ԵՐԿՐՈՐԴ ԿՈՐՆԹԱՑԻՍ 13:4 - Western Armenian New Translation - Armenian Catholicosate of Cilicia - New Testament

⁴ Թէպէտ իբրեւ մարդ՝ տկարութեամբ խաչուեցաւ, բայց Աստուծոյ զօրութեամբը կենդանի է։ Մենք ալ, թէպէտեւ իր օրինակով կը տկարանանք, բայց իր օրինակով մենք ալ պիտի կենդանանանք Աստուծոյ զօրութեամբը՝ ձեզի ծառայելու համար։

Արեւմտահայերէն Նոր Կտակարան հարմարցուած․ 2017

⁴ որ թէպէտ խաչուեցաւ տկարութիւնով, բայց կենդանի է Աստուծոյ զօրութիւնով. քանզի մենք ալ թէպէտ կը տկարանանք անով, բայց կենդանի պիտի ըլլանք անոր հետ Աստուծոյ զօրութիւնովը ձեր մէջ։

Western Armenian Bible 1853

⁴ Որ թէպէտ խաչուեցաւ տկարութիւնով, բայց կենդանի է Աստուծոյ զօրութիւնով. քանզի մենք ալ թէպէտ կը տկարանանք անով, բայց կենդանի պիտի ըլլանք անոր հետ Աստուծոյ զօրութիւնովը ձեր մէջ։

ԵՐԿՐՈՐԴ ԿՈՐՆԹԱՑԻՍ 13:4 Iomraidhean Croise

ՅՈՎՀԱՆՆՈԻ 10:18

Ոչ ոք կրնայ կեանքս ինձմէ խլել։ Ես իմ կամքովս կեանքս կու տամ։ Իրաւունք ունիմ զայն տալու, ինչպէս նաեւ իրաւունք ունիմ զայն կրկին առնելու։ Ահա այսպէս պատուիրեց Հայրս ինծի։

ԳՈՐԾՔ ԱՌԱՔԵԼՈՑ 2:36

Հետեւաբար վստահ եղէք բոլորդ, ո՜վ Իսրայէլացիներ, Աստուած Տէր եւ Օծեալ կարգեց այն Յիսուսը, որ դուք խաչեցիք։

ԳՈՐԾՔ ԱՌԱՔԵԼՈՑ 3:16

Յիսուս ինք բժշկեց այս մարդը, որ կը տեսնէք եւ կը ճանչնաք, որովհետեւ իր անունին հաւատաց։ Եւ հաւատքն էր որ Յիսուսի ձեռքով առողջութիւն տուաւ այս մարդուն, ձեր բոլորին աչքին առջեւ։

ՀՌՈՎՄԱՅԵՑԻՍ 1:4

բայց որ իբրեւ Աստուծոյ Որդի յայտնուեցաւ, երբ իր Սուրբ Հոգիին զօրութեամբ մեռելներէն յարութիւն առաւ։

ՀՌՈՎՄԱՅԵՑԻՍ 14:9

Ատոր համար ալ Քրիստոս մեռաւ եւ վերակենդանացաւ, որպէսզի Տէրը ըլլայ բոլորին, թէ՛ ապրողներուն եւ թէ՛ մեռածներուն հաւասարապէս։

ՀՌՈՎՄԱՅԵՑԻՍ 6:4

Այսինքն, մկրտութեամբ անոր հետ միասին թաղուեցանք եւ մահուան հաղորդ եղանք, որպէսզի ինչպէս Քրիստոս Հօրը փառքով յարութիւն առաւ մեռելներէն, նոյնպէս ալ մենք նորոգուած կեանքով ապրինք։

ԱՌԱՋԻՆ ԿՈՐՆԹԱՑԻՍ 1:25

Արդարեւ, Աստուծոյ տնօրինութիւնը, որ Յոյներ յիմարութիւն կ՚որակեն, իմաստնագոյն է քան մարդկային ոեւէ իմաստութիւն. եւ Աստուծոյ խաչը, որ Հրեաներ տկարութիւն կը համարեն, աւելի զօրեղ է քան մարդկային ամէն զօրութիւն։

ԱՌԱՋԻՆ ԿՈՐՆԹԱՑԻՍ 15:43

հող կը դրուի անարգ, եւ յարութիւն կ՚առնէ՝ փառաւոր. հող կը դրուի տկար, եւ յարութիւն կ՚առնէ զօրաւոր.

ԱՌԱՋԻՆ ԿՈՐՆԹԱՑԻՍ 2:3

Եւ ձեր քով եկած ատենս ալ տկար էր, սաստիկ վախ ու դողի մէջ,

ԱՌԱՋԻՆ ԿՈՐՆԹԱՑԻՍ 6:14

Որովհետեւ Աստուած ինչպէս որ Տէր Յիսուսը յարուցանեց՝ այնպէս ալ մեզ պիտի յարուցանէ իր զօրութեամբը։

ԵՐԿՐՈՐԴ ԿՈՐՆԹԱՑԻՍ 10:10

ինչպէս ոմանք ըսեր են, թէ՝ «Նամակներուն մէջ շատ խիստ է եւ ազդեցիկ, մինչդեռ եթէ իրեն նայիս՝ խեղճուկ է, եւ խօսքերն ալ տպաւորիչ չեն»։

ԵՐԿՐՈՐԴ ԿՈՐՆԹԱՑԻՍ 12:10

Ատոր համար ալ, ես գոհ եմ տկարութիւններուս եւ Քրիստոսի համար կրած նախատինքներուս, նեղութիւններուս, հալածանքներուս եւ դժուարութիւններուս համար. որովհետեւ երբ տկար եմ՝ այն ատեն է որ զօրաւոր եմ։

ԵՐԿՐՈՐԴ ԿՈՐՆԹԱՑԻՍ 13:9

Ուրախութեամբ յանձն կ՚առնենք տկարանալ, միայն թէ դուք զօրանաք։ Ուստի կ՚աղօթենք որ հետզհետէ կատարեալ ըլլաք։

ՓԻԼԻՊՊԵՑԻՍ 3:10

Հիմա միակ փափաքս է՝ ճանչնալ Քրիստոսը, անոր յարութեան զօրութիւնը, եւ անոր չարչարանքներուն մասնակից դառնալ՝ անոր մահուան օրինակը իմ վրաս առնելով,

ԵԲՐԱՅԵՑԻՍ 5:7

Իր երկրաւոր կեանքի ընթացքին, Յիսուս մեծ աղաղակով ու արցունքով աղօթեց եւ աղաչեց Աստուծոյ, որ կրնար զինք մահուընէ փրկել։ Եւ Աստուած զինք լսեց, որովհետեւ խոնարհ էր ան եւ հնազանդ։

ԱՌԱՋԻՆ ՊԵՏՐՈՍԻ 3:18

Քրիստոս ալ, մէկանգամուանհամարչարչարուեցաւ մեր մեղքերուն համար, արդարը՝ մեղաւորներուս համար, որպէսզի մեզ Աստուծոյ մօտեցնէ։ Եւ թէպէտ մեռաւ մարմինով, բայց կենդանի մնաց հոգիով։

ԱՌԱՋԻՆ ՊԵՏՐՈՍԻ 3:22

որ երկինք երթալով Աստուծոյ աջակողմը նստաւ, իր իշխանութեան հնազանդեցնելով հրեշտակները եւ ոգեղէն աշխարհի իշխանութիւններն ու զօրութիւնները։