ԵՐԿՐՈՐԴ ԿՈՐՆԹԱՑԻՍ 13:5 - Western Armenian New Translation - Armenian Catholicosate of Cilicia - New Testament

⁵ Քննեցէ՛ք դուք ձեզ, տեսնելու համար թէ նոյն հաւատքին մէջ կը մնա՞ք։ Փորձեցէ՛ք դուք ձեզ. Քրիստոս Յիսուսի ներկայութիւնը կը զգա՞ք ձեր ներսիդին, թէ պարզապէս իր անունը կը կրէք։

Արեւմտահայերէն Նոր Կտակարան հարմարցուած․ 2017

⁵ Փորձեցէք ձեր անձերը թէ հաւատքին մէ՞ջն էք. քննեցէք ձեր անձերը. չէ՞ք գիտեր թէ Յիսուս Քրիստոս ձեր մէջն է, միայն եթէ անպիտան չըլլաք։

Western Armenian Bible 1853

⁵ Փորձեցէք ձեր անձերը թէ հաւատքին մէ՞ջն էք. քննեցէք ձեր անձերը. չէ՞ք գիտեր թէ Յիսուս Քրիստոս ձեր մէջն է, միայն եթէ անպիտան չըլլաք։

ԵՐԿՐՈՐԴ ԿՈՐՆԹԱՑԻՍ 13:5 Iomraidhean Croise

ՅՈՎՀԱՆՆՈԻ 14:23

Յիսուս պատասխանեց անոր. – Ով որ կը սիրէ զիս՝ խօսքերս կը գործադրէ. Հայրս ալ պիտի սիրէ զայն եւ ես ու Հայրս անոր պիտի գանք եւ անոր հետ բնակինք։

ՅՈՎՀԱՆՆՈԻ 15:4

Ինծի միացած մնացէք եւ ես ձեզի միացած պիտի մնամ։ Ինչպէս որ ճիւղը ինք առանձին պտուղ չի տար՝ եթէ որթատունկին միացած չըլլայ, նոյնպէս ալ դուք չէք կրնար պտուղ տալ՝ եթէ ինծի միացած չըլլաք։

ՅՈՎՀԱՆՆՈԻ 17:23

Ես անոնց մէջ ըլլամ եւ դուն՝ իմ մէջս, այնպէս որ անոնք կատարեալ կերպով մէկ ըլլան, որպէսզի աշխարհը գիտնայ թէ դուն ղրկեցիր զիս եւ թէ սիրեցի զանոնք, ինչպէս որ դուն զիս սիրեցիր։

ՅՈՎՀԱՆՆՈԻ 17:26

Քեզ ճանչցուցի անոնց եւ պիտի շարունակեմ ճանչցնել, որպէսզի անոնց մէջ ըլլայ այն սէրը որով զիս սիրեցիր եւ ես ըլլամ անոնց մէջ։

ՅՈՎՀԱՆՆՈԻ 6:56

Ով որ մարմինէս կ՚ուտէ եւ արիւնէս կը խմէ՝ մէջս կը բնակի եւ ես՝ անոր մէջ։

ՅՈՎՀԱՆՆՈԻ 6:6

Ասիկա ըսաւ՝ փորձելու համար Փիլիպպոսը, քանի ինք իր ընելիքը գիտէր։

ՀՌՈՎՄԱՅԵՑԻՍ 1:28

Այսինքն, քանի որ չուզեցին զԱստուած ճանչնալ, Աստուած ալ թոյլ տուաւ որ անոնք իրենց անարգ միտքերուն անձնատուր եղած՝ ընեն ինչ որ պէտք չէ ընել.

ՀՌՈՎՄԱՅԵՑԻՍ 8:10

Եթէ Քրիստոս ձեր մէջն է, թէպէտեւ ձեր մարմինները պիտի մեռնին, որովհետեւ մեղանչեցիք, սակայն Սուրբ Հոգին դարձեալ կեանք պիտի տայ ձեզի, որովհետեւ արդարացաք։

ԱՌԱՋԻՆ ԿՈՐՆԹԱՑԻՍ 11:28

Ուստի ամէն մարդ նախ ինքզինքը թող քննէ եւ ապա միայն այս հացէն ուտէ եւ բաժակէն խմէ,

ԱՌԱՋԻՆ ԿՈՐՆԹԱՑԻՍ 11:31

Եթէ երբեք մենք մեզ քննէինք, չէինք պատժուեր։

ԱՌԱՋԻՆ ԿՈՐՆԹԱՑԻՍ 3:16

Չէ՞ք գիտեր թէ Աստուծոյ տաճար էք դուք, եւ Աստուծոյ Հոգին կը բնակի ձեր մէջ։

ԱՌԱՋԻՆ ԿՈՐՆԹԱՑԻՍ 6:15

Չէ՞ք գիտեր թէ ձեր մարմինները Քրիստոսի անդամներն են։ Քրիստոսի անդամները առնենք պոռնիկի անդա՞մ դարձնենք։ Բնա՛ւ երբեք։

