեր կարողութիւնը Աստուծմէ է.

Western Armenian Bible 1853

⁵ Ոչ թէ մենք ինքնիրեննիս բաւական ենք բան մը խորհելու՝ որպէս թէ մեզմէ, հապա մեր կարողութիւնը Աստուծմէ է.

ԵՐԿՐՈՐԴ ԿՈՐՆԹԱՑԻՍ 3:5 Iomraidhean Croise

ՂՈԻԿԱՍ 21:15

որովհետեւ ես ձեզի պէտք եղած խօսքը եւ իմաստութիւնը պիտի տամ, որուն պիտի չկրնան հակառակիլ կամ պատասխան տալ ձեր բոլոր հակառակորդները։

ՂՈԻԿԱՍ 24:49

Եւ ահա ես ձեզի պիտի ղրկեմ Հօրս տուած խոստումը։ Մնացէ՛ք Երուսաղէմի մէջ, մինչեւ երկինքէն զօրութիւն ստանաք։

ՅՈՎՀԱՆՆՈԻ 15:5

Ես եմ որթատունկը եւ դուք՝ ճիւղերը։ Ով որ ինծի միացած է եւ ես անոր՝ անիկա առատ պտուղ պիտի տայ, որովհետեւ առանց ինծի դուք ոչինչ կրնաք ընել։

ՀՌՈՎՄԱՅԵՑԻՍ 15:18

բայց պիտի չհամարձակիմ ուրիշ բան յիշել, եթէ ոչ միայն այն՝ ինչ որ Քրիստոս իմ միջոցաւս կատարեց՝ հեթանոսները Աստուծոյ հնազանդեցնելու համար, խօսքով թէ գործով,

ԱՌԱՋԻՆ ԿՈՐՆԹԱՑԻՍ 15:10

Բայց հիմա ինչ որ եմ՝ Աստուծոյ շնորհքին կը պարտիմ. եւ կրնամ ըսել՝ թէ Աստուծոյ ինծի տուած շնորհքը ապարդիւն չեղաւ, որովհետեւ բոլոր առաքեալներէն աւելի ե՛ս աշխատեցայ, թէպէտ ինչ որ ըրի՝ ես չըրի, այլ իմ մէջս գործող Աստուծոյ շնորհքը։

ԱՌԱՋԻՆ ԿՈՐՆԹԱՑԻՍ 3:10

Աստուծոյ ինծի տուած շնորհքին համաձայն, ես՝ որպէս փորձառու ճարտարապետ՝ հաւատքին հիմը դրի. բայց ուրի՛շն է որ անոր վրայ պիտի շինէ։ Ամէն ոք զգոյշ պէտք է ըլլայ, սակայն, թէ ի՛նչպէս կը շինէ։

ԱՌԱՋԻՆ ԿՈՐՆԹԱՑԻՍ 3:6

Ես տնկեցի, Ապողոսը ջրեց. բայց Աստուած էր որ աճեցուց։

ԵՐԿՐՈՐԴ ԿՈՐՆԹԱՑԻՍ 12:9

Բայց ինծի ըսաւ. «Իմ շնորհքս կը բաւէ քեզի. որովհետեւ իմ զօրութիւնս ամբողջապէս կը յայտնուի՝ մարդուս տկարութեանը մէջ»։ Ահա թէ ինչու՝ մեծ հաճոյքով կը պարծենամ տկարութիւններովս, որպէսզի Քրիստոսի զօրութիւնը իմ մէջս հաստատուի։

ԵՐԿՐՈՐԴ ԿՈՐՆԹԱՑԻՍ 2:16

Կորուստի ճամբուն մէջ գտնուողներուն համար՝ մահաբոյր եւ մահաբեր կը թուի մեր կեանքը, բայց փրկութեան ճամբուն մէջ գտնուողներուն համար՝ կեանքի բուրմունք է, կեանքի տանող։ Սակայն ո՞վ կրնայ այսպիսի կեանք մը ապրիլ։

ԵՐԿՐՈՐԴ ԿՈՐՆԹԱՑԻՍ 4:7

Արդ, այս գանձը մեր մէջ կը կրենք՝ կաւէ անօթներու պէս, որպէսզի յստակօրէն երեւի՝ թէ այս անսահման զօրութիւնը Աստուծմէ է որ կու գայ, եւ ո՛չ թէ մեզմէ։

ՓԻԼԻՊՊԵՑԻՍ 2:13

Որովհետեւ Աստուած ի՛նք է որ կը ներգործէ ինչ որ կը կամենաք ու կը կատարէք, որպէսզի իր կամքին համաձայն շարժիք։

ՓԻԼԻՊՊԵՑԻՍ 4:13

Ամէն ինչ կրնամ տանիլ շնորհիւ Քրիստոսի, որ զիս զօրացուց։

ԵՐԿՐՈՐԴ ՏԻՄՈԹԷՈՍ 2:2

եւ այն՝ ինչ որ ես սորվեցուցի բազմաթիւ վկաներու ներկայութեան, նոյն բաները աւանդէ այնպիսի վստահելի մարդոց, որոնք կարող ըլլան ուրիշներուն ալ սորվեցնելու։

ՅԱԿՈԲՈՒ 1:17

Միայն բարի նուէրները եւ կատարեալ պարգեւներն են որ կու գան երկինքէն, Հօր Աստուծմէ, որ լոյսի արարիչն է, որուն կամքը անփոփոխ է, անդառնալի եւ անստուեր։