ԵՐԿՐՈՐԴ ԿՈՐՆԹԱՑԻՍ 1:7 - Western Armenian New Translation - Armenian Catholicosate of Cilicia - New Testament

⁷ Ուստի ձեր վրայ հաստատուն յոյս ունինք, գիտնալով որ՝ քանի մեր չարչարանքներուն մասնակից էք՝ մեր ունեցած մխիթարութեան ալ մասնակից պիտի ըլլաք։

Արեւմտահայերէն Նոր Կտակարան հարմարցուած․ 2017

⁷ Մեր յոյսը հաստատուն է ձեզի համար, վասն զի գիտենք թէ ինչպէս մեր չարչարանքներուն հաղորդակից եղաք, նոյնպէս ալ մխիթարութեանը պիտի ըլլաք։

Western Armenian Bible 1853

⁷ Մեր յոյսը հաստատուն է ձեզի համար, վասն զի գիտենք թէ ինչպէս մեր չարչարանքներուն հաղորդակից եղաք, նոյնպէս ալ մխիթարութեանը պիտի ըլլաք։

ԵՐԿՐՈՐԴ ԿՈՐՆԹԱՑԻՍ 1:7 Iomraidhean Croise

ՄԱՏԹԷՈՍ 23:30

ու կ՚ըսէք. «Եթէ մենք մեր հայրերուն ժամանակը ապրած ըլլայինք, մարգարէներու սպանութեան մասնակից պիտի չըլլայինք»։

ԱՌԱՋԻՆ ԿՈՐՆԹԱՑԻՍ 10:13

Ձեր կրած փորձութիւնները մարդկային սահմաններէն դուրս փորձութիւններ չեն։ Բայց վստահեցէ՛ք Աստուծոյ. անիկա թոյլ պիտի չտայ որ ձեր կարողութենէն աւելի փորձուիք, այլ՝ փորձութեան մէջ իսկ ցոյց պիտի տայ զայն յաղթահարելու միջոցը, որպէսզի կարենաք տոկալ։

ԵՐԿՐՈՐԴ ԿՈՐՆԹԱՑԻՍ 12:20

Բայց կը վախնամ որ երբ գամ՝ ձեզ չգտնեմ այնպէս՝ ինչպէս որ կ՚ուզեմ, եւ դուք ալ զիս գտնէք այնպէս՝ ինչպէս պիտի չուզէիք։ Այսինքն, կը վախնամ որ դարձեալ ձեր մէջ կռիւ, նախանձ, զայրոյթ, իրարու դէմ գրգռութիւն, չարախօսութիւն, բամբասանք, հպարտութիւն, ամբարտաւանութիւն եւ խռովութիւն ըլլայ։

ԵՐԿՐՈՐԴ ԿՈՐՆԹԱՑԻՍ 7:9

Ուրախ եմ հիմա, ո՛չ թէ ձեզ տրտմեցուցած ըլլալուս համար, այլ՝ որովհետեւ այդ տրտմութիւնը պատճառ եղաւ որ ձեր վարմունքը փոխէք։ Եւ որովհետեւ ձեր տրտմութիւնը Աստուծոյ գործին ծառայեց, ես պէտք չունիմ այլեւս խստութեամբ գալու ձեզի։

ԵՐԿՐՈՐԴ ՏԻՄՈԹԷՈՍ 2:12

Եթէ համբերենք՝ իրեն հետ ալ պիտի թագաւորենք։ Եթէ զինք ուրանանք՝ ինքն ալ մեզ պիտի ուրանայ։

ԵՐԿՐՈՐԴ ՏԻՄՈԹԷՈՍ 3:11

Գիտես թէ ի՛նչ պատահեցաւ ինծի Անտիոքի, Իկոնիոնի եւ Լիստրայի մէջ. թէ ի՛նչպիսի հալածանքներ կրեցի, եւ այդ բոլորէն Տէրը զիս ազատեց։

ՅԱԿՈԲՈՒ 1:12

Երանի՜ այն մարդուն որ կը տոկայ փորձութեան, որովհետեւ փորձութենէն յաղթական դուրս եկողը որպէս մրցանակ պիտի ստանայ այն կեանքը, որ Տէրը խոստացաւ տալ զինք սիրողներուն։

ՅԱՅՏՆՈՒԹԻՒՆ 1:9

Ես, Յովհաննէս, ձեր եղբայրն եմ եւ Յիսուս Քրիստոսի միացած ըլլալով՝ մասնակից եմ ձեր նեղութեան, արքայութեան, յոյսին եւ համբերութեան։ Աստուծոյ խօսքին եւ Յիսուս Քրիստոսի վկայելուս համար՝ Պատմոս կոչուած կղզին աքսորուած էի։