ԵՐԿՐՈՐԴ ԿՈՐՆԹԱՑԻՍ 3:3 - Western Armenian New Translation - Armenian Catholicosate of Cilicia - New Testament

³ եւ կրնայ յստակօրէն տեսնել՝ թէ Քրիստոսի նամակն էք դուք, պարզապէս մեր ձեռքով գրուած։ Գրուած՝ ո՛չ թէ մելանով, այլ՝ կենդանի Աստուծոյ Հոգիով. ո՛չ թէ քարեղէն տախտակներու, այլ՝ ձեր սիրտերու մարմնեղէն տախտակներուն վրայ։

Արեւմտահայերէն Նոր Կտակարան հարմարցուած․ 2017

³ յայտնի ըլլալով որ դուք Քրիստոսին թուղթն էք մեր սպասաւորութիւնովը, ո՛չ թէ մելանով գրուած, հապա կենդանի Աստուծոյ Հոգիովը, ո՛չ թէ քարեղէն տախտակներու վրայ, հապա սրտին մարմնեղէն տախտակներուն վրայ։

Western Armenian Bible 1853

³ Յայտնի ըլլալով որ դուք Քրիստոսին թուղթն էք մեր սպասաւորութիւնովը, ո՛չ թէ մելանով գրուած, հապա կենդանի Աստուծոյ Հոգիովը, ո՛չ թէ քարեղէն տախտակներու վրայ, հապա սրտին մարմնեղէն տախտակներուն վրայ։

ԵՐԿՐՈՐԴ ԿՈՐՆԹԱՑԻՍ 3:3 Iomraidhean Croise

ՄԱՏԹԷՈՍ 16:16

Սիմոն Պետրոս պատասխանեց. – Դուն Քրիստոսն ես, կենդանի Աստուծոյ Որդին։

ԱՌԱՋԻՆ ԿՈՐՆԹԱՑԻՍ 3:5

Վերջին հաշուով՝ Պօղո՛սը ով է, Ապողոսը ով է. պաշտօնեաներ են՝ որոնց միջոցաւ հաւատացիք, եւ որոնցմէ իւրաքանչիւրը պարզապէս կատարեց այն պաշտօնը որ Տէրը տուաւ։

ԵՐԿՐՈՐԴ ԿՈՐՆԹԱՑԻՍ 3:6

Դարձեալ ինքն է, որ մեզ արժանի ըրաւ ըլլալու ծառաները նոր Ուխտին, որ կապուած չէ՛ գրաւոր Օրէնքին, այլ՝ Սուրբ Հոգիին. որովհետեւ գրաւոր Օրէնքը մահուան կ՚առաջնորդէ, մինչդեռ Հոգին կեանք կու տայ։

ԵՐԿՐՈՐԴ ԿՈՐՆԹԱՑԻՍ 3:7

Երբ Օրէնքը գիրերով կը դրոշմուէր քարեղէն տախտակներուն վրայ, Աստուծոյ փառքը յայտնուեցաւ եւ Մովսէսի դէմքը այնպիսի՛ փայլքով մը կը փայլէր, որ Իսրայէլացիներ չկրցան անոր երեսին նայիլ, թէպէտ այդ փայլքը շուտով պիտի անցնէր։

ԵՐԿՐՈՐԴ ԿՈՐՆԹԱՑԻՍ 6:16

Ի՞նչ նմանութիւն կայ Աստուծոյ տաճարին եւ մեհեաններուն միջեւ։ Արդարեւ, մե՛նք ենք կենդանի Աստուծոյ տաճարը, ինչպէս Աստուած ինք ըսաւ.– «Անոնց մէջ պիտի բնակիմ եւ անոնց հետ պիտի ապրիմ։ Ես իրենց Աստուածը պիտի ըլլամ եւ անոնք՝ իմ ժողովուրդս»։

ԱՌԱՋԻՆ ԹԵՍԱՂՈՆԻԿԵՑԻՍ 1:9

որովհետեւ ո՛ւր որ երթանք՝ մարդիկ իրենք մեր մասին կը պատմեն, թէ ի՛նչպէս ձեզի եկանք, ի՛նչպէս դուք կուռքերը ձգելով Աստուծոյ դարձաք՝ կենդանի եւ ճշմարիտ Աստուծոյ ծառայելու համար,

ԵԲՐԱՅԵՑԻՍ 10:16

«Հետեւեալն է Ուխտը, որ իրենց հետ պիտի կնքեմ գալիք օրերուն,– կ՚ըսէ Տէրը.– իրենց միտքերուն մէջ պիտի դրոշմեմ իմ օրէնքներս, իրենց սիրտերուն վրայ պիտի գրեմ զանոնք»,

ԵԲՐԱՅԵՑԻՍ 8:10

«Արդ, հետեւեալն է Ուխտը, որ Իսրայէլի հետ պիտի կնքեմ գալիք օրերուն,– կ՚ըսէ Տէրը.– իրենց միտքերուն մէջ պիտի դրոշմեմ իմ օրէնքներս, իրենց սիրտերուն վրայ պիտի գրեմ զանոնք. ես իրենց Աստուածը պիտի ըլլամ, եւ իրենք՝ իմ ժողովուրդս։

ԵԲՐԱՅԵՑԻՍ 9:14

Քրիստոսի արիւնը շատ աւելին պիտի չընէ՞ միթէ։ Արդարեւ, յաւիտենական Հոգիին միջոցաւ Քրիստոս ինքզինքը որպէս անարատ զոհ Աստուծոյ մատուցանեց, որպէսզի իր արիւնով մաքրէ ձեր խղճմտանքը մեռելական գործերէ, եւ դուք կարենաք կենդանի Աստուածը պաշտել։

ՅԱՅՏՆՈՒԹԻՒՆ 2:1

Եփեսոսի եկեղեցիին հրեշտակին գրէ՛. «Այսպէս կ՚ըսէ ան՝ որ իր աջ ձեռքին մէջ ունի եօթը աստղերը եւ որ կը շրջի եօթը ոսկի ճրագարաններուն միջեւ.–

ՅԱՅՏՆՈՒԹԻՒՆ 2:12

Պերգամոնի եկեղեցիին հրեշտակին գրէ՛. «Այսպէս կ՚ըսէ ան՝ որ սրուած երկսայրի սուրը ունի.–

ՅԱՅՏՆՈՒԹԻՒՆ 2:18

Թիատիրի եկեղեցիին հրեշտակին գրէ՛. «Այսպէս կ՚ըսէ Աստուծոյ Որդին, որուն աչքերը կրակի բոցի պէս են եւ ոտքերը՝ հրաշէկ անագապղինձի նման.–

ՅԱՅՏՆՈՒԹԻՒՆ 2:8

Զմիռնիայի եկեղեցիին հրեշտակին գրէ՛. «Այսպէս կ՚ըսէ Առաջինն ու Վերջինը, ան՝ որ մեռաւ ու վերակենդանացաւ.–

ՅԱՅՏՆՈՒԹԻՒՆ 3:1

Սարդիկէի եկեղեցիին հրեշտակին գրէ՛. «Այսպէս կ՚ըսէ ան՝ որ ունի Աստուծոյ եօթը հոգիները եւ եօթը աստղերը.– Գիտեմ քու գործերդ եւ գիտեմ՝ որ միայն անունով ողջ ես, բայց իրականութեան մէջ մեռած ես։

ՅԱՅՏՆՈՒԹԻՒՆ 3:14

Լաւոդիկիայի եկեղեցիին հրեշտակին գրէ՛. «Այսպէս կ՚ըսէ Ամէնը, հաւատարիմ եւ ճշմարիտ Վկան, Աստուծոյ ստեղծագործութեան Սկիզբը.–

ՅԱՅՏՆՈՒԹԻՒՆ 3:22

«Ան որ ականջ ունի՝ թող լսէ թէ Հոգին ի՛նչ կ՚ըսէ եկեղեցիներուն»։

ՅԱՅՏՆՈՒԹԻՒՆ 3:7

Ֆիլատելֆիայի եկեղեցիին հրեշտակին գրէ՛. «Այսպէս կ՚ըսէ Սուրբը, Ճշմարիտը, ան՝ որ Դաւիթի բանալին ունի. երբ բանայ՝ չկայ մէկը որ գոցէ զայն, եւ երբ գոցէ՝ չկայ մէկը որ բանայ զայն.–