ԵՐԿՐՈՐԴ ԿՈՐՆԹԱՑԻՍ 12:6 - Western Armenian New Translation - Armenian Catholicosate of Cilicia - New Testament

⁶ Եթէ տակաւին ուզէի՝ կրնայի պարծենալ եւ անմիտ ալ եղած պիտի չըլլայի, որովհետեւ ճշմարտութիւնը ըսած պիտի ըլլայի։ Բայց կը հրաժարիմ ըսելէ, որպէսզի չըլլայ որ ոեւէ մէկը իմ վրաս աւելի բարձր համարում ունենայ՝ քան կրնայ ունենալ գործերս տեսնելով կամ խօսքերս լսելով։

Արեւմտահայերէն Նոր Կտակարան հարմարցուած․ 2017

⁶ Վասն զի եթէ պարծենալ ալ ուզեմ, անմիտ պիտի չըլլամ, որովհետեւ շիտակը պիտի խօսիմ. բայց կը խնայեմ խօսքս ՝ որ չըլլայ թէ մէկը իմ վրաս աւելի համարում ունենայ, քան որչափ իմ վրաս կը տեսնէ կամ ինծմէ կը լսէ։

Western Armenian Bible 1853

⁶ Վասն զի եթէ պարծենալ ալ ուզեմ, անմիտ պիտի չըլլամ, որովհետեւ շիտակը պիտի խօսիմ. բայց կը խնայեմ խօսքս՝ որ չըլլայ թէ մէկը իմ վրաս աւելի համարում ունենայ, քան որչափ իմ վրաս կը տեսնէ կամ ինծմէ կը լսէ։

ԵՐԿՐՈՐԴ ԿՈՐՆԹԱՑԻՍ 12:6 Iomraidhean Croise

ՀՌՈՎՄԱՅԵՑԻՍ 9:1

Քրիստոսով ճշմարիտը կ՚ըսեմ, առանց ստելու, եւ խիղճս ալ Սուրբ Հոգիով կը վկայէ՝

ԱՌԱՋԻՆ ԿՈՐՆԹԱՑԻՍ 3:5

Վերջին հաշուով՝ Պօղո՛սը ով է, Ապողոսը ով է. պաշտօնեաներ են՝ որոնց միջոցաւ հաւատացիք, եւ որոնցմէ իւրաքանչիւրը պարզապէս կատարեց այն պաշտօնը որ Տէրը տուաւ։

ԵՐԿՐՈՐԴ ԿՈՐՆԹԱՑԻՍ 1:18

Աստուած վկայ է՝ որ ձեր մէջ կատարած մեր քարոզութիւնը երկդիմի չեղաւ երբեք։

ԵՐԿՐՈՐԴ ԿՈՐՆԹԱՑԻՍ 11:16

Դարձեալ կ՚ըսեմ, թող ո՛չ ոք զիս անմիտ համարէ, եթէ պարծենամ. բայց նոյնիսկ անմիտ նկատէք՝ ես պիտի պարծենամ քիչ մը։

ԵՐԿՐՈՐԴ ԿՈՐՆԹԱՑԻՍ 11:31

Աստուած, մեր Տիրոջ՝ Յիսուսի Հայրը, որ յաւէտ օրհնեալ է, գիտէ՝ թէ չեմ ստեր։

ԵՐԿՐՈՐԴ ԿՈՐՆԹԱՑԻՍ 12:11

Իրաւ որ անմիտ եղայ պարծենալով. բայց դո՛ւք ստիպեցիք զիս։ Դուք էր որ պէտք էր վկայէիք՝ թէ ես ոեւէ բանով ետ չեմ մնար ձեր այդ նշանաւոր “առաքեալ” ներէն, թէպէտեւ ոչինչ եմ։

ԵՐԿՐՈՐԴ ԿՈՐՆԹԱՑԻՍ 12:7

Միւս կողմէ, որպէսզի չըլլայ որ ունեցած բացառիկ յայտնութիւններովս հպարտանամ, Աստուած փուշի պէս ծակող ցաւ մը տուաւ մարմինիս, կարծես Սատանային ներկայացուցիչը ըլլար մարմինիս մէջ, որպէսզի անով զիս զգաստացնէ եւ չհպարտանամ։

ԵՐԿՐՈՐԴ ԿՈՐՆԹԱՑԻՍ 5:13

Կա՛մ այն է՝ որ մեր խօսածները զառանցանք են թող Աստուած դատէ ատիկա – եւ կա՛մ այն է՝ որ ողջմտութիւն են – դո՛ւք դատեցէք ատիկա։

ԵՐԿՐՈՐԴ ԿՈՐՆԹԱՑԻՍ 7:14

Ձեզի համար պարծանքս յայտնած էի իրեն, եւ ամօթով չմնացի. եւ ինչպէս ձեզի խօսածներս բոլորը ճշմարիտ էին, նոյնպէս ալ Տիտոսի յայտնած պարծանքս ճշմարտուեցաւ։