ԱՌԱՋԻՆ ԿՈՐՆԹԱՑԻՍ 6:19

Չէ՞ք գիտեր որ ձեր մարմինները տաճարն են Սուրբ Հոգիին որ Աստուծմէ առիք եւ ձեր մէջ կը բնակի։ Գիտցէք որ դուք չէ՛ք ձեր անձերուն տէրը,

ԱՌԱՋԻՆ ԿՈՐՆԹԱՑԻՍ 6:2

Միթէ չէ՞ք գիտեր, թէ Աստուծոյ ժողովուրդն է որ պիտի դատէ աշխարհը։ Եւ եթէ աշխարհը դուք պիտի դատէք, ի՞նչպէս կ՚ըլլայ որ չնչին դատ մը իսկ չէք կրնար տեսնել։

ԱՌԱՋԻՆ ԿՈՐՆԹԱՑԻՍ 9:24

Մրցադաշտին վրայվազքիմասնակցողներունօրինակը գիտէք, չէ՞։ Վազելը՝ բոլորն ալ կը վազեն, բայց մրցանակը մէկ հոգի կը շահի։ Դուք ալ, այնպէս վազեցէք՝ որ մրցանակինհասնիք։

ԱՌԱՋԻՆ ԿՈՐՆԹԱՑԻՍ 9:27

Բայց ինքզինքս սեղմումներու կ՚ենթարկեմ ու կը զսպեմ, որպէսզի չըլլայ թէ ես ինքս մրցանակէն զրկուիմ, ես՝ որ ուրիշներուն կը քարոզեմ։

ԵՐԿՐՈՐԴ ԿՈՐՆԹԱՑԻՍ 6:16

Ի՞նչ նմանութիւն կայ Աստուծոյ տաճարին եւ մեհեաններուն միջեւ։ Արդարեւ, մե՛նք ենք կենդանի Աստուծոյ տաճարը, ինչպէս Աստուած ինք ըսաւ.– «Անոնց մէջ պիտի բնակիմ եւ անոնց հետ պիտի ապրիմ։ Ես իրենց Աստուածը պիտի ըլլամ եւ անոնք՝ իմ ժողովուրդս»։

ԳԱՂԱՏԱՑԻՍ 2:20

Այո՛, Քրիստոսի հետ խաչին վրայ մեռայ եւ այլեւս կենդանի եմ. ես չէ որ կ՚ապրիմ, այլ՝ Քրիստոս է որ կ՚ապրի իմ մէջս։ Այս կեանքը, որ այժմ կ՚ապրիմ մարմնով, կ՚ապրիմ՝ հաւատալով Աստուծոյ Որդիին, որ զիս սիրեց եւ իր կեանքը զոհեց ինծի համար։

ԳԱՂԱՏԱՑԻՍ 4:19

Իմ ձագուկներս էք դուք, բայց ահա դարձեալ մօր մը պէս երկունքի ցաւ կը քաշեմ ձեզի համար, մինչեւ որ Քրիստոսի հարազատ պատկերը դառնաք։

ԳԱՂԱՏԱՑԻՍ 6:4

Ամէն մէկը թող իր գործը կշռէ եւ իր գոհունակութիւնը միայն ինքն իրեն պահէ, փոխանակ ինքզինք ուրիշներու հետ բաղդատելու։

ԵՓԵՍԱՑԻՍ 3:17

եւ ձեր հաւատքին միջոցաւ Քրիստոս ձեր սիրտերուն մէջ բնակի։ Կ՚աղօթեմ որ սիրոյ մէջ արմատանաք եւ հաստատուն հիմեր ունենաք,

ԿՈՂՈՍԱՑԻՍ 1:23

Ուստի յարատեւեցէ՛ք ձեր հաւատքին մէջ, զայն ամուր հիմերու վրայ հաստատելով, անխախտ պահելով այն յոյսը՝ որ ունեցաք Աւետարանի քարոզութիւնը լսելով։ Ես՝Պօղոսս, ինքս ալ ծառայ մըն եմ այդ Աւետարանին, որ երկինքի տակ գտնուող բոլոր արարածներուն կը քարոզուի։

ԿՈՂՈՍԱՑԻՍ 1:27

Աստուած ուզեց անոնց ցոյց տալ՝ թէ ի՜նչ հարուստ ու փառաւոր է իր ծրագիրը, որ կը վերաբերի բոլոր ազգերուն. եւ այդ ծրագիրն է՝ Քրիստոսը ճանչցնել ձեզի, գալիք փառքին յոյսով։

ԿՈՂՈՍԱՑԻՍ 2:19

Անոնք կապ չունին Գլուխին՝ Քրիստոսի հետ. մինչդեռ մարմինը՝ Քրիստոսի եկեղեցին, իր բոլոր յօդերով ու կապերով Գլուխին կապուած ու միացած, անկէ՛ կ՚առնէ իր աճումը, Աստուծոյ կամքին համաձայն։

ԿՈՂՈՍԱՑԻՍ 2:7

Իր մէջ արմատացէք եւ իր վրայ աճեցէք, ամրապնդուելով այն հաւատքին մէջ՝ որ սորվեցաք, եւ անդադար գոհութիւն յայտնեցէք իրեն։

ԱՌԱՋԻՆ ՏԻՄՈԹԷՈՍ 2:15

Բայց եւ այնպէս՝ կինն ալ կը փրկուի զաւակներ ծնելուն համար, եթէ ապրի պարկեշտութեամբ, հաւատքով, սիրով եւ սրբութեամբ։

ԵՐԿՐՈՐԴ ՏԻՄՈԹԷՈՍ 3:8

Այնպէս ինչպէս Եանէս եւ Եամբրէս մոգերը Մովսէսի հակառակեցան, միտքով ապականած եւ հաւատքով սնանկ այս մարդիկն ալ ճշմարտութեան կը հակառակին։

ՏԻՏՈՍԻՆ 1:13

Եւ շատ շիտակ է այս վկայութիւնը։ Այդ պատճառով ալ՝ ամենայն խստութեամբ յանդիմանէ զանոնք, որպէսզի առողջ հաւատքին վերադառնան,

ՏԻՏՈՍԻՆ 1:16

Կը յայտարարեն՝ թէ կը ճանչնան զԱստուած, բայց իրենց գործերով կ՚ուրանան զայն, քանի որ պիղծ են, անհնազանդ եւ ոեւէ բարի գործի անպէտ։

ՏԻՏՈՍԻՆ 2:2

Ծերերուն պատուիրէ որ զգաստ ըլլան, պարկեշտ ու զուսպ, եւ օրինակ ըլլան թէ՛ հաւատքի, թէ՛ սիրոյ, թէ՛ համբերութեան եւ թէ՛ ժուժկալութեան։

ԵԲՐԱՅԵՑԻՍ 12:15

Ուշադիր հսկեցէք որ ոեւէ մէկը Աստուծոյ շնորհքէն չզրկուի։ Չըլլա՛յ որ մէկը դառնութեան արմատ դառնալով՝ խռովութեան պատճառ ըլլայ եւ շատերը անկէ վարակուին։

ԵԲՐԱՅԵՑԻՍ 4:1

Հետեւաբար, մինչ Աստուծոյ կողմէ՝ իր պատրաստած հանգիստը մտնելու խոստումը ի զօրու կը մնայ, չափազանց զգոյշ ըլլանք որ ոեւէ մէկը անկէ չզրկուի։

ԵԲՐԱՅԵՑԻՍ 6:8

Իսկ այն հողը որ փուշ եւ տատասկ կը բուսցնէ՝ անպէտ է եւ անէծքի ենթակայ, եւ սահմանուած է այրուելու։

ՅԱԿՈԲՈՒ 4:4

Անհաւատարի՛մ մարդիկ, չէ՞ք գիտեր որ աշխարհին հետ բարեկամութիւն ընել՝ Աստուծոյ թշնամութիւն ընել կը նշանակէ։ Որովհետեւ ով որ կ՚ուզէ աշխարհին բարեկամ ըլլալ՝ ինքզինք Աստուծոյ թշնամի կը դարձնէ։

ԱՌԱՋԻՆ ՊԵՏՐՈՍԻ 5:9

Հաստատուն հաւատքով դէմ դրէք անոր, գիտնալով որ աշխարհի մէջ բոլոր ձեր եղբայրներն ալ նոյն չարչարանքներէն կ՚անցնին։

ՅԱՅՏՆՈՒԹԻՒՆ 2:5

Յիշէ՛, հետեւաբար, թէ ի՛նչ վիճակէ հոս ինկար, ապաշխարէ՛ եւ վերադարձի՛ր նախկին գործերուդ, ապա թէ ոչ՝ եթէ չապաշխարես՝ շուտով կու գամ եւ կը վերցնեմ քու ճրագարանդ իր տեղէն։