ԵՐԿՐՈՐԴ ԿՈՐՆԹԱՑԻՍ 1:8 - Western Armenian New Translation - Armenian Catholicosate of Cilicia - New Testament

⁸ Եղբայրնե՛ր, կ՚ուզեմ որ գիտնաք՝ թէ ի՜նչ նեղութիւն կրեցինք Ասիա նահանգին մէջ։ Մեր կարողութենէն ա՛յնքան վեր էր բեռը, որ գրեթէ ապրելու յոյսը կորսնցուցինք։

Արեւմտահայերէն Նոր Կտակարան հարմարցուած․ 2017

⁸ Վասն զի Ասիոյ մէջ մեզի պատահած նեղութիւնները չեմ ուզեր ձեզի իմացնել, եղբա՛յրներ, թէ մեր կարողութենէն շատ աւելի ծանրաբեռնուեցանք, նոյնիսկ յոյսերնիս կտրեցինք ապրելէ։

Western Armenian Bible 1853

⁸ Վասն զի Ասիոյ մէջ մեզի պատահած նեղութիւնները չեմ ուզեր ձեզի իմացնել, եղբա՛յրներ, թէ մեր կարողութենէն շատ աւելի ծանրաբեռնուեցանք, նոյնիսկ յոյսերնիս կտրեցինք ապրելէ։

ԵՐԿՐՈՐԴ ԿՈՐՆԹԱՑԻՍ 1:8 Iomraidhean Croise

ԳՈՐԾՔ ԱՌԱՔԵԼՈՑ 16:6

Պօղոս, Շիղա եւ Տիմոթէոս Փռիգիայի եւ Գաղատիայի կողմերը շրջեցան. բայց Սուրբ Հոգին թոյլ չտուաւ որ Ասիա նահանգին մէջ Տիրոջ խօսքը քարոզեն։

ԳՈՐԾՔ ԱՌԱՔԵԼՈՑ 2:9

Չէ՞ որ ահա մեր մէջ կան՝ Պարթեւներ, Մարեր, Ելամացիներ, Միջագետացիներ, Հրէաստանցիներ, Կապադովկիացիներ, Պոնտացիներ, Ասիացիներ,

ՀՌՈՎՄԱՅԵՑԻՍ 1:13

Բայց կ՚ուզեմ որ գիտնաք, եղբայրնե՛ր, որ բազմիցս մտադրեցի գալ ձեզի, սակայն մինչեւ հիմա արգելքներ ունեցայ։ Որովհետեւ կ՚ուզեմ ձեր մէջ եւս վաստակ ունենալ, ինչպէս ունիմ ուրիշ ազգերու մէջ.

ԱՌԱՋԻՆ ԿՈՐՆԹԱՑԻՍ 15:32

Եթէ իբրեւ ոեւէ մարդ մտածէի՝ ի՞նչ պէտք ունէի «գազան» ներու դէմ կռուելու այստեղ, Եփեսոսի մէջ։ Եթէ մեռելներու յարութիւն չկայ՝ ուրեմն «Ուտենք, խմենք. քանի վաղը պիտի մեռնինք», ինչպէս մարդիկ յաճախ կ՚ըսեն։

ԱՌԱՋԻՆ ԿՈՐՆԹԱՑԻՍ 16:9

որովհետեւ աշխատանքի շատ մեծ եւ կարեւոր պատեհութիւն մը բացուած է դիմացս, թէպէտ հակառակորդները շատ են։

ԱՌԱՋԻՆ ԿՈՐՆԹԱՑԻՍ 4:8

Կը կարծէք թէ արդէն ամէն ինչ ունի՞ք. կը կարծէք թէ արդէն հարստացա՞ծ էք, եւ առանց մեզի արդէն թագաւորեցի՞ք։ Երանի՜ թէ թագաւորութեան հասած ըլլայիք, որպէսզի մենք ալ ձեզի հետ թագաւորէինք։

ԵՐԿՐՈՐԴ ԿՈՐՆԹԱՑԻՍ 1:9

Զգացինք որ մահուան վճիռը կախուած է մեր վրայ։ Բայց ատիկա եղաւ, որպէսզի սորվինք մենք մեզի չապաւինիլ, այլ՝ Աստուծոյ, որ կը յարուցանէ մեռելները։

ԵՐԿՐՈՐԴ ԿՈՐՆԹԱՑԻՍ 6:9

Թող չուզեն մեզ ճանչնալ. մենք գիտենք թէ մեզ լաւ կը ճանչնան։ Թող մեռած սեպեն մեզ. մենք ահա կենդանի ենք։ Թող մեզ պատժապարտ համարեն. մենք գիտենք թէ մահուան դատապարտութենէն ազատած ենք։