ԵՐԿՐՈՐԴ ԿՈՐՆԹԱՑԻՍ 11:10 - Western Armenian New Translation - Armenian Catholicosate of Cilicia - New Testament

¹⁰ Բայց Քրիստոսի ճշմարտութեամբը, որ իմ ներսիդիս է, կ՚ըսեմ՝ թէ այս բաներով պիտի պարծենամ ամբողջ Աքայիայի մէջ, բոլորին պատմելով։

Արեւմտահայերէն Նոր Կտակարան հարմարցուած․ 2017

¹⁰ Քրիստոսին ճշմարտութիւնը իմ ներսիդիս է, որ այս իմ պարծենալս պիտի չխափանուի Աքայիայի կողմերն ալ։

Western Armenian Bible 1853

¹⁰ Քրիստոսին ճշմարտութիւնը իմ ներսիդիս է, որ այս իմ պարծենալս պիտի չխափանուի Աքայիայի կողմերն ալ։

ԵՐԿՐՈՐԴ ԿՈՐՆԹԱՑԻՍ 11:10 Iomraidhean Croise

ԳՈՐԾՔ ԱՌԱՔԵԼՈՑ 18:12

Աքայիայի փոխ–բդեշխին՝ Գալիոնի օրերուն, Հրեաները միաբանելով՝ Պօղոսի դէմ ելան եւ զայն ատեան տարին,

ԳՈՐԾՔ ԱՌԱՔԵԼՈՑ 18:27

Երբ Ապողոս ուզեց Աքայիա երթալ, հաւատացեալ եղբայրները համաձայն գտնուեցան եւ գրեցին այնտեղի հաւատացեալներուն՝ որ ընդունին զայն։ Իսկ Ապողոս երբ հոն հասաւ՝ Աստուծոյ շնորհքով մեծապէս օգտակար եղաւ հաւատացեալներուն,

ՀՌՈՎՄԱՅԵՑԻՍ 1:9

Աստուած, որուն կը ծառայեմ հոգիովս՝ իր Որդիին Աւետարանը քարոզելով, վկայ է՝ թէ անդադար կը յիշեմ ձեզ,

ՀՌՈՎՄԱՅԵՑԻՍ 16:5

Բարեւ ըրէք նաեւ իրենց տունը հաւաքուող եկեղեցիին։ Բարեւ ըրէք իմ սիրելի Եպենետոսին, որ Ասիա նահանգէն Քրիստոսի առաջին հաւատացողն է։

ՀՌՈՎՄԱՅԵՑԻՍ 9:1

Քրիստոսով ճշմարիտը կ՚ըսեմ, առանց ստելու, եւ խիղճս ալ Սուրբ Հոգիով կը վկայէ՝

ԱՌԱՋԻՆ ԿՈՐՆԹԱՑԻՍ 16:15

Գիտէք Ստեֆանասը, որ Աքայիա նահանգին մէջ Քրիստոսի առաջին հաւատացողն է, եւ իր ընտանիքի անդամները, որոնք իրենք զիրենք Աստուծոյ ժողովուրդին ծառայութեան նուիրեցին։ Կ՚աղաչեմ, եղբայրնե՛ր,

ԵՐԿՐՈՐԴ ԿՈՐՆԹԱՑԻՍ 1:1

Ես, Պօղոս, Աստուծոյ կամքով Յիսուս Քրիստոսի առաքեալը, եւ Տիմոթէոս՝ մեր եղբայրը, կը գրենք ձեզի՝ Կորնթոսի մէջ հաստատուած Աստուծոյ եկեղեցիին եւ ամբողջ Աքայիայի մէջ գտնուող քրիստոնեաներուդ։

ԵՐԿՐՈՐԴ ԿՈՐՆԹԱՑԻՍ 1:23

Աստուածվկայէըսածիս, ինք՝որկըճանչնայ իմ սիրտս, որ եթէ Կորնթոս չեկայ՝ ձեզի խնայելու համար էր որ չեկայ։

ԵՐԿՐՈՐԴ ԿՈՐՆԹԱՑԻՍ 10:15

Այնպէս որ՝ մենք որոշ սահմանէ մը անդին չենք պարծենար, մանաւանդ ուրիշներու աշխատանքով. բայց կը յուսանք որ ձեր հաւատքը աճի եւ ձեր մօտ մեր աշխատանքը աւելի մեծնայ ու տարածում գտնէ, միշտ Աստուծոյ որոշած սահմանին մէջ։

ԵՐԿՐՈՐԴ ԿՈՐՆԹԱՑԻՍ 11:12

Սակայն կը մերժեմ ձեզմէ նիւթական օգնութիւն ստանալ, եւ պիտի շարունակեմ մերժել, որպէսզի արմատէն կտրած ըլլամ առարկութիւնները անոնց՝ որոնք կը պարծենան թէ իրենք ալ մեզի պէս կ՚աշխատին։

ԵՐԿՐՈՐԴ ԿՈՐՆԹԱՑԻՍ 11:31

Աստուած, մեր Տիրոջ՝ Յիսուսի Հայրը, որ յաւէտ օրհնեալ է, գիտէ՝ թէ չեմ ստեր։

ԵՐԿՐՈՐԴ ԿՈՐՆԹԱՑԻՍ 12:19

Թերեւս կը խորհիք որ մինչեւ հիմա մենք մե՞զ է որ կը փորձենք արդարացնել։ Ո՛չ, սիրելիներ. մենք իբրեւ Քրիստոսի հաւատացողներ՝ Աստուծոյ դիմաց է որ կը խօ— սինք, եւ ինչ որ կ՚ընենք՝ ձեր օգուտին համար է որ կ՚ընենք։

ԵՐԿՐՈՐԴ ԿՈՐՆԹԱՑԻՍ 9:2

որովհետեւ գիտեմ ձեր յօժարութիւնը, եւ ձեր մասին միշտ պարծանքով խօսած եմ Մակեդոնացիներուն, ըսելով. «Աքայիացիները դեռ անցեալ տարուընէ պատրաստուեր են իրենց օգնութիւնը ընելու»։ Ձեր նախանձախնդրութիւնը շատ շատերուն համար գրգիռ եղաւ։

ԳԱՂԱՏԱՑԻՍ 1:20

Այս գրածներուս մէջ ոեւէ սուտ բան չկայ, վկայ է Աստուած։

ԳԱՂԱՏԱՑԻՍ 2:20

Այո՛, Քրիստոսի հետ խաչին վրայ մեռայ եւ այլեւս կենդանի եմ. ես չէ որ կ՚ապրիմ, այլ՝ Քրիստոս է որ կ՚ապրի իմ մէջս։ Այս կեանքը, որ այժմ կ՚ապրիմ մարմնով, կ՚ապրիմ՝ հաւատալով Աստուծոյ Որդիին, որ զիս սիրեց եւ իր կեանքը զոհեց ինծի համար։

ԱՌԱՋԻՆ ԹԵՍԱՂՈՆԻԿԵՑԻՍ 2:10

Դուք վկայ էք, վկայ է նաեւ Աստուած, թէ ինչպիսի՛ մաքուր, արդար եւ ուղիղ վարմունք ունեցանք բոլոր հաւատացեալներուդ հանդէպ։

ԱՌԱՋԻՆ ԹԵՍԱՂՈՆԻԿԵՑԻՍ 2:5

Ինչպէս լաւ գիտէք, ո՛չ շողոքորթութիւն ըրինք եւ ո՛չ ալ մեր շահը փնտռեցինք։ Աստուած վկայ է։

ԱՌԱՋԻՆ ՏԻՄՈԹԷՈՍ 2:7

եւ նոյն այդ վկայութիւնը տալու համար է որ ես ալ քարոզիչ եւ առաքեալ կարգուեցայ, քրիստոնէական հաւատքը եւ ճշմարտութիւնը սորվեցնելու համար բոլոր հեթանոսներուն։ Եւ Քրիստոս ինք վկայ է՝ թէ ճշմարտութիւնը կ՚ըսեմ, առանց ստելու։