ԵՐԿՐՈՐԴ ԿՈՐՆԹԱՑԻՍ 12:2 - Western Armenian New Translation - Armenian Catholicosate of Cilicia - New Testament

² Պիտի պարծենամ իբրեւ քրիստոնեայ մը, որ տասնըչորս տարիներ առաջ մինչեւ երկինքի բարձունքը յափշտակուեցաւ, չեմ գիտեր՝ մարմինո՞վ թէ հոգիով. Աստուած գիտէ։

Արեւմտահայերէն Նոր Կտակարան հարմարցուած․ 2017

² Մարդ մը կը ճանչնայի Քրիստոսով, որ տասնըչորս տարի առաջ (մարմինո՞վ էր՝ չեմ գիտեր, կամ առա՞նց մարմնի՝ չեմ գիտեր, Աստուած գիտէ), յափշտակուեցաւ մինչեւ երրորդ երկինքը։

Western Armenian Bible 1853

² Մարդ մը կը ճանչնայի Քրիստոսով, որ տասնըչորս տարի առաջ (մարմինո՞վ էր՝ չեմ գիտեր, կամ առա՞նց մարմնի՝ չեմ գիտեր, Աստուած գիտէ), յափշտակուեցաւ մինչեւ երրորդ երկինքը։

ԵՐԿՐՈՐԴ ԿՈՐՆԹԱՑԻՍ 12:2 Iomraidhean Croise

ՂՈԻԿԱՍ 24:51

Եւ մինչ կ՚օրհնէր, բաժնուեցաւ անոնցմէ, դէպի երկինք բարձրանալով։

ՅՈՎՀԱՆՆՈԻ 6:56

Ով որ մարմինէս կ՚ուտէ եւ արիւնէս կը խմէ՝ մէջս կը բնակի եւ ես՝ անոր մէջ։

ԳՈՐԾՔ ԱՌԱՔԵԼՈՑ 14:6

անոնք հասկցան իրենց գլխուն գալիքը եւ փախան դէպի Լիկայոնացիներու քաղաքները՝ Լիստրա, Դերբէ եւ շրջակայ գաւառները,

ԳՈՐԾՔ ԱՌԱՔԵԼՈՑ 22:17

Երուսաղէմ վերադարձիս, երբ որ տաճարին մէջ կ՚աղօթէի, մտքի յափշտակութեան մէջ ինկայ

ՀՌՈՎՄԱՅԵՑԻՍ 16:10

Բարեւ ըրէք Ապեղէսի, Քրիստոսի հաւատարիմին։

ՀՌՈՎՄԱՅԵՑԻՍ 16:3

Բարեւ ըրէք Պրիսկային ու Ակիլասին, Յիսուս Քրիստոսով իմ գործակիցներուս,

ՀՌՈՎՄԱՅԵՑԻՍ 16:7

Բարեւ ըրէք Անդրոնիկոսին եւ Յունիասին, իմ ազգակիցներուս եւ բանտակիցներուս, որոնք քաջածանօթ են իրենց առաքելական գործով եւ ինձմէ առաջ ալ քրիստոնեայ դարձած։

ՀՌՈՎՄԱՅԵՑԻՍ 16:9

Բարեւ ըրէք Ուրբանոսին, Տիրոջմով իմ գործակիցիս, եւ իմ սիրելի Ստաքիին։

ՀՌՈՎՄԱՅԵՑԻՍ 8:1

Եթէ այդպէս է, կը նշանակէ թէ անոնք որ Քրիստոս Յիսուսի միացած են՝ դատապարտութեան ենթակայ չեն, քանի մարմնաւորապէս չեն ապրիր, այլ՝ հոգեւորապէս։

ԱՌԱՋԻՆ ԿՈՐՆԹԱՑԻՍ 1:30

որովհետեւ Աստուած ի՛նքն էր որ ձեզ բերաւ Քրիստոսի միացուց, եւ մենք Քրիստոսով ճանչցանք Աստուծոյ իմաստութիւնը եւ գտանք մեր արդարութիւնը, սրբութիւնը եւ փրկութիւնը,

ԵՐԿՐՈՐԴ ԿՈՐՆԹԱՑԻՍ 11:11

Ինչո՞ւ կ՚ըսեմ ասիկա։ Ձեզ չսիրելո՞ւս համար։ Ընդհակառակը, Աստուած գիտէ թէ ո՛րքան ձեզ կը սիրեմ։

ԵՐԿՐՈՐԴ ԿՈՐՆԹԱՑԻՍ 13:5

Քննեցէ՛ք դուք ձեզ, տեսնելու համար թէ նոյն հաւատքին մէջ կը մնա՞ք։ Փորձեցէ՛ք դուք ձեզ. Քրիստոս Յիսուսի ներկայութիւնը կը զգա՞ք ձեր ներսիդին, թէ պարզապէս իր անունը կը կրէք։

ԵՐԿՐՈՐԴ ԿՈՐՆԹԱՑԻՍ 5:17

Ոեւէ մէկը որ Քրիստոսի միացած է՝ նոր արարած է. այլեւս չէ՛ այն՝ ինչ որ էր նախապէս, որովհետեւ ամբողջութեամբ նորոգուեցաւ։

ԵՐԿՐՈՐԴ ԿՈՐՆԹԱՑԻՍ 5:21

Որովհետեւ Աստուած մեզի համար մեղքի պատարագ ըրաւ Քրիստոսը, ան՝ որ բնաւ մեղք չէր գործած, որպէսզի մենք անոր միանալով արդարանանք Աստուծոյ համար։

ԳԱՂԱՏԱՑԻՍ 1:22

այնպէս որ՝ Հրէաստանի քրիստոնեայ համայնքին համար անծանօթ մնացի։

ԳԱՂԱՏԱՑԻՍ 5:6

Որովհետեւ Քրիստոս Յիսուսի միանալէ ետք՝ ո՛չ թլփատուած ըլլալը արժէք մը ունի, ո՛չ ալ թլփատուած չըլլալը, այլ՝ սիրով գործի դրուած հաւատքը։

ԵՓԵՍԱՑԻՍ 4:10

Ան որ իջաւ՝ նոյն ինքն է որ բոլոր երկինքներէն վեր բարձրացաւ, իրմով լեցնելու համար ամբողջ տիեզերքը։

ԱՌԱՋԻՆ ԹԵՍԱՂՈՆԻԿԵՑԻՍ 4:17

Եւ ապա, մեզմէ անոնք որ այն ատեն դեռ ողջ պիտի ըլլան՝ անոնց հետ միասին ամպերու վրայ երկինք պիտի յափշտակուին Տէրը դիմաւորելու համար. եւ այնուհետեւ Տիրոջ հետ միասինպիտի ըլլանք յաւիտեան։

ԵԲՐԱՅԵՑԻՍ 4:14

Հետեւաբար ամուր պահենք մեր դաւանած հաւատքը, որովհետեւ հիմա երկինքի սրբարանը մտած մեծ Քահանայապետ մը ունինք, Յիսուսը, Աստուծոյ Որդին։

ԵԲՐԱՅԵՑԻՍ 9:24

Որովհետեւ Քրիստոս չմտա՛ւ մարդկային ձեռքերով շինուած սրբարանը, որ ճշմարիտ Սրբարանին նախատիպն էր, այլ՝ նոյնինքն երկինք մտաւ, ուր այժմ Աստուծոյ ներկայութեան կը գտնուի մեզի համար։

ՅԱՅՏՆՈՒԹԻՒՆ 1:10

Եւ ահա Կիրակի օր մը, Սուրբ Հոգիով լեցուեցայ եւ ետեւէս փողի հնչիւնի նման զօրաւոր ձայն մը լսեցի,

ՅԱՅՏՆՈՒԹԻՒՆ 12:5

Կինը արու զաւակ մը ծնաւ, որ սահմանուած էր հովուելու բոլոր ազգերը՝ երկաթէ մականով։ Բայց կնոջ զաւակը յափշտակուելով տարուեցաւ Աստուծոյ եւ անոր գահին մօտ։

ՅԱՅՏՆՈՒԹԻՒՆ 4:2

Եւ անմիջապէս Հոգին զիս վերացուց։ Հոն՝ երկինքին մէջ գահ մը կար, եւ գահին վրայ նստած էր մէկը՝