ԵՐԿՐՈՐԴ ԿՈՐՆԹԱՑԻՍ 3:12 - Western Armenian New Translation - Armenian Catholicosate of Cilicia - New Testament

¹² Արդ, որովհետեւ մենք այսպիսի յոյս մը ունինք, բաց երեսով կը խօսինք ձեզի հետ,

Արեւմտահայերէն Նոր Կտակարան հարմարցուած․ 2017

¹² Ուստի այսպիսի յոյս մը ունենալով, շատ համարձակութեամբ կը վարուինք մեր խօսքին մէջ

Western Armenian Bible 1853

¹² Ուստի այսպիսի յոյս մը ունենալով, շատ համարձակութեամբ կը վարուինք մեր խօսքին մէջ

ԵՐԿՐՈՐԴ ԿՈՐՆԹԱՑԻՍ 3:12 Iomraidhean Croise

ՅՈՎՀԱՆՆՈԻ 10:24

երբ իր շուրջ հաւաքուեցան Հրեաները եւ հարցուցին. – Մինչեւ ե՞րբ մեր հոգին պիտի հանես. եթէ դուն ես Քրիստոսը՝ յստակ ըսէ մեզի։

ՅՈՎՀԱՆՆՈԻ 16:25

Այս բաները պատկերաւոր բացատրութիւններով ըսի ձեզի։ Բայց ժամանակ պիտի գայ, երբ այլեւս պատկերաւոր ձեւով պիտի չխօսիմ, այլ բացայայտօրէն պիտի խօսիմ ձեզի՝ Հօրս մասին։

ՅՈՎՀԱՆՆՈԻ 16:29

Աշակերտները ըսին իրեն. – Ահա հիմա բացայայտ կը խօսիս, առանց պատկերաւոր բացատրութիւններ գործածելու։

ԳՈՐԾՔ ԱՌԱՔԵԼՈՑ 14:3

Այսուհանդերձ առաքեալները բաւական ատեն մնացին այնտեղ։ Համարձակութեամբ կը քարոզէին՝ վստահելով Տիրոջ, որ իր շնորհքին քարոզութեան վկայութիւն կու տար՝ անոնց ձեռքով նշաններ ու հրաշքներ կատարելով։

ԳՈՐԾՔ ԱՌԱՔԵԼՈՑ 4:13

Ատեանի անդամները Պետրոսի եւ Յովհաննէսի համարձակութիւնը տեսնելով, եւ հասկնալով՝ թէ պարզ եւ անուս մարդիկ են, կը զարմանային։ Եւ համոզուեցան թէ Յիսուսի ընկերակիցներէն էին։

ԳՈՐԾՔ ԱՌԱՔԵԼՈՑ 9:27

Սակայն Բառնաբաս առաւ Սօղոսը, առաքեալներուն տարաւ եւ անոնց պատմեց՝ թէ ի՛նչպէս Սօղոս ճամբուն վրայ Տէրը տեսած եւ անոր հետ խօսած է, եւ թէ ի՛նչպէս Յիսուսի անունով համարձակօրէն քարոզած է Դամասկոսի մէջ։

ԳՈՐԾՔ ԱՌԱՔԵԼՈՑ 9:29

Կը խօսէր ու կը վիճէր յատկապէս յունախօս Հրեաներուն հետ, որոնք զինք սպաննելու ձեւ մը կը խորհէին։

ԱՌԱՋԻՆ ԿՈՐՆԹԱՑԻՍ 14:19

բայց եկեղեցիին մէջ կը նախընտրեմ միայն հինգ բառ ըսել, բայց հասկնալի լեզուով ըսել՝ որպէսզի ուրիշներն ալ բան մը սորվին, քան թէ տասնեակ հազար բառ՝ անծանօթ լեզուներով։

ԵՐԿՐՈՐԴ ԿՈՐՆԹԱՑԻՍ 10:1

Ես, Պօղոս, Քրիստոսիհեզութեամբեւքաղցրութեամբ կը խնդրեմ ձեզմէ.– Կան մարդիկ, որոնք կ՚ըսեն՝ թէ երբ ձեր դիմաց եւ ձեր մէջ կը գտնուիմ՝ կը խեղճանամ, մինչդեռ երբ հեռու եմ՝ խիստ եմ ձեզի հանդէպ։

ԵՐԿՐՈՐԴ ԿՈՐՆԹԱՑԻՍ 3:11

Եւ իրապէս, եթէ ժամանակաւորը փառաւորութեամբ տրուեցաւ, որքա՜ն աւելի փառաւոր է մնայունը։

ԵՐԿՐՈՐԴ ԿՈՐՆԹԱՑԻՍ 4:13

Սաղմոսին մէջ գրուած է. «Հաւատացի.ահա թէ ինչո՛ւ խօսեցայ»։ Հաւատքի նոյն ոգին ունինք մենք։ Մենք ալ կը հաւատանք, ուստի նաեւ կը խօսինք։

ԵՐԿՐՈՐԴ ԿՈՐՆԹԱՑԻՍ 7:4

Մեծ վստահութիւն ունիմ ձեր վրայ. մեծապէս հպարտ եմ ձեզմով։ Մեր կրած բոլոր նեղութեանց մէջ ինքզինքս մեծապէս մխիթարուած եւ անսահմանօրէն ուրախ կը զգամ։

ՓԻԼԻՊՊԵՑԻՍ 1:14

Նաեւ, բանտարկութիւնս Տիրոջ միացած բազմաթիւ եղբայրներու քաջութիւն ներշնչեց եւ համարձակութիւն տուաւ՝ աւելի՛ անվախօրէն Աստուծոյ խօսքը քարոզելու։

ՓԻԼԻՊՊԵՑԻՍ 1:20

Այնպէս կ՚ակնկալեմ եւ կը յուսամ, որ ամօթով պիտի չմնամ, այլ՝ ինչպէս միշտ՝ այս անգամ եւս համարձակութեամբ պիտի պաշտպանեմ հաւատքս, այնպէս որ Քրիստոս փառաւորուի ինձմով, ըլլա՛յ ատիկա ապրելովս, ըլլա՛յմեռնելովս։

ԿՈՂՈՍԱՑԻՍ 4:4

Աղօթեցէք որ կարենամ ամենուն յայտնի դարձնել այդ ծրագիրը, այնպէս՝ ինչպէս որ պէտք է։

ԱՌԱՋԻՆ ԹԵՍԱՂՈՆԻԿԵՑԻՍ 2:2

Այլ, ինչպէս գիտէք, Փիլիպպէի մէջ խոշտանգուելէ եւ անարգուելէ ետք՝ Աստուծմով քաջութիւնը ունեցանք ձեզի գալու եւ Աստուծոյ Աւետարանը քարոզելու, հակառակ այն բուռն ընդդիմութեան՝ որուն հանդիպեցանք։

ԱՌԱՋԻՆ ՏԻՄՈԹԷՈՍ 3:13

Որովհետեւ, լաւ ծառայութիւն ընողները թէ՛ իրենք իրենց համար վարկ կը շահին եւ թէ՛ մեծ համարձակութեամբ կրնան խօսիլ Քրիստոս Յիսուսի հանդէպ ունեցած իրենց հաւատքին մասին։

ՓԻԼԻՄՈՆ 1:8

Ատոր համար ալ ամենայն վստահութեամբ կրնայի, որպէս քրիստոնեայ եղբայր, հրամայել քեզի՝ ինչ որ պէտք է.