ԵՐԿՐՈՐԴ ԿՈՐՆԹԱՑԻՍ 3:1 - Western Armenian New Translation - Armenian Catholicosate of Cilicia - New Testament

¹ Բայց ասիկա ըսելով, արդեօք ուրիշներու պէս մենքմեզ գովաբանա՞ծ կ՚ըլլանք։ Պէտք ունի՞նք միթէ ձեզմէ յանձնարարական առնելու կամ այդպիսի նամակներով ձեզի ներկայանալու, ինչպէս ոմանք կ՚ընեն։

Արեւմտահայերէն Նոր Կտակարան հարմարցուած․ 2017

¹ Սկսի՞նք նորէն ինքզինքնիս գովել. կամ թէ ոմանց պէս պէ՞տք է մեզի յանձնարարութեան թուղթեր ձեզի կամ ձեզմէ։

Western Armenian Bible 1853

¹ Սկսի՞նք նորէն ինքզինքնիս գովել. կամ թէ ոմանց պէս պէ՞տք է մեզի յանձնարարութեան թուղթեր ձեզի կամ ձեզմէ։

ԵՐԿՐՈՐԴ ԿՈՐՆԹԱՑԻՍ 3:1 Iomraidhean Croise

ԳՈՐԾՔ ԱՌԱՔԵԼՈՑ 18:27

Երբ Ապողոս ուզեց Աքայիա երթալ, հաւատացեալ եղբայրները համաձայն գտնուեցան եւ գրեցին այնտեղի հաւատացեալներուն՝ որ ընդունին զայն։ Իսկ Ապողոս երբ հոն հասաւ՝ Աստուծոյ շնորհքով մեծապէս օգտակար եղաւ հաւատացեալներուն,

ՀՌՈՎՄԱՅԵՑԻՍ 16:1

Ձեզի կը յանձնարարեմ Կենքրայի եկեղեցիին ծառայող մեր Ֆիպէ քոյրը,

ԱՌԱՋԻՆ ԿՈՐՆԹԱՑԻՍ 10:33

Ճիշդ այնպէս՝ ինչպէս ես կը փորձեմ բոլորն ալ սիրաշահիլ։ Ո՛չ թէ իմ անձիս օգուտը կը փնտռեմ, այլ՝ բոլորինը, որպէսզի փրկուին։

ԱՌԱՋԻՆ ԿՈՐՆԹԱՑԻՍ 16:3

այլ երբ գամ՝ յանձնարարական նամակներ տամ եւ Երուսաղէմ ղրկեմ ձեր ընտրած մարդիկը, որպէսզի ձեր նուէրները տանին։

ԱՌԱՋԻՆ ԿՈՐՆԹԱՑԻՍ 3:10

Աստուծոյ ինծի տուած շնորհքին համաձայն, ես՝ որպէս փորձառու ճարտարապետ՝ հաւատքին հիմը դրի. բայց ուրի՛շն է որ անոր վրայ պիտի շինէ։ Ամէն ոք զգոյշ պէտք է ըլլայ, սակայն, թէ ի՛նչպէս կը շինէ։

ԱՌԱՋԻՆ ԿՈՐՆԹԱՑԻՍ 4:15

Որովհետեւ նոյնիսկ եթէ բիւրաւոր դաստիարակներ ունենաք՝ ձեզ Քրիստոսի առաջնորդելու համար, բայց ինձմէ զատ հայր չէք կրնար ունենալ, որովհետեւ ե՛ս էի որ Աւետարանին քարոզութեամբ ձեզի հայր եղայ՝ որպէսզի Քրիստոս Յիսուսի պատկանիք։

ԵՐԿՐՈՐԴ ԿՈՐՆԹԱՑԻՍ 10:12

Անշուշտ չենք համարձակիր մենք մեզ բաղդատել կամ դասել անոնց հետ՝ որոնք ձեր դիմաց իրենք զիրենք կը գովեն։ Ա՜յնքան անմիտ են, որ իրենք իրենցմով կը չափեն եւ իրենք իրենց հետ կը բաղդատեն իրենց անձերը։

ԵՐԿՐՈՐԴ ԿՈՐՆԹԱՑԻՍ 10:18

Իսկապէս ընտրուածը ան չէ՛ որ ինքզինք կը գովէ, այլ ան՝ որ Տիրոջ կողմէ կը գովուի։

ԵՐԿՐՈՐԴ ԿՈՐՆԹԱՑԻՍ 10:8

Նոյնիսկ եթէ ուրիշներէն քիչ մը աւելի պարծենամ մեզի տրուած իշխանութեան համար, ամըչնալիք բան մը չունիմ։ Այդ իշխանութիւնը Տէրը ինք տուաւ՝ ձեր հաւատքը ամրապնդելու համար, եւ ո՛չ թէ խորտակելու։

ԵՐԿՐՈՐԴ ԿՈՐՆԹԱՑԻՍ 12:11

Իրաւ որ անմիտ եղայ պարծենալով. բայց դո՛ւք ստիպեցիք զիս։ Դուք էր որ պէտք էր վկայէիք՝ թէ ես ոեւէ բանով ետ չեմ մնար ձեր այդ նշանաւոր “առաքեալ” ներէն, թէպէտեւ ոչինչ եմ։

ԵՐԿՐՈՐԴ ԿՈՐՆԹԱՑԻՍ 12:19

Թերեւս կը խորհիք որ մինչեւ հիմա մենք մե՞զ է որ կը փորձենք արդարացնել։ Ո՛չ, սիրելիներ. մենք իբրեւ Քրիստոսի հաւատացողներ՝ Աստուծոյ դիմաց է որ կը խօ— սինք, եւ ինչ որ կ՚ընենք՝ ձեր օգուտին համար է որ կ՚ընենք։

ԵՐԿՐՈՐԴ ԿՈՐՆԹԱՑԻՍ 2:17

Անշուշտ ո՛չ անոնք՝ որոնք Աստուծոյ խօսքը վաճառքի կը հանեն, այլ՝ մենք, որ անկեղծօրէն կը խօսինք Աստուծոյ առջեւ՝ որպէս Քրիստոսի միացած Աստուծոյ պատգամաւորները։

ԵՐԿՐՈՐԴ ԿՈՐՆԹԱՑԻՍ 5:12

Մեր նպատակը ձեր հաճութիւնը շահիլ չէ։ Ընդհակառակը, կ՚ուզենք ձեզի պարծանքի պատճառ մը տալ, որ դուք մեզմով պարծենաք անո՛նց դիմաց, որոնք, ի հեճուկս մեզի, արտաքին առաւելութիւններով կը պարծենան, փոխանակ նկարագրային առաւելութիւններով պարծենալու։