ԵՐԿՐՈՐԴ ԿՈՐՆԹԱՑԻՍ 2:9 - Western Armenian New Translation - Armenian Catholicosate of Cilicia - New Testament

⁹ Նամակս գրած էի՝ ձեզ փորձելու համար. տեսնելու թէ իսկապէս հնազա՞նդ էք։

Արեւմտահայերէն Նոր Կտակարան հարմարցուած․ 2017

⁹ (քանզի ասոր համար ալ գրեցի, որպէս զի ձեզ փորձելով գիտնամ թէ ամէն բանի մէջ հնազա՞նդ էք։

Western Armenian Bible 1853

⁹ (Քանզի ասոր համար ալ գրեցի, որպէս զի ձեզ փորձելով գիտնամ թէ ամէն բանի մէջ հնազա՞նդ էք։

ԵՐԿՐՈՐԴ ԿՈՐՆԹԱՑԻՍ 2:9 Iomraidhean Croise

ԵՐԿՐՈՐԴ ԿՈՐՆԹԱՑԻՍ 10:6

Նաեւ պատրաստ ենք ոեւէ անհնազանդութիւն պատժելու, երբ ձեր հնազանդութիւնը ամբողջական ըլլայ։

ԵՐԿՐՈՐԴ ԿՈՐՆԹԱՑԻՍ 2:3

Եւ այս նամակս գրեցի, որովհետեւ կ՚ուզէի որ գալուս՝ միայն ուրախանամ ձեզմով, եւ ո՛չ թէ տրտմիմ, վստահ ըլլալով՝ որ իմ ուրախութիւնս ձեր բոլորին ուրախութիւնն է։

ԵՐԿՐՈՐԴ ԿՈՐՆԹԱՑԻՍ 2:4

Իրապէս ալ, սիրտս մեծ վիշտով ու նեղութեամբ լեցուած էր, եւ աղի արցունքով գրեցի զայն, ո՛չ թէ որպէսզի տրտմիք, այլ որպէսզի գիտնաք այն անսահման սէրը որ ունիմ ձեզի հանդէպ։

ԵՐԿՐՈՐԴ ԿՈՐՆԹԱՑԻՍ 2:8

Ուստի կ՚աղաչեմ, որ վերստին սէր ցոյց տաք իրեն։

ԵՐԿՐՈՐԴ ԿՈՐՆԹԱՑԻՍ 8:2

Հակառակ իրենց կրած նեղութեան եւ ծանր փորձութեան, մեծ եղաւ իրենց ուրախութիւնը, եւ հակառակ իրենց ծայր աստիճան աղքատութեան՝ չափազանց առատաձեռն եղան։

ԵՐԿՐՈՐԴ ԿՈՐՆԹԱՑԻՍ 8:24

Ուստի ձեր սիրոյն ապացոյցը տուէք եւ ձեր մասին մեր արտայայտած պարծանքին իրաւ ըլլալը ցոյց տուէք անոնց, բոլոր եկեղեցիներուն դիմաց։

ՓԻԼԻՊՊԵՑԻՍ 2:12

Հետեւաբար, սիրելինե՛րս, դուք՝ որ ձեր մէջ ներկայ եղած ատենս միշտ հնազանդ եղաք ինծի, հիմա որ ձեզմէ հեռու եմ՝ աւելի չափով հնազանդ եղէք եւ երկիւղած բարեպաշտութեամբ ձեր փրկութեան համար աշխատեցէք։

ՓԻԼԻՊՊԵՑԻՍ 2:22

Դո՛ւք ալ գիտէք իր հաւատարմութիւնը, որովհետեւ ինչպէս զաւակ մը պիտի օգնէր իր հօր՝ այնպէս հետս աշխատեցաւ Աւետարանին համար։

ԵՐԿՐՈՐԴ ԹԵՍԱՂՈՆԻԿԵՑԻՍ 3:14

Իսկ եթէ ոեւէ մէկը չհնազանդի մեր այս նամակով տուած պատուէրին, զայն նկատի առէք եւ բարեկամութիւն մի՛ ընէք հետը, որպէսզի ամչնայ։

ՓԻԼԻՄՈՆ 1:21

Հնազանդութեանդ վստահելով է որ գրեցի քեզի, որովհետեւ գիտեմ թէ ըսածս աւելիով պիտի ընես